قصيده تذكر كل القبائل

[شموخ نجد]

بسم الله الرحمن الرحيم

يالله ياخالـق اراضيـن وابحـار **** الواحـد المعـبـود رازق عبـيـده
الخالق الغفار علام الاسرار **** وفرق شعـوب الارض فـي كـل يـده
وابدي واسولف من عذيبات الاشعار **** ابيات شعـر والمعانـي وكيـده
اشري وابيع واعرف كيف بختار **** واختار من جزل البيـوت الفريـده
وذ كرتراث وعز وامجـاد وافخـار **** قبائـل تومـن بديـن وعقيـده
وصلت حضارتنا على سطح الاقمار **** ابنـا الجزيـر والجزيـره مجيـده
في ظل حكام لهم فعل واشوار **** ال السعـود اللـي تفـك الضهيـده
نسل الزعيم الحاكم العـادل البـار **** مجـدد امجـاد الجزيـره بجيـده
حتى اصبحت حره وحنا له انصار **** في ظل اخو نوره هنـوف سعيـده
وصارت لابو تركي بطوله وتذكار **** والفخر والامجـاد تبقـى شهيـده
وخلف لنا املوك لهم فعل واخبار **** الشعب واحـد والقيـاده رشيـده
والامن بانينه على ساس وجدار **** وقرو على العابـث عقوبـه شديـده
وحنا حماة الدار من كل غدار **** ومـا همنـا بطشـه وخبثـه وكيـده
قبائل مالحقناهـم اوعـار **** وعشنـا بهـذي الـدار عيشـه رغيـده
والحمد لله نحمده سر واجهار **** شعـب تكاتـف مـن سنيـن مديـده
ودون الوطن جيش على كل معبار **** لارفرف البيـرق ونـادى عقيـده
بشرق البلاد وغربها دوم حضار **** وارض الشمال اللي نفـوده مديـده
وارض الجنوب اللي تخيضر بالاشجار **** جزيرة فيهـا القبايـل عديـده
ارض بها قحطان وافين الاشبـار **** وياعـز منهـم بالشدايـد بسيـده
واذكر عتيبه يوم للطيب مغوار **** لا ثـارت الهيجـا وقـرب ضديـده
وشمر هل الطولات والجود مقدار **** اهل الكرم واهل الفعول الحميـده
وقوم اعنزه مروين الاخصام الامرار **** اولاد وايل من عصـور عهيـده
ومطير قوم تكرم الضيف لا زرار **** وياويل خصم في حراهـم وعيـده
واذكر قبيلة حرب يانعم الاخيار **** وتاريخهـم يحكـي سطـور مجيـده
وسبيع نعم القوم ووجيه الاسفار **** زبن الدخيل ليا زبـن مـن طريـده
واذكر قبيلة يام والطيب ينـدار **** اهـل العلـوم الوافيـه والرشيـده
ثم الدواسر تجعل الخصم منهـار **** عيـال زايـد عـز منهـم سنيـده
ثم السهول اللي لها الطيب مدرار **** وعن منهج العادات ماهـي محيـده
ثم اذكر العجمان حمايـة الجـار **** والمرجلـه والجـاه فيهـم عتيـده
واذكر بني مره طويلين الاعمـار **** مـا ينقـد المـري ولا لـه نقيـده
ثم الهواجر لابة تقدح النار **** اهـل الركـاب اللـي خطاهـا بعيـده
واذكر بني خالد قبيلة وامار **** قوم لهـم فـي المجـد قـول ورصيـده
وبني تميم اللي لها الطيب مصـدار **** بنـي تميـم وكـل فعـل تجيـده
ثم الزعوب اللي بها الخصم يحتار **** شجعـان ماترضـى سـوا ماتريـده
العازمي وافي وفي الطيب بيطار **** روحه على كـل المصاعـب صميـده
