خالد البرمان
06-24-2009, 05:40AM
بسم الله الرحمن الرحيم
السلام عليكم ورحمة الله وبركاته
الصراحة احترت مدري كيف أرقى لذوائقكم
واخترت والله يجملنا ويستر
تمقطرت القلوب اللي ورى كتمانهـا آل سـوار=لقيت ان القلـوب جيـوب مسفيّـه وممطـوره
توارى دربها والبير مردومـه صخـر وغبـار=تساوت بـه مساحاتـه رفاعـه يشبـه لغـوره
الا وين انت ياللي تحتـوي/ ترسانـة الاسـرار=عميلك مطمئـن البـال فـي سِـرّه ومطمـوره
ينـام الليـل يابـاح الكنيـن لآخـر المشـوار=ولاينغص عليه الهاجس اللي ينغـص شعـوره
ألا وين الصديق الصادق اللـي بالوفـا مغـوار=يشوش ويعتلي هـام الصداقـه فعلـه وشـوره
تشوح الشايحـه تربـك ترانيـم وتعـل اوتـار=يغيب السمع في وسط الزحام وتغترب صـوره
تناهى ياتباهى فـي سماهـا الكاشـف الغـدار=تصونع ضحكةٍ صفرا وتشكـي للزمـن جـوره
تحورق غِب سكـان الزمـن والـدار والديّـار=وتنعى دار سكـانٍ مضـى مـن وقتهـم دوره
عليهم رحمة البـاري سلالـه واْصْلَهـا مابـار=عسى ينمي( بقايا النبت وعروقه)مـن جـذوره
وترجع فكرة صدور الرجال مصندقه باْصْـرار=وهذي تكفي الوقـت العجيـب وتاقـف بـزوره
وياكم تكتنفني حيرتي غيـر اجتيـاح (الـزار)=ليامِنْ زارني باْسرار خلـق الله (بعـض زوره)
يتيه العقل في غيـم الهـزل وتسافـر الافكـار=تجيه (السومه) اللي تستبيـح العاقـل وطـوره
تملعـن تنلعـن تستغفـر وتستعـذب الاذكـار=تطوش لياستعاذت بالولـي مـن لعنـة الفـورة
ويامـا ماشقانـي يابـلـد ماثـرثـر الـهـذّار=على ماقيل مـن (سقـط المتاع)ولابـه مـروره
بعد من منطلق حُرْمَةْ دلالٍ يصطفقهـا احـرار=يغيض الغيض عن درب السفيه ونبش مستـوره
تفرعن (طَبْع) غلّاب (التطبُع)والطبـوع اطـوار=زمى (شيمه) سهج(زيف السقيم) وجمهرة زوره
(دوام الحال)من سابع محـال تكمّـل المشـوار=قبل صدام فـاروق الملـك دارت بـه الـدوره
بعد (من شق جيب الناس)شَقّوله جيـوب الثـار=ومن (بيتـه قـزاز) لياتمـادى بـان مكسـوره
تدندن يالحـن وانسـى /توجـه وجهـة التيـار=تراقص للطرب (عِـلْ العرب)مافـاد دكتـوره
مثل من قلّد الممشى وضيّـع ضَبْطَـةَ المعيـار=وضيّع مشيه الاول ولا جت لـه علـى شـوره
وكن الـدّور والـدّاره تـدور بغيبـةْ المقـدار=تمادت قصـة (التطبيـع) باخفاقـات مشكـوره
الا (يامعايد الحَيّين )تذكّر ماحصـل وش صـار=لانت اللي جنيت الفـود /ولالحّقْـت مظهـوره
توكلنا علـى الـرب الكريـم القـادر الستـار=على لحونٍ تمادت بالكـلام وغامـق سطـوره
تروق النوق مع كبر الفتـوق وتاكـل الصبّـار=وَيَاصُبْرَكْ ( يابو صابر )على ظيمك مع شروره
تِعِبْ متن الورق شرقٍ توسط صفحـة التكـرار=عِشِق لدْغ الجحر مرّات يامـا ملّـت جحـوره
بقا له مابقا لـه غيـر مجـد بسالـف الاذكـار=مثل من قال (كان الوالد )/وشخصه طفى نـوره
وصار المنكر المعروف/ والمعروف عكس الكار=تطاولنـا المبانـي والمكـان وعالـي قصـوره
تباعدنـا المسافـه والبخيـت مجمّـع الدينـار=نشيل شوال مال وحال /عيشتنـا بهـا خطـوره
