سالفه عصر أمس؟؟

[ظل الياسمين]

السلام عليكم ورحمة الله وبركاته

امس العصر طلعت لمدرستي البريطانيه تسكن في الكنباوت(المجمع السكني )البريطاني في الخبر( عندها اختبار ادعولها اليوم ) المهم دايم اجيها لوحدها الا هالمره لقيت عنده سعوديه شكلها ما تقولون سعوديه توقعتها مو علشانها جميله علشانها طريقة لبسها وكلامها وحتى اسلوبها وشديدة البياض لكن شكلها تعبانه وحسيت انها ودها تتكلم واسمعها تكلم مدرستي البريطانيه بالانجليزي انها ملت من الحياه وانها امس كانت قررت تنتحر انا طالعتها بنظره تقولها ليش المهم مدرستى طلعت ولدها مرتفعه حرارته للمشفى وقالتلي انتظريني ماراح اطول قلت اوكي

طبعا السعوديه عندي المهم وحسيت تبغاني اسالها وش فيك من نظرتها < فاهمه للغة العيون

سالتها وش فيك ما الذي دهالك ؟؟ الا الصعقه جتني تتكلم سعودي زينا بالضبط وسالتها قالت انا سعوديه لكن ولدتي في بريطانيا وعشت هناك وتزوجت سعودي في بريطانيا وهذي ثاني مره ازور السعوديه وعمرها اربعين سنه

سالتها انتي مسلمه كيف تقولي انك تبغين تنتحرين ؟ قالتلي انا حبيت زوجي لدرجة الجنون واغار عليه كثير وهو انسان طيب ويخاف الله كثير قلتلها طيب وين المشكله قالتلي امس جاء من برا وجلست بجابنه ومسحت على خده وقلت له انا احبك انت احلى هديه اهدينيها الله سبحانه وتعالى اذا صار لك شي كيف اكمل حياتي وكلام مره حلو وانا اسمعها دهشت من قوة الكلام .. وتقول بعدها راح ينام وانا جلست اتفرج على الفيلم تقولي مدري نام او ما نام

رجع وجلس عندي وقالي ابغى اقولك شي وشكله كان عنده خبر محزن قلت وش فيك قالي : كلامك اثر علي كثير وما ابغى اسمعه لاني ما اقدر احبك وانا ماني مرتاح معك لكن النصيب جمعنا وصار بيننا اولاد بنعيش على عشان الاود نربيهم وندرسهم لكن بحالة انو انا لقيت البنت اللي احبها في المستقبل راح اتزوج

تقولي قالي هالكلام حسيت بسكين طعني ومن امس ما نمت وما اكلت واقر قران علشان اهدى وصار جسمي بس يرتجف كثير الا اني ما اشعر بالبرد وصرت انام بغرفه وحدي والبس حجاب الصلاه واتكلم معه وانا ما اخليه يشوف وجهي ابدا واحاول اخليه ما يشوفني .. قالتلي ابغى حل قالتها استهدي بالله صدقني زوجك الحلو انه صارحك وبنهايه هذي مشاعر لا انا ولاانتي نقدر نتحكم فيها وانوا زوجك عجبني بصراحته وقالك كل اللي يشعر فيه معك

وش تقولين اللي هنا بالسعوديه اللي يقولولهم كلام عسل بنهاية السنه يتزوج عليها ويتركها هذا اللي اشوفه صدمه
لكن انتي زوجك ما تزوج لكنه صارحك بشعوره وقالك بالمستقبل فرق من اللي يصدمه على طول بزواجه
هنا فيه قصص تشيب شعر الراس انتي امرك هين وعليك بالصبر وان مع العسر يسرا ان شاءالله وان ما طالت الا هانت

الحين ابغى منكم مويدين لصارحته او ضد صراحته وابغى تعليقكم لاهنتم

[يفوق الوصف]

هههههههههههههههه

اقول ظل الياسمين

وراك اختبار ايلتس ( ielts)

وخل عنك المصارحات الحين عدي اختبارتك وبعدها خير

هههههههههههههه


اول شي حبيت الطف الجو بالمزحه الثقيلة


ثاني شي .. ارفض تماما ان اجرح مشاعر اي انسان بهالطريقة


حتى وان لم يكن يحبها مفروض مايقولها هالكلام واذا هي مسلمة وهو مسلم يعرف ان التعدد مشروع حتى لو كان
فيه حب بين الزوجين ولكن بشرط العدل ..