ثم الظفيري في المصاعيب جبار **** والطيب والامـداح باصلـه وطيـده
ثم اذكر الاشراف بجلال واكبار **** اهل الحجاز اللـي تفـك الزهيـده
ثم الهذيلي له مواقف ومندار **** راعي الفخر راعـي العلـوم السديـده
ثم البقوم اللي لهم جيش وامهار **** ريف الضيـوف ليـا لفاهـم وليـده
واذكر ثقيف اللي لهم مجد وآثار **** ومهما حسبنـا مـن كـلام نعيـده
وبلحارث اهل العز بشهود واقرار **** ا لحارثي ياطيـب فعلـه وجيـده
والمالكي معروف لا صار ما صار **** في موقف اهل الطيب يبذل جهيـده
واثني تحياتي عدد وبل الامطار **** علـى سليـم وكـل خصـم تكيـده
واذكر جهينه هل مواقيف وادوار **** تلقى الجهيني راسم الطيـب بيـده
واذكر بلي والمجدله فعل واظهار **** وتاريخهـم يحكـي فعـول فريـده
وبني عطيه في المواجيب حضـار **** قـوم بوقـت الجـد قـوم عنيـده
ثم الحويطي والكرامه له اشعار **** ثـم الشـراري لـه فعـول مفيـده
ثم الرشيدي في الصعيبات صبار **** على علـوم الطيـب فعلـه يزيـده
وباقي جنوب الدار والقاف مادار **** باقي على قلبـي كـلام واشيـده
زهران نعم القوم في وقت الاضرار **** والخصم عينه من لقاهـا سهيـده
والغامدي معروف له عزم واصرار **** راعي المراجـل والعلـوم المفيـده
وشمران قوم والجمايل لها اطوار **** وبلقـرن سـم للقلـوب النكيـده
والاكلبي والمحلفـي مابعـد بـار **** والحارثـي طيبـه وفعلـه يشيـده
وبني شهر وبني عمر سيف بتار **** قـوم علـى الاخصـام نـار وقيـده
والاسمري والاحمري صيتهم سار **** بيـن القبايـل والمواقـف شهيـده
واذكر عسير الهول ذربين الاذكار **** وابها احتموها فالسنيـن الشديـده
وادهم والصيعر على حد الاقطار **** يحمون حد الدار من اللـي يريـده
وامشي مع الساحل مع جمله افكـار **** رسمتهـا والطيـر زان اتغريـده
وانزل على جيزان تاريخ واديار **** ورجـال فيفـا والقبايـل عديـده
وارجوا العذر واهل المواجيب عذار **** الي نسيته مانذكر فـي القصيـده
الواهبي عدد ابيوته بـالادوار **** مـن شاعـر ماشـل قلبـه حقيـده
شهران ربعي هم هل المدح والكار **** واهل الكند واهل السيوف الجديده
يوم البلد مايامن الزند لاثار **** زيزومنـا ابـن مشيـط نعـم الوليـده
فالجهل شجعان وفي السلم تجار **** مـن بطـن بيشـه للتهـم لارفيـده
حبيت ابين موقفي بين شعار **** وارجوا سموحتكـم علـى ذا النشيـده
ماحب انافق واتعنصر تعنصار **** ولا ني باطيع اهـل العقـول البليـده
ما كل من طب البحر قيل بحار **** وما كل من شل الفشق جاب صيـده
فالشعر بستـان بـه ورد وازهـار **** واللـي تعداهـا بيوتـه فقيـده
واقولها في الشعر تكرار وامرار **** ضرف بـلا عنـوان يلغـى بريـده
وبعض السوالف له مواقف ومحضار**** وشعر بـلا معنـى لـزوم نبيـده
وصلوا على المرسول شفاع الابرار**** محمـد الهـادي وقـدوة عبيـد