تعالوا يرحم الموتـى ومـروا مـرّت الـزوّار=ترى صدور العرب بالـذات مبليـه ومقهـوره
ترى التاريخ له بارود ماتفرق كبير كبار=عن اتفه ماصغر حجمه ولا تنشد عن العوره
ابا انشد مهتوين اللغز وش شي(ن) ليامن طار = يصير الآدمي (ناطق) وحاله غير ميسوره
واذا قربتها بالحيل تسعى له دول واديار= وتركض للوصول رجال تلهث له ورى كوره
تفرقنا وطار الطير \ صار الحاصل اللي صار=وضيعنا الجهات وصارت الحيلات مبتوره
على حد الطريق اللي تواراله قبس من نار= لياحد البصيره والعمى والعين مذروره
تتيه دروب لو( زرقا اليمامه) تنتخبها ابصار =وش اللي ينفع الناظر بلا تحديد منظوره
(أتنشن) سيداتي سادتي في نشرة الأخبار = أفاد المصدر المسئول وثيقه غير منشوره
يقولون العرب صار اتفاق(ن)صارم(ن) بتار = على لا(اتفاق) ودونت بامثال مشهوره
تواكب جملة (اللآ آت) شعار بمحفل الثوار= وتُعْسَفْ (شجب واستنكار) مع الشجاب والثوره
بعد هدّن بي شويه \ شويه والحياه اعمار = وبسم اللي خلق كونه وعلّم عِدّةْ شهوره
تَنَحّنْ عني بوجه الكريم الواحد الستار= أسبح كل لحظاتي بحمده وارتجي نوره
وعزة ربي الواحد وذكره ماني المحتار = ومن فضل الحكيم استغفره والنفس مسروره
ألا يالأمه اللي ضَيّعَتْ من قسمت لاْمْصَار=ترى لاعَوْدْ للأمجاد دون العود للسوره
بعد ذكراعتصام بحبل رب(ن) واحد (ن) جبار= عن التفريق خوذوا شوط والآيات مذكوره
ومن خيبة ملوك للطوايف خوذوا التعبار = تمادوا في بطرهم والرجل يمدح به غروره
تمادوا ناعم الملبس ولا داروا حقوق الجار = حتى ضيعوا مجدٍ تليد وهيبة حْضوره
بكت غرناطه من الظيم غب الحاكم السمسار= تُوَشّحْ من بلاد الأندلس نغمات مسحوره
عتاده (غانيات القوم) والعده (نغم مزمار)= وش اللي ترتجي (أشبيليا) والخيل مقهوره
وش اللي ينفع قصورٍ بنوها سالف العمار = وكانت مع ترفها دوم بالتسبيح معموره
مادام اللي ورثها كل زواره من السمار =قرا السطر التعيس اللي هوى به لاسفل قعوره
قرا آيه ترك آيات وجلاسه هل الأسفار = حفظ توراتهم وانجيلهم والنفس مسطوره
ترى من هاب يرقى هام( راس المعتلي) واحتار= مكانه بالطمان الدايم الغاير مع حفوره
عليه قصور هالحمرا بكل النقش والأحجار=تفور بغيض من خوف البغيض ونار تنوره
زمان الأندلس ولى وياخوفي من التكرار= مواري (درب تاريخ) وعليلاته ومجدوره
متاكم ياعرب تمشون سكه كلها دوار= مدام الدايره مالانهايه غير محصوره
عسى تقتل بلاهة بال وتحيا فيكم الأفكار =وبالتدريج تتدرب على الرايات منصوره
ترك فيكم (رسول الله) إثنينٍ واضحات أخيار = كتاب الله مع السنه كلام الخالق ونوره
بعد عضوا عليهن بالنواجذ سيلهن مدرار = سكيب الغيث يبدا في بعض قطرات مبروره
قويه حزمة التجميع لياحاول بها المنشار = واذا فَرّقْت هالحزمه بلا منشار منشوره
تجي نستعرض التاريخ رحله ماتبي مسبار = ونبحث ماتواترناه بْاكْتابات مسبوره
سبب هذا الخنوع (الجبن)لا(زيتون)لا(اْستعمار)=سلامي للسلام وحلم شجعانه ومنظوره