هو بهالشي ما عدل لا بكلامه ولا بمشاعره ولا بأسلوبه

وعلى حسب رأئي المتواضع اشوف هالشي غلط

ومثل ماتفضلت قالت ان بينهم اطفال والابناء هي ثمرة هالزواج

وفي القران ايه تدل على هالشي ان الرجل يخلي زوجته

بمعروف ولا يخليها بأحسان

فهو ما مسك لا بمعروف ولا بغيره الا بتقطيع قلوب

يعني لو ضربها اهو من انه يقول لها هالكلام ..

على العموم ..

الانثى مخلوق شفاف مهما بلغ فيها الحزم والقوة

الا بداخلها نبع مشاعر واحاسيس

فالحذر اللهوى بهذا النبع


اسف على الاطالة

[ظل الياسمين]

<<<< الحين المشاهده سته مدري سبعه والردود واحد بسيطه يصير خير هههههه

هلابك / يفوق الوصف تعرف بوقت المذاكره احب المنتدى بقوه وخايفه تروح حرارة السالفه احب تكون السالفه جديده اكره اكره كل شي قديييم

بس اذاكره وربي دعوتك لي

بنسبه لرايك وربي ذوق ذوق ذوق يفوق الوصف

فعلا المفروض ما يجرحها بها الكلام لكنه يمكن انو انبه ضميره واثر فيه كلام زوجته الحلو وطلب منها انه لاتقوله ثاني مررره

<<< بيني وبينك حسيت انه يحب وحده غيرها مومعقوله رجل يقول هذا الكلام الا انو فيه بقلبه احد غيرها وحب يقولها هالكلام علشان تكون بالصوره

عموما مرورك جدا اسعدني لاهنت

[زايد الدغماني]

شكرا ظل الياسمين على القصه والسالفه

با النسبه لنا يا السعودين مانحب الكلام الجميل ولا نحب التعبير

عن الحب خصوصا مع الزوجات

هذا رائيي

وتحياتي

[ظل الياسمين]

شكرا لمرورك ورايك اخ / زايد الدغماني

لاعدمناك

يا

الطيب

[شموخ نجد]

دام صارحها ماعاديفيد الكلام
الله يكون بعون الاطفال وعونهالكن الغلط منه الاسلام حلل له اربع
وليش يقول هالكلام والخرابيط احب ومااحب
هذا من تفكير الغرب الي مايتزوج الاوحده مع الاسف حنا اما حبا ولابرك
المفروض ناخذ علمهم وننبذعادتهم الكريهه
على كل حال الله يهدي نفوسهم
ويهديهم لطريق الصواب
ماشاءالله عليك ياظل الياسمين
صياغه حلوه لكن لاتقولين لها قلبه وماقلبه وتطيرين المره زود
حاولي تعقلينها عشان عيالها
الف شكرلك غلاي وبنتظار مايستجد
وان شاءالله الاخوان الاعضاء يفيدونك بعد بالراي
وفقك الله

[ظل الياسمين]

هلا بك يا غلاي / شموخ نجد

اقول لا تحطينها على راسي انا ما طيرتها بزود <<<< صارت هوشه مو راي

ههههههههههههه


لا بالعكس انا حاولت اني اهديها ونصحتها بالصبر والدعاء

وحاولت انو أوضح لها انو فيه أمر من مشكلتك

الله يعينها يارب ويصلح ما بينهم

وعلى قولتك شرع ربي حلل اربع وله حكمته صحيح بالبديه مشاكل تصير لكن بالنهايه سبحان الله يجعل الله بينهما الاءلفه



شكرا لمرورك الكريم يالغاليه ولا يحرمنا طلتك

[خلف الشلهوب]

من وجهة نظري المتواضعة..
ان خطأ الرجل لم يكن في مصارحتها بالحقيقه..
بل على العكس عندما رأى انها تحبه الى هذا الحد.
يمكن حس بالذنب انه لايزال يزيف احساسه ومشاعره.
انا اشوف ان خطاه كان من البداية.
المفروض ماينتظر الى ان تكبر المسألة
ويصبح لها تبعات قد تأثر على حياة آخرين..
واما من ناحية الزوجة بامكانها اعادة المياه لمجاريها.
وبيدها تستطيع ان تجعل احاسيسه تتغير اتجهاها.
فالرجل بالنهاية ماهو سوى طفل في ايادي المرأه.