الشاعر/الواهبي الشهراني

[محمد العتيبي]

شموخ يسلمو ويعطيك العافيه على
طرح القصيده هنا وصح لسان قايلها
بس لو تكرمتي من قائلها هل هو معروف
وتقبلي تحياتي
الجوال

[الـــفـــيـــصـــل]

قصيده راااائعه
سلمت يداك
شموخ نجد
القصيده
للشاعر
عيضه الشهراني
صح
تقبلي مروري وتحياتي

[زمان العجايب]

وشمر هل الطولات والجود مقدار **** اهل الكرم واهل الفعول الحميـده


شكرا" يامتميزه
شموخ نجد
على القصيدة

ويسلم الشاعر على شعره

[شموخ نجد]

الجوال_الفيصل_يازمن العجايب
اسعدني تواجدكم الرائع
منورين صراحه نقلتها ومكان فيه اسم الشاعر
ومادري مين يكون ماقدر اجاوبك اخوي الفيصل
ممكن الاعضاء يفيدوك اذا صح اولا
على العموم شاعرها ابداع ماشاءالله عليه
والنعم بكل القبايل
الف شكرلكم جميعا
ودمتم بخيرومحبه

[نادر الوجود]

نعم بأمجاد كل القبائل
بالماضي/ اما الحاظر
كما هو شاهد الحال

شكراً لجهدك اماالفائده للأسف .؟

ورود أسماء عدة قبائل فى سردت ابيات معسوفه
لا يعد مفخره ايتها الشموخ

شكراً
.

[نبض القلب ابها]

أختي الغالية ...شموخ نجد
سلمتي وسلم نقلك الرائع ...وهذه القصيدة هي رد على القصيدة المشهوره للشيخ الشاعر عائض القرني وقرأتها له ورد عليه فيها كثير من الشعراء وأسم القصيدة الأساسية للشيخ عائض القرني هي (العرب)
وهذه هي القصيدة الأولى في القبائل من عائض القرني..
هذه القصيدة للشيخ الدكتور / عائض القرني حفظه الله في جميع القبائل

قصيدة العرب



قبل بدع المعاني : نطلب الله ، ولا نطلب سواه

ثم صلوا مع التسليم (ع) الهاشمي خير.. البرية

رافع راية التوحيد ، والكفر بيده .. دمدمه


**
يا سلامي على ابطال الجزيرة وحفاظ .. الحرم

كل واحد نوصل له سلام على كف.. المحبه

الرجال البواسل يوم تدعي الحروب رجالها..


**
يا قريش الرسالة والمكارم ومصدر كل .. جود

منكم المصطفى ، نفديه بارواحنا وبكل .. غالي

منكم ابطال بدر ويم ضرب الجماجم في حنين


**
وآنثني بقحطان المغاوير، ياراس .. العرب

يرزف الهول من قحطان والريح تاقف في ..جدرهم

والتواريخ تكتب باسمهم والسجل ... بعلمهم


**
ثم نذكر تميم المجد ما لاح براق.. الحجاز

"الله اكبر" تميم تعيش، ومجدد الدعوه.. تميمي

لو يقولون للسيل العرمرم تمهل قال : تم..


**
يا ثقيف الحكم: ما بقدر انساك يا غالي .. الرجال

ابن مسعود (عروة) شيخكم، وي بني سعد.. نحبه

ارضعوا سيد ابن ادم وفازوا بذيك .. المنزله


**
وابني مالك أهل المنع وأهل الحميا.. والذمم

وا جرير عبد الله منكم ( صحابي جليل..)

ذكركم يا بني مالك رفع المقام، وقد .. سما


**
وانتقل في دول زهران ، والبيض تكسي ..روسهم

(الطفيل بن عمرو) و(بوهريره)من.. اخيار الصحابه

جود. وفهود، يوم الباس كل يحاذر .. باسهم


**
ثم غامد رجال العلم واهل الحكم .. الموجبات

ذهبوا بالذكاء والعبقريهه ، وارعي الشور.. غامد

كم تجالس فتى منهم وتلقى هروجه ممتعه


**
ثم سلم على خثعم ، ورمز المعارف.. خثعمي

خثعم الهول : شمران وعليان يانعم .. الرجال

والعوامر حمى الله بيتهم من ملمات .. المكاره

هم ودعوى البحيري والسهيمي وناس في " يبه"


