ياباتر السبحه من قصائد والدي العزيز الشاعر سعود بن سعيد المرزوقي ((مطوع الصعب))

[المنايا]

الكل منا يمر في هذه الدنيا بالناس من هالنوع وشعرنا صور لنا هولاء الناس




بذتـنـي عـلــوم الـدفــوش المـلابـيـد=لاحـــق يعـطـونـه ولافـيــه ذمـــه
دايــم عـلـى كـسـب الـرذالـه مجالـيـد=الـكـل منـهـم نقـمـة(ن) لابــن عـمـه
رجالـهـم مـامـرة(ن) حـصــل الـفـيـد=ماهـي خسـاره فـيـه لــو قـيـل رمــه
ياباتر السبـــحه علــــي كف ابــو زيد = غالي خرزها كيف تــقدر تلــمه
شـتـان جمـعـه بـعـد حــول مـفـاريـد=بعـد أختـلـط بالـرمـل والـرمـل ضـمـه
عانـق كثـيـب الـرمـل جـمـع وتفـاريـد=يـتـوه عـنـه الـشـوف لــو راح يـمـه
صـار الرجـا فـي لمتـه صـعـب وبعـيـد=صعـب ٍ علـى الـلـي بالكـفـوف بيلـمـه
ضـاعـت علـيـك صـدورهـا والمـواريـد=فصلـت ثــوب الـعـز وأخـربـت كـمـه
لاصــار ماحـطـيـت للـعـلـم تـحـديـد=دور لـغـيـرك مـــن يـتــم المـهـمـه
قـرم ٍ صمـيـدع لاســرى يقـطـع البـيـد=لاجــل الشكـالـه دوم يـفـتـل مـعـمـه
مـادامـت إنــك ماتـحـسـب المـواعـيـد=وقــول ٍ تـقـولـه بـالـوفـاء ماتـتـمـه
لـلـكـذب والبـهـتـان كـيــال وتـعـيـد=فــي غـبـة ٍ مــن ظلمـهـا مدلـهـمـه
مـاعـاد يـقـدر حلـهـا زيــد وعـبـيـد=يابـاغـي القبـلـه عـلـى غـيـر يـمــه
صبـر ٍ علـيـك يصـيـر ليـلـه سرامـيـد=زود عـلـى قـلــب المـقـاديـر هـمــه
لاصـار مالـك مـع هـل الطـيـب تمجـيـد=لـيـا لقـيـت خلـيـف بخلـيـف سـمــه
مـن لايحـسـب حـسـاب فـعـل المناقـيـد=هـــذاك خـبــل ٍ هـرجـتـه ماتـهـمـه
سـعـى بفـعـل الشـيـن بـيـن الأجـاويـد=رجـال يضـحـك بــه ورجــل ٍ يـذمـه
عربيـد فــي كــل المواجـيـب عربـيـد=داب ٍ عـلـى الأدنـيـن يـنـحـال سـمــه
عـقـب الـمـغـازي ردهـــا للمسـانـيـد=أخـتـار شــره بـيـن هـمــه وغـمــه
مـعـقــد ٍ حـبـلــه وزادوه تـعـقـيـد=خبـل ٍ عـلـى راســه يجـيـب المطـمـه
غيـره يجيـب العلـم مــن غـيـر تـرديـد=مـاهـوب مــن يـخـط الـكـلام ويخـمـه
دام الفـشـق بـاقـي بـروســه عـبـاريـد=جـنـب عــن الـبـارود حــذرى تشـمـه
الـغـرب مايـسـنـاه غـيــر المـعـاويـد=مـن قـاع عــد ٍ صـافـي ٍ فـيـه جـمـه
ولاكـل صـيـاد ٍ نــوى الصـيـد بيصـيـد=شـي(ن) يجـي دونــه وشــي(ن) يـزمـه
وصـلاة ربـي عـد مــن شـاهـد العـيـد=عـلـى نـبـي ٍ صــار لـلـحـق قـــمــه