ظل الياسمين

كل الشكر والتقدير لك
على هذا الطرح الراقي والقيم
تحياتي واحترامي لك
دمتي برعاية المولى

[ظل الياسمين]

هلا بك أخ / خلف الشلهوب

مرورك يشرفني

ورايك والله في محله يمديها تصلح كل شي ان شاء الله

يمكن خيره لها لما صارحها صحيح ضربه موجعه لها لكن تخليها تصحى وتصلح كل شي


ومشكور اخوي بتواجدك

لاهنت

[زايد الدغماني]

شوفي انا بعطيك رائي يخليه يرجع بكلامه ويحبها ويتعلق بها

اول شي تجي عنده وتقوول لو سمحت طلقني

ليش اطلقك

تقوله اصلا انت ماتستاهلني والي مايقدر الحياه الزوجيه انا ما اقدر اعيش معه

لووووووووووو سمحت طلقني

طيب وش فيك مستعجله على الموضوع

تقوله خلااااااااص كل شي انتهى انت انا ما اقدر اعيش معك مستحيل

لوووووووووووو سمحت طلقني

سوف يعيد حساباته ويحس انها ماهي ميته على دباديبه ويراااجع نفسه

ولايمكن يطلقها لاننا با السعوديه ماحنا وجيه حب ودلال ههههههه

وصيها تعيد عليه ها الكلمه

لوووووووووسمحت طلقني

واذا طلقها اعطينا خبر على شان نعيد دراسة واستراتيجية الموضوع

[ظل الياسمين]

هههههههههههههههههههههههههههه


<<< موتني ضحك واناجالسه اذاكر

ممكن ليش لالا



يقول الشاعر

صدك عن اللي ملتفتلك ردى حظ

وركضك ورى اللي ما هو يمك مذله


لاهنت اخوي / زايد الدغماني الله يسعدك على الحل

[سلطان بن حميد]

يعطيك العافيه ظل الياسمين



الحقيقه انا ضد صراحته التي لم يشعر بها إلا بعد أن انجب منـها أطفال

أين صراحته قبل لايتزوج بـها وبما انك قلتي انها عايشه برا فأكيد انه يعرفها قبل الزواج

أقصد بذلك أكيد تكلم معها وشافها أكثر من مره قبل الزواج ليش فجأه بعد سنين من الزواج حس انه مايحبها

ليش كذب عليها من البدايه؟؟!!

أستغرب تصرف بعض الناس الذي لايقدر مشاعر الآخرين ويكون أناني بمشاعره

الحقيقه نصيحتـي لـها انـها تفكـر بس في أطفـالهـا ولاتعطيه أي إهتـمام وصدقيني العشره لـها دور

فأنا متأكد انه سيجثو له بركبتيه بعد مايحس انه انسان مهمل

خصوصا بعد العشره الزوجيه



تحياتي لك ظل الياسمين

[زمان العجايب]

ظل الياسمين

موضوع والله يكسر الخاطر هذي حالنا ولله الحمد بعد سنين تمر ونحن نعاني ونتحسر ونكبت من المر واخيرا" نقرر انا ننفصل ، الحياة ليست تجربه بعيدة المدى والعمر لا يتوقف فالمفروض بديتا" صارحها بعدم التوافق النفسي بينهم والانفصال من بدري الحين بيروح الضحية الاطفال اما مسأله الانتحار فهو حاله هوجاء وثورة لها بإن حياتها لم تعد لها اهميه بفراقه ولكن لو فكرت بابناءها لكأن نظرة لهم وحب منها لهم افضل علاج نفسي ، او يعيش مراهقه متأخره تصبر عليه وبيتغير
بس لو انا بمكانه (اعوذ بالله ) كان ماعاد تشوفه عيني
من عافنا عفناه لو كان غالي
ومن باعنا بالرخص بعناه بتراب

[ظل الياسمين]

والله صدقت أخ / غريب امريكا


المفروض انو مايصارحها بها الطريقه لكن صارحها وخلاص


الله يكون بالعون


شاكرين مرورك الطيب

[ظل الياسمين]

هلا با اختى الغاليه / زمان العجايب

فعلا الضحيه هم الاطفال المساكين

يدفعون الثمن غالي

والله يا زمان العجايب قويه ما تشوفه عيني ما شاء الله عليك


شاكرين مرورك الكريم

[تركي الرشيد]