**
حي بلقرن للأنصار نسبه، ومقدمهم.. أويس

العمومه مع الأوسين والخزرجي والجد.. الازدي

ما ابغي ازيد في التعريف ، خل العرب .. يتعادلون


**
يا سلامي على عمرين ، واهلين بك شام .. ويمن

انت راعي المعزة ما نطرفك يا راعي .. المكارم

فان عبد الغني منكم وحتى الطحاوي.. والأصم


**
يا بني شهر بدر الأرض نوركما نور.. القمر

من سلامان تروى المعرفة في معاليكم .. ويثله

كل شهري يفاخر بالبطولة ويتغنى .. بها


**
وأنت الاسمري ما انساك علوى مكارمك .. الجدود

تكرم الضيف وترد العوادي ولا ترضى .. الخطيه

يا بني الاسمر : الامجاد منكم ومن حل فيكم ما اغترب


**
عد بالحمر ادرج قواف كما عد .. الذهب

باعة الدم، وهم يوم الغطاريف قواد.. السريه

المعلم يقول الدم الاحمر وروده.. باحمري


**
يا عسير التواريخ ألف تسليم يا قوم.. كرام

سبحان الله، ما هز الجبل سبعين .. غاره

العسيري يريد المرجله ما يضيع .. بابها


**
ما نسيناك يا شهران فن القمر .. ما ينسى

السيوف البريعه والشق والبلاجيك شهراني

سجل المدح في شهران ، والشكر.. يا تاريخنا


**
ثم جنح إلى مرسى عتيبه تجد خير .. الرجال

من يشاهد عتيبه كنها السيل في الوديان .. ساري

ولا مثل السحاب البيض تسمع لرعده .. صرصره


**
شكركرم يا مطير العز واجب على حسن الفعال

فانها تذكر الامثال : " خال الأسد دايم.. مطيري"

لو نزل في كتيبه جيش صامد تغدى .. باهلها


**
وانت يا الحارثي لازم نلبسك في العليا.. وسام

الشدادين وإلا حارثي نجد واللي في .. تهامه

كلهم نصرة للدين، كم من خصيم ودبوه


**
عنزة نجمها الدري، ودعوى آل مقرن هم.. عنوز

يكسبون المدايح ما لهم يا عرب في المجد .. ثاني

كم شجاع ولد فيهم وكم من زعيم .. قدموه


**
ودي أهدي سلامي والوفا والموده لـ:.. البقوم

فغن حق الوفي نوفيه ، والكفو يا صل له .. سلامي

والحويطات مرفوع علمهم على نجم .. السعود


**
وانت يا حرب يا سيد المعارك ويا رمز.. الحروب

قال راعي المثل:" يا ليتني نازل في بيت حربي.."

لو قصدنا عدو الدين برجال حرب.. نحاربه


**
الله يا شمر الابطال يسقي سهلكم .. والجبل

حاتم المشتهر منكم ، وفيكم تربى الجود.. الأول

الجفان والوسيعه والكرم من بلدهم وردوه ..


**
باهله باهله ، حيوا معي نجم باهل.. والعلم

هو " قتيبه" كتب تاريخكم ، والمعارف.. باهليه

من فتح باب كابل يوم سيحون غير الباهلي..


**
والسبيعي حماه الله، ولا عرضه ربي .. لشر

من نزل ديرة السبعان ينسى ربوعه .. والقرابه

الله يسقي منازلهم مزون الحيا في كل حين


**
وانظروا راية العجمان واهل الحميا.. والذمم

ثم بلغ بني مرة تحياتنا، والحظ .. عالي

الذكا والفراسة وردوها وهم روادها


**
وان ذكرت الدواسر ويش بقيت من قوم.. كرام

الكرم والوفا والجود مولود في وادي.. الدواسر

لو يجي طير شلوى قال ياليت جدي دوسري..


