عبدالله بن صبيح
06-20-2009, 11:13AM
مشاركتي الاولى والمتواضعه وارجو ان ترقى وتنال استحسانكم واعجابكم
يوم نادوا بـــ...اسمها
فز قــلبي وانشــلع بين المـــحــاني = فـزّة اللي شـــــاف بالغربه خويه
يوم نادوا بــاســمها والصوت جاني = ما تقـــــول الا سحابه عــقــربيّه
ارتبكت وقــمت اقـــــــاوم اتـــزاني = وقـمت اداري لايج الهـمّ وخــفيّه
وقمت أعيد اللي مضالي من زمـاني = يوم معها كانت العـيـشه هـــــنيّه
كن ما غـــابت عن عــيوني ثـــواني = في محــيّاها وبسمتـــــها البهـــيّه
اتذكـّر صـــورته بذاك المــــــــكاني = يوم انا موفي وهي كانت وفــــيّه
يوم خِـلته قلت: يا عل وعـــــــــساني = ماعـرفت الزين ولاعشــنا سـويّه
ودي انسى من بهــالدنيا كــــــــواني = دام ذكــراها يزيد.. الكيّ.. كـــيّـه
ليتها يوم رحــــلت ربي عـــــطاني = نعــمة النســـيان واكرمها عـــليـّه
وليتها.. يوم طـــلبت فــــرقاي جاني = او حصل مني ..ولو..أدنى خطيّه
حمس قلبي.. حمس بـُن ٍ اشـــــقراني = داالـهـن حمــــاسها فـــوق الجحيه
بيد غشيم ٍ ما طــــلبته وابتــــــــلاني = وما يعرف الكيــف وعلومه رديّه
وجر قلبي جر مسحــــــوب السواني = يوم شفت اركابها روحـه وجـــيّه
كنها في صوتها .. ذيب ٍ عـــــــواني = وعارف ٍ ما بالضماير من شــكيّه
عارف اني بالهوى حظي رمـــــاني = في هوى اللي عشرته صارت بليه
يازماني كيف بهـــالســـرعه نساني؟= كيف يقدر من عشق ينسى خــويه
شف عـــــيوني من نظر فيها قراني = شاف حزني بالحـــروف الابجديه
كل ما صديت عن حـــــــزني لقاني = وابتلاني... بالليــــالي الســـرمديه
نلت من ظــــلم الليالي ما كفــــــاني = لين قـــــــــلبي مات وعروقه نديه
قلت بانسى وابتدي بغيره عــــساني = عند غيره ألقى حــب ومقـــــدريه
وكل ما جيت ابتدي قـــلبي عــصاني = قال وش لك بالهوى ونفسك شقيه
ولا بقى بي إحساس...لو فـزّيت ثاني = غير انسى حــــبها وانهي القضيه
يوم نادوا بـــ...اسمها
فز قــلبي وانشــلع بين المـــحــاني = فـزّة اللي شـــــاف بالغربه خويه
يوم نادوا بــاســمها والصوت جاني = ما تقـــــول الا سحابه عــقــربيّه
ارتبكت وقــمت اقـــــــاوم اتـــزاني = وقـمت اداري لايج الهـمّ وخــفيّه
وقمت أعيد اللي مضالي من زمـاني = يوم معها كانت العـيـشه هـــــنيّه
كن ما غـــابت عن عــيوني ثـــواني = في محــيّاها وبسمتـــــها البهـــيّه
اتذكـّر صـــورته بذاك المــــــــكاني = يوم انا موفي وهي كانت وفــــيّه
يوم خِـلته قلت: يا عل وعـــــــــساني = ماعـرفت الزين ولاعشــنا سـويّه
ودي انسى من بهــالدنيا كــــــــواني = دام ذكــراها يزيد.. الكيّ.. كـــيّـه
ليتها يوم رحــــلت ربي عـــــطاني = نعــمة النســـيان واكرمها عـــليـّه
وليتها.. يوم طـــلبت فــــرقاي جاني = او حصل مني ..ولو..أدنى خطيّه
حمس قلبي.. حمس بـُن ٍ اشـــــقراني = داالـهـن حمــــاسها فـــوق الجحيه
بيد غشيم ٍ ما طــــلبته وابتــــــــلاني = وما يعرف الكيــف وعلومه رديّه
وجر قلبي جر مسحــــــوب السواني = يوم شفت اركابها روحـه وجـــيّه
كنها في صوتها .. ذيب ٍ عـــــــواني = وعارف ٍ ما بالضماير من شــكيّه
عارف اني بالهوى حظي رمـــــاني = في هوى اللي عشرته صارت بليه
يازماني كيف بهـــالســـرعه نساني؟= كيف يقدر من عشق ينسى خــويه
شف عـــــيوني من نظر فيها قراني = شاف حزني بالحـــروف الابجديه
كل ما صديت عن حـــــــزني لقاني = وابتلاني... بالليــــالي الســـرمديه
نلت من ظــــلم الليالي ما كفــــــاني = لين قـــــــــلبي مات وعروقه نديه
قلت بانسى وابتدي بغيره عــــساني = عند غيره ألقى حــب ومقـــــدريه
وكل ما جيت ابتدي قـــلبي عــصاني = قال وش لك بالهوى ونفسك شقيه
ولا بقى بي إحساس...لو فـزّيت ثاني = غير انسى حــــبها وانهي القضيه