السلام عليكم ورحمة الله وبركاته
الصراحة احترت مدري كيف أرقى لذوائقكم
واخترت والله يجملنا ويستر
تمقطرت القلوب اللي ورى كتمانهـا آل سـوار=لقيت ان القلـوب جيـوب مسفيّـه وممطـوره
توارى دربها والبير مردومـه صخـر وغبـار=تساوت بـه مساحاتـه رفاعـه يشبـه لغـوره
الا وين انت ياللي تحتـوي/ ترسانـة الاسـرار=عميلك مطمئـن البـال فـي سِـرّه ومطمـوره
ينـام الليـل يابـاح الكنيـن لآخـر المشـوار=ولاينغص عليه الهاجس اللي ينغـص شعـوره
ألا وين الصديق الصادق اللـي بالوفـا مغـوار=يشوش ويعتلي هـام الصداقـه فعلـه وشـوره
تشوح الشايحـه تربـك ترانيـم وتعـل اوتـار=يغيب السمع في وسط الزحام وتغترب صـوره
تناهى ياتباهى فـي سماهـا الكاشـف الغـدار=تصونع ضحكةٍ صفرا وتشكـي للزمـن جـوره
تحورق غِب سكـان الزمـن والـدار والديّـار=وتنعى دار سكـانٍ مضـى مـن وقتهـم دوره
عليهم رحمة البـاري سلالـه واْصْلَهـا مابـار=عسى ينمي( بقايا النبت وعروقه)مـن جـذوره
وترجع فكرة صدور الرجال مصندقه باْصْـرار=وهذي تكفي الوقـت العجيـب وتاقـف بـزوره
وياكم تكتنفني حيرتي غيـر اجتيـاح (الـزار)=ليامِنْ زارني باْسرار خلـق الله (بعـض زوره)
يتيه العقل في غيـم الهـزل وتسافـر الافكـار=تجيه (السومه) اللي تستبيـح العاقـل وطـوره
تملعـن تنلعـن تستغفـر وتستعـذب الاذكـار=تطوش لياستعاذت بالولـي مـن لعنـة الفـورة
ويامـا ماشقانـي يابـلـد ماثـرثـر الـهـذّار=على ماقيل مـن (سقـط المتاع)ولابـه مـروره
بعد من منطلق حُرْمَةْ دلالٍ يصطفقهـا احـرار=يغيض الغيض عن درب السفيه ونبش مستـوره
تفرعن (طَبْع) غلّاب (التطبُع)والطبـوع اطـوار=زمى (شيمه) سهج(زيف السقيم) وجمهرة زوره
(دوام الحال)من سابع محـال تكمّـل المشـوار=قبل صدام فـاروق الملـك دارت بـه الـدوره
بعد (من شق جيب الناس)شَقّوله جيـوب الثـار=ومن (بيتـه قـزاز) لياتمـادى بـان مكسـوره
تدندن يالحـن وانسـى /توجـه وجهـة التيـار=تراقص للطرب (عِـلْ العرب)مافـاد دكتـوره
مثل من قلّد الممشى وضيّـع ضَبْطَـةَ المعيـار=وضيّع مشيه الاول ولا جت لـه علـى شـوره
وكن الـدّور والـدّاره تـدور بغيبـةْ المقـدار=تمادت قصـة (التطبيـع) باخفاقـات مشكـوره
الا (يامعايد الحَيّين )تذكّر ماحصـل وش صـار=لانت اللي جنيت الفـود /ولالحّقْـت مظهـوره
توكلنا علـى الـرب الكريـم القـادر الستـار=على لحونٍ تمادت بالكـلام وغامـق سطـوره
تروق النوق مع كبر الفتـوق وتاكـل الصبّـار=وَيَاصُبْرَكْ ( يابو صابر )على ظيمك مع شروره
تِعِبْ متن الورق شرقٍ توسط صفحـة التكـرار=عِشِق لدْغ الجحر مرّات يامـا ملّـت جحـوره
بقا له مابقا لـه غيـر مجـد بسالـف الاذكـار=مثل من قال (كان الوالد )/وشخصه طفى نـوره
وصار المنكر المعروف/ والمعروف عكس الكار=تطاولنـا المبانـي والمكـان وعالـي قصـوره
تباعدنـا المسافـه والبخيـت مجمّـع الدينـار=نشيل شوال مال وحال /عيشتنـا بهـا خطـوره