**
وامس في ترج، واقصد بيشة النخل واطرق.. بابها

تسعد باولاد خالد والمعاوي مع دعوى.. السلولي

في الكرم والشجاعة دايم يقتدي بآثارهم.


**
والتحيات منى زاكيه والسلامة دين .. دوم

للنشاما حصون المجد والفضل قوم بي .. سليم

كم صحابي وكم مقدام منهم نذر الله دمه ..


**
وإن قصدنا جهينة فالكرم والوفاء .. منهاجها

المثل قال : صدق القول مامول من راعي..جهينة

مرحبا مرحبا لا صا ريف البطولات جهني


**
واذكروا لي رجال المع وفيفا وربع في .. حلي

ثم للمجمعة والوشم وآمر للزلفي .. وشقرا

والتحية زكيه يا هوازن ومن في جالها


**
وان نسينا فلا ننسى خزاعة ولا ننسى .. هذيل

التحيات مني صافيه وافيه تشغى خزاعة

وآهذيل الفصاحه والبلاغة وبيت المرجله


**
والشلاوي تحييهم مع البلوي يوم .. الزحام

وآبني وهب وبني زيد والعطوي حتى.. السماوي

ما نحقر واحد تسليمنا من جميع المسلمين...


**
والذي مثل سهلي مع محمدي وبني .. عمر

والشرارات ورجال العصيمي وربع في .. سكاكا

والتحايا لخضراني مع الحازمي ذا في ضمد


**
كلهم زرتهم في سالف العمر وأيام .. الشباب

قابلونا بترحيب وهيل الدلال.. الصيلبيه

واشعلوا المجمر الهندي وزادوا على ما في القلوب


**
والتحايا مع صوت الشميزر مع معشر.. قيام

تعلموا باكلاشنكوف ومخمس والمرت.. حامي

لو تجي في الظهيرة تحجب الشمس من بارودهم


**
رزت العاصمة وطريف والخرج وديار.. الشمال

وابتهجنا بجدة بعد مكه وسرنا .. للمدينة

والحسا والخبر وبلاد شمر مع ربع .. القصيم


**
والحيات لليامي والجحدلي ولربع .. حايل

والسهول نشامي وآبني خالد، انعم.. بالفهود

ثم طرنا إلى الشرقيه والضيف قيل في .. تبوك


**
ثم زرنا ديار الجوف واهل القريات.. الأبيه

والتقينا مع عرعر، وللباحه نم قدام .. عام

ديرة الربع في سبت العلايه، وحيوا.. للنماص


**
وذاكروا لي تنومه قبل الاثنين ودوني على .. ابها

ثم مروا على نجران وابغى المسا في .. صامطه

وابصر القنفذة والليث وآمر في وادي.. نخال


**
وآتفرج على الطايف، ولي ربع في وادي.. محايل

الله يسقي ديار ما تربي الردي واللي.. بخيل

والتحيات يا رابغ وبحره ويا وديان بيش


**
كم مضينا من المخواه للدرب إلى .. قنونا

وان قصدنا خميس مشيط فالقلب يستآنس .. معه

سرت أنا في ربوع قريش وامسيت في .. بلجرشي


**
ومضينا من الخرمه ورنيه وبتنا في .. غزايل

ثم ليه وبالحارث مضينا مع ميسانها..