الغالية ظل الياسمين ...
صراحة موضوعك والله ضايقني كثير ... واحب اقولك انو زوجها عديم احساس وما عنده ذرة من الأحساس .. ولا انسانه جايه تتكلم معه بكل حب وبكل فرح حتى لو لم تكن ام لأطفاله المفترض اقل شي يجاملها ويكبت شعوره تجاهه .. لكن احسه حتى موب كفو يكون اب .. لأنو المفترض فكر بشعور اطفاله لما يحسون بذا الشي انه ما يحب امهم وكيف بيكون الوضع النفسي لهم وكيف بيعيشون مع اب وام وما يحبون بعض ... اما عنها فهي والله انها انسانة عظيمة كونها حبته وحبت حياتها معه ومع اطفالها والدليل معاملتها له وكيف هي جاية تصارحه بحبها هذا دليل على انسانيتها ... عشان كذا انا نصيحتي انها لاتنظر للحب منه ولا تطلب منه ذا الشي ابداً لأن الحب لا يأتي بالأستجدا .. وكل ما تنصحينه به ان تحور هذا الحب لأطفالها واشرحي لها كيف سيكون وضعهم من بعدها اذا اختفت عنهم وان لم تنتحر وتركتهم عنده كيف سيكون حالهم مع زوجته الجديدة ربما سوف يتعرضون لأشد معاملة .. لازم تنسى كل شي بسبيل تربية اطفالها لكي ينعمون بحبها ويبادلونها الشعور والحب الذي فقدته من ابيهم .. لازم توضحي لها سلبيات الأنفصال وسلبيات وجود الأطفال بدون الأم ... عليك ان تفهميها كل هذا وان تقريبها من الله وهو الذي علينا ان نخلص في حبه فهو الوحيد الذي لا يرد من احبه وهو العطوف الرحيم بعباده رغم كثرة ذنبوهم ... اختي والله اني تأثرت وكان الله في عونها وما الومها وربي ما الومها ... لكن الذي ارجوه منك ياغالية .. ان تكوني لها بمثابة الأخت وان تكوني قريبها منها في هذا المرحلة حتى تجتازها ... فثقي انك انما تقدمين هذا له سبحانه وربما تكونين سبب با الأخذ بيدها الى النجات وعدم التفكير بشي اسمه انتحار ... ولتعلمي ياغالية اان من احيا نفسا فكأنما احيا الناس جميعاً وانتي ربما تنقذينها من الموت ... ارجو منك ان تهتمي بأمرها وتتقربي لها خصوصاً في هذه المرحلة وسوف يكون اجرك على الله سبحانه ... صادق ودي لك ..

[ظل الياسمين]

هلابك ومرحبابك

أخ / تركي الرشيد

حقيقه تواجدك يسعدني جدا

نورت صفحتي

بنسبه لها انا موصله معها لحد قبل ساعتين مكلمتها واوصيتها بصلاة الليل لان والله عن تجربه

لما تصلح علاقتها مع الله وتتقرب منه ان شاء الله راح يصلح حالها مع زوجها ومع الخلق

<< تجربتي

واوصيتها بحفظ سورة من القران الكريم برضوا راح تشعر باان الله زودها بروح تقيه نقيه وقويه

ومهما حصل معها لا يوثر على نفسيتها لانها تعلقت مع الخالق


ولما كلمتني بلغتني انها بدت تحفظ سورة الشورى


ان شاء الله بدية خير لها في الدارين

شاكرين تواجدك الاخ / تركي الرشيد

[تركي الرشيد]

الله يعطيك العافية وهذا العشم بأنسانة راقية مثلك ... بس حسسيها بحب اطفالها لها كثير وكيف بيكون وضعهم بدونها كثيررررر كرري ذا الشي عليها عشان تتعلق بحبهم وحب الله وقولي لها ان تربيتهم بيكون سبب لرضا الله عليها .. صادق ودي لك اختي

[ظل الياسمين]

صدقت والله كلام عين العقل ما شاء الله هذا المتوقع منك

الله يسعدك ولايهمك اوصلها ما وصيتني عليها طلباتك اوامر

<<<<< حركتات


شكر ا لقلبك النقي المحب للخير والسعاده والحب

دمت بعافيه