تعالوا يرحم الموتـى ومـروا مـرّت الـزوّار=ترى صدور العرب بالـذات مبليـه ومقهـوره
ترى التاريخ له بارود ماتفرق كبير كبار=عن اتفه ماصغر حجمه ولا تنشد عن العوره
ابا انشد مهتوين اللغز وش شي(ن) ليامن طار = يصير الآدمي (ناطق) وحاله غير ميسوره
واذا قربتها بالحيل تسعى له دول واديار= وتركض للوصول رجال تلهث له ورى كوره
تفرقنا وطار الطير \ صار الحاصل اللي صار=وضيعنا الجهات وصارت الحيلات مبتوره
على حد الطريق اللي تواراله قبس من نار= لياحد البصيره والعمى والعين مذروره
تتيه دروب لو( زرقا اليمامه) تنتخبها ابصار =وش اللي ينفع الناظر بلا تحديد منظوره
(أتنشن) سيداتي سادتي في نشرة الأخبار = أفاد المصدر المسئول وثيقه غير منشوره
يقولون العرب صار اتفاق(ن)صارم(ن) بتار = على لا(اتفاق) ودونت بامثال مشهوره
تواكب جملة (اللآ آت) شعار بمحفل الثوار= وتُعْسَفْ (شجب واستنكار) مع الشجاب والثوره
بعد هدّن بي شويه \ شويه والحياه اعمار = وبسم اللي خلق كونه وعلّم عِدّةْ شهوره
تَنَحّنْ عني بوجه الكريم الواحد الستار= أسبح كل لحظاتي بحمده وارتجي نوره
وعزة ربي الواحد وذكره ماني المحتار = ومن فضل الحكيم استغفره والنفس مسروره
ألا يالأمه اللي ضَيّعَتْ من قسمت لاْمْصَار=ترى لاعَوْدْ للأمجاد دون العود للسوره
بعد ذكراعتصام بحبل رب(ن) واحد (ن) جبار= عن التفريق خوذوا شوط والآيات مذكوره
ومن خيبة ملوك للطوايف خوذوا التعبار = تمادوا في بطرهم والرجل يمدح به غروره
تمادوا ناعم الملبس ولا داروا حقوق الجار = حتى ضيعوا مجدٍ تليد وهيبة حْضوره
بكت غرناطه من الظيم غب الحاكم السمسار= تُوَشّحْ من بلاد الأندلس نغمات مسحوره
عتاده (غانيات القوم) والعده (نغم مزمار)= وش اللي ترتجي (أشبيليا) والخيل مقهوره
وش اللي ينفع قصورٍ بنوها سالف العمار = وكانت مع ترفها دوم بالتسبيح معموره
مادام اللي ورثها كل زواره من السمار =قرا السطر التعيس اللي هوى به لاسفل قعوره
قرا آيه ترك آيات وجلاسه هل الأسفار = حفظ توراتهم وانجيلهم والنفس مسطوره
ترى من هاب يرقى هام( راس المعتلي) واحتار= مكانه بالطمان الدايم الغاير مع حفوره
عليه قصور هالحمرا بكل النقش والأحجار=تفور بغيض من خوف البغيض ونار تنوره
زمان الأندلس ولى وياخوفي من التكرار= مواري (درب تاريخ) وعليلاته ومجدوره
متاكم ياعرب تمشون سكه كلها دوار= مدام الدايره مالانهايه غير محصوره
عسى تقتل بلاهة بال وتحيا فيكم الأفكار =وبالتدريج تتدرب على الرايات منصوره
ترك فيكم (رسول الله) إثنينٍ واضحات أخيار = كتاب الله مع السنه كلام الخالق ونوره
بعد عضوا عليهن بالنواجذ سيلهن مدرار = سكيب الغيث يبدا في بعض قطرات مبروره
قويه حزمة التجميع لياحاول بها المنشار = واذا فَرّقْت هالحزمه بلا منشار منشوره
تجي نستعرض التاريخ رحله ماتبي مسبار = ونبحث ماتواترناه بْاكْتابات مسبوره
سبب هذا الخنوع (الجبن)لا(زيتون)لا(اْستعمار)=سلامي للسلام وحلم شجعانه ومنظوره