**
يا قبايل ترى ما هي بدعوة بدعوى.. الجاهليه

غير نبغي نذكركم بتاريخكم .. وافضالكم


**
يا قبايل طلبت العذر منكم إذا شفتوا .. قصور

والذي ما ذكرت اسمه فباسجله في نون .. قلبي

وحدتنا بكم ملة محمد مع لحم .. ودم

كلنا نتبع المختار رافع منارات .. الجهاد

دكدك الشرك والاصنام خلى كتايبها .. شظية

.. وارتفع نجمنا ، يا قوم صلوا عليه وسلموا


وهذا هو الرد من الشيخ الدكتو ر/ ناصر الزهراني

لؤلؤة على جيد الزمن

د. ناصر الزهراني


يا الله اني طلبتك صالح الحال لو طال .. العمر

وآ طلبناك عتق رقابنا من جهنهم والفكاك

***

يا سلامي لمن سوى المعاني وبدع في .. سواه

يا الذي منطقه مثل العسل يوم يروينا .. بريه

عالم غيرته للدين ، واهل السراة في دمدمه

***

يا حليل الذي من هدي ربه ومولاه . انحرم

بالله يا زارع الزقوم كب الزراعه وارم حبه

والنفوس التي ما تبذر الخير وش يرجى .. لها

***

يا الله ياذا بوحدانيته شاهد ما في .. الوجود

والشقي دايم عن طاعتك في ذهول .. وانشغال

يا الله تشملنا بلطفك وعفوك والحنين

***

والتعيش الذي مرت حياته وهو ما طاع .. رب

كل همه مراد النفس والسعي في تفريج درهم

عنده الجري للدينار والكسب والجمع .. المهم

***

جازني يا فتى بالقرن درب الرشاد السمح، جاز

نحمد الله نهج كامل تممه ربي .. تميم

وان مولاي عن دينه وشرعه لنا قد قال .. تم

***

ابن مسفر يزوع الصوت من قرب زمزم .. والمقام

إن بغينا نعيش العمر راحه وفي سعد .. نحبه

الفتى لازم يعرف مقامه ويعرف منزله ..

***

لا يسر الفتى منا بدرب المذله .. والذمم

وانريد الوفا والفعل ما هو كلام وهرج .. ليلي

النوايا الخفيه ما بتخفي على اللي في السما..

***

وابذل النصح اللريس من الناس.. ولمرؤوسهم

واتعجب من اللي كم يجيه المنبه ما صحا.. به

الله يا بخت من كان التقى والفلاح لباسهم..

***

يا سلامي عليكم مثل بحر وفيه الموج.. بات

من بيغمد سيوفه في نهار اللقا ماني.. بغامد

والله ما طبعنا الذله ولا هرجنا بالتعتعه

***

نبصر الحق ونحبه وعن سكة المخبث.. عمي

والفتى تعجبه جوله في الحلو لو في المر.. جال

يعشق الحق ودوربه ، ويبقى لمن عاداه كاره

***

والذي يرتمي في الذل ما عاد يفيده : .. يايبه

أوس ما تنفع الإنسان يوم الحساب ولا .. أويس

ما يفيده يقول أنا حجازي أو أنصاري أو أزدي

***

يوم لا عاد لا جنس يفيد الفتى ولا عاد.. لون

يوم كل يخاف وراعي الدين والتقوى يمن ..

وان ربي لمن خافوا عذابه بذاك اليوم .. كارم

ما يفيد الذي عن داعي الخير كان أعمى .. وأصم

***

الذي قدم المر في حياته فلازم يلقى .. مر

في نهار شديد الخوف ما مر بالإنسان .. مثله

والفقير الذي ما قدم أعمال يتغنى بها ..

***

يا حسوفه إلى ما صار بعد الفرح والهرج .. دود

يالله انك تجنبنا مصير الوجوه.. الساخطيه

كل وجه خسيس في وحول الخنادا.. مغترب

***

كم غني وصاحب منصب بعد ما عمر .. ذهب

وآغني بلي بالفقر من بعد شاف الناس .. ربيه

والذي فارس خيال ما يسبقونه باحمري

***

يا الله يا رب، عبدك للهدى والمحبه منك .. رام

يا اللي ارسلت روح القدس للمصطفى في عين .. غاره

جاه بايات من عند عظيمات يتربى بها ..،

***

تغفر الذنب والزلات ، يا ما نجور وما نسيء

كم هرتني ملذاتي وتفكيري الطياش.. هراني

ودي اشري دروب العز يوم الردي شاري.. خنا

***

الكرم جال : عند اهل الشهامه وباقي البر.. جال

لا تكاسل عن الانفاق والبر ياراعي .. اليسار

واترك البخل ، واللي همه المال كيف.. يصرصره

***

عال والله يا اللي تبذل الخير دايم والف عال

يمطر الخير والمعروف في كل ميدان.. مطيري

يعرف افعال حاتم والأجاويد ويشابه لها ..

***

صادق النصح يا الله اعل شانه وزد وجهه .. وسام

الذي يكره النمات في صاحبه والا.. اتهامه

وان من ود واحد ود صادق لزوم يود ابوه ..

***

والنشاما لهم بارود وينوز إلى جا الوقع .. نور

ضربته صايبه قلب الهدف ما يثنيها .. بثاني

كم خصيم مدجج بالدروع القويه قد دموه ..

***

حيا الله راية الابطال لاما التقى قوم بقوم

يكسرون العدو، ما يمكن انه يعود.. بالسلام

والله ما عاد يطيق المعتدي يمهم والنحس عود .

***

كل فارس شديد الباس لاهل الخنا دايم حروب

خل نذل جبان يدعي انه حبيبي وانسحر .. بي

والذي خاين غدار يا اهل العقول .. نحاربه

***

قد تعود على الشينات وارتاح فيها .. وانجبل

كل ما قلت بناول علومه وإذا هي ما .. تأول

والعفن ريحته ما تنتفي لو بورد .. وردوه

***

مر بي دهر قلت أنا مربي وفي الدنيا .. علم

كل ما شفت واحد في الخطا قلت من يرباه.. ليه

اثري ابغى مربي للبشر قبل يتربى .. هلي

***

والذي ما نفع نسفه فما اظن بيربي .. بشر

الذي ينتفع كل المدن والحواضر والقرى به

طالب العلم واللي ما يخالف شروط الصالحين

***

والذي عاف درب الجود والدين بنذمه ..ذمم

يا عسى ديرته واللي يحسبه بنار واشتعال

كم روى الدهر من مكر وبخل وكم روى دهاء..

***

النفاق احذروه من قبل في النار ما يرميك ..رام

والذي تبصره مرضان لا صار له عندك دوا.. سر

يا الله في ناوي يروي جميع الديار ، ودوس .. ري

***

ندري يا ربها عن قلة السيل ويش اسبابها ..

قلة الطاعة ، وكثروا دعاة بدعوى ابن السلول

وانبرى كثرة (م) الناس عن غفلة في .. دراهم

***

يا سلامي على اللي يبني المجد ما هو .. بالهدوم

والله ما يستوي الهدام هو والذي يبني .. سليمي

منزل الزور والشينات ما حق إلا .. نهدمه

***

كم تنام الفتن عنا وتلقى لها من .. هاجها

لو بيدري الكذوب انه بما يفتريه .. مواجهته

والله ما يصنع النمات فينا ولا يتوجهني..

***

عابد الشهور والدينار لو بانصحه ما ارتاح ..لي

انصحه بالهدى والعلم ، قال : ايش باتعلم وش اقرا

كلما شاف جلسات لدينه تنافي جالها ..

***

كيف صار البطل والشهم من بعد طيب أعلاه.. ذيل

واستمع صوت داعي الحق والخير يوم الشيخ .. زاعه

عد لدينك وتاريخك تهز العدو وتبرجل

***

حام نصر من الديان لاهل الهدى والعز .. حام

وانحن (ونحن) يا الواحد المعبود نترقب النصر .. السماوي

اين صدق التوكل والرضا بالقضا يا مسلمين !!؟.. .

***

يا الله اني طلبتك صالح الحال لو طال .. العمر

وآ طلبناك عتق رقابنا من جهنم والفكاك

وانصر الحق ، ومد اهله بتوفيقكم والحفظ .. مد

***

واهزم اللي يشبون الفتن بيننا دايم .. شباب

واهزم شعب اليهود ومزق أهل الديانه.. الصيلبيه

واقلب أهل النوايا الفاسده كلهم عنا .. قلوب

***

وحفظ بلادنا من شامها لليمن لا ( إلى) شرق.. يام

والله ما نرهب الباغي ليا ربنا ( قصدنا) مادمت.. حامي

ليت كل الأحبة با اقدر شوفهم .. وآرودهم

***

كلنا اخوان ما يمكن تغاني يمين عن .. شمال

الله كم واحد (م) الناس والنفس له دايم .. مدينه

فرقت بيننا الدنيا وسيف الردي يقصم .. قصيم

***

كم من الناس مروا قبلنا ما يحول الموت .. حايل

قوم صالح ونوح وقوم موسى مضوا واحلاف ..هود

***

يا اللي ماتوا اجدادك ويمكن بعد قد مات .. ابوك

وبيزور الفتى الموت الذي زار جدانه .. وبيه

والله ليجيك لو في الجو ، وان كنت وسط البحر ..عام

***

لا تحاول تفر ولا تعذر فما عنه .. مناص

راقب الله وزك المال واخرج قروشك من .. علبها

وآلثام الجهاله ، عنك ، والهرج والهيص .. آمطه

***

والله ما يستوي من ياكل الحب صافي .. بالنخال

لا . ولا يستوي ثدي يدر اللبن من ثدي.. حايل

واحذر ابليس لانه (ع) البشر دايم يجلب .. بخيل

***

لا تقل كيف باتخلص من الشر واصحابه وبيش (بأي شيء)

ديننا والسلف قد حذرونا وياما لقنونا

بن (بأن) داعي الخنا والزور نرفض ولا با .. نسمعه

***

وانتبه لا تقول الجور محمود ، ما في الجور .. شي

حظ قلب من انزال الحسد والخنا والزيغ..زايل

والمعاني الجميلة تعجب العين في .. ميسانها

***

كم حبيب نويت آجيه ويشوفني ما جاه.. ليه

يا متى تسمح الدنيا وبازوركم وافضى لكم..

***

يا قبايل ترى لا تنخدع بالقبايل.. والقصور

بعدما ينتقل عنها الفتى لا يقل ويش انتقل .. بي

فانه الموت خلى كل حي سوى الله في .. عدم

***

ما يضر الذي بعد الجهالة لطيب النهج.. هاد

والتعيس الذي يحيا حياة الكفر .. والرافضيه

سلموا مهر حور العين يا من رغبتم سلموا

..
وتسلمين غلاتي شموخ وحبيت بس افيد وأعذرني على المداخله ..الله يعطيك الف عافيه..

[شموخ نجد]

نعم بأمجاد كل القبائل
بالماضي/ اما الحاظر
كما هو شاهد الحال

شكراً لجهدك اماالفائده للأسف .؟

ورود أسماء عدة قبائل فى سردت ابيات معسوفه
لا يعد مفخره ايتها الشموخ

لكل شخص له الاحقيه يفتخر بقبيلته سوا ماضي اوحاضر
مراح اتكلم بعنصريه واقول القبايل فقط لا الجميع فيهم خيروبركه
و شيوخ القبايل لهم
افضال ووقفات كثيره لانجحدها ومنها اعتاق الرقاب والوقوف مع المحتاج وغيره وغيره
والله يعز كل القبايل والغير قبايل
تحت ظل قادة بلدنا ال سعود
شكرا اخي على المرور

[شموخ نجد]

نبض القلب ابها
اسعدني حضورك غلاي
ومشكوره على الاضافه
الف شكرلك
وفقك الله

[سلطان بن حميد]

شمـوخ

حفظك رب السمـوات والارض


تحياتي

[الحظ العنيد]

الله يعطيك العافيه شموخ نجد على

هذا الطرح المميز
صح لسان شاعرها


كل الشكر لنبض القلب ابها على اضافتها للقصيده
وصح لسان شاعرها

ودي لكم