جنون العبقريه

[عويد كسار العنزي]

تدري ان العبقريه آخـر حـدود الجنـون=وآخر حدود الصحاوه من جنون العبقريـه


وآخر حدود المحبـه والسوالـف بالعيـون=وآخر حدود القصايـد والليالـي سرمديـه


وفوق حد الفن يعني ارسمي من دون لـون=وفوق حد اللون يعني سيلي دمعـك عليـه


وآخر حدود المشاعر يسرحون ويمرحـون=مابقى ياكود واحـد كمـل المجنـون ميـه


وآخر حدود المصايـب لازبنتينـي تهـون=والله انك مازبنتي غيـر عـرق الوايليـه


الحدب سيف(ن) يسولف والجماجم يسكتون=همهمت صوت الجماجم بين ذيك وبين ذيه

وآخر حدود العـواذل يقعـدون وياقفـون=شفت كيف الكون واقف ميت(ن) بقلوب حيه


وآخر حدود التفاؤل في سمايـه والمـزون=بارق(ن) وازريت اخيله بالسهول الجرهديه

[منصور الرويلي]

آخر حدود المصايب لازبنتينـي تهـون
والله انك مازبنتي غيـر عـرق الوايليـه



كفو / كفو / كفو

بيت عن 100 قصيده

على خشمك يابو كسار

[عويد كسار العنزي]

ماقول مية بيت مية قصيده = واحد من الويلان يكفيني حضور
الشعر لو ينظام يلقى عضيده = من فزعة الويلان يزبن لمنصور


صح بدنك ياراعي العليا

[زايد الدغماني]

الاخ القدير عويد كسار

الحقيقه ياعويد وبدون مجامله انت تحلق يوما ورى يوم

وكل قصيده تكتبها تكون افضل من اختها

اما هذه التحفه فانا اراها غيرررررررر

ابدعت واجدت وتالقت ياعويد باابداعك وهذا والله يفرحني ويفرح

المتذوقين لشعر الاصيل


صح السانك على كل حرف وكل بيت


وننتظر القادم بشغف

[ممدوح هلال العنزي]

الاخ القدير عويد كسار

صح لسانك وتسلم

قصيدة فيها الكثير من الصور الجميلة

دمت مبدع ورائع

لك تحياتي وتقديري

[عويد كسار العنزي]

اخوي زايد الدغماني صح بدنك وماعليك زود يالغالي

وعذرا على التأخير

لك مني كل الأخوه والأحترام

[عويد كسار العنزي]

اخوي الشاعر ممدوح هلال صح بدنك واتشرف بمرورك

[خلف الشلهوب]

هلا وغلا بالغالي
عويد كسار العنزي
صح احساسك ولسانك ولاهنت
نص شعري فخم ورائع
وهنا الوقفة التي تستوقف الكثير وآخر حدود المصايـب لازبنتينـي تهـون
والله انك مازبنتي غيـر عـرق الوايليـه
الحدب سيف(ن) يسولف والجماجم يسكتون
همهمت صوت الجماجم بين ذيك وبين ذيه

تحياتي واحترامي لك

[عويد كسار العنزي]

استاذي القدير/ خلف الشلهوب

صح بدنك ومرورك دعم لنا في مواصلة الأبداع

لك مني كل التقدير

[منصور الرويلي]

ماقول مية بيت مية قصيده = واحد من الويلان يكفيني حضور
،

الشعر لو ينظام يلقى عضيده = من فزعة الويلان يزبن لمنصور
،
،

بيّض الله وجهك

على هالابيات الجزله

دام عـزك يابن كسار

[ريف النشاما]

ابدعت ياعويد

بل يكفي الابداع فخراً أنه انضم الى قصائدك

الجزله

كل الود و الأحترام

[عبدالكريم الضبيب]

ماقول مية بيت مية قصيده = واحد من الويلان يكفيني حضور

الشعر لو ينظام يلقى عضيده = من فزعة الويلان يزبن لمنصور




صح بدنك ياراعي العليا



يعني بهالحتسي مانرد :)

مااقول الا صح لسانك
شاعر جزل اخوي عويد
وكفو بعزوتك الوايليه ولاهو قصور بباقي القبايل .

دمت بخير .

[عويد كسار العنزي]

الشاعر القدير/ فواز الناحي صح بدنك وماعليك زود يالغالي

اتشرف بمرورك

[عويد كسار العنزي]

اخوي عبد الكريم الضبيب صح بدنك
ونعم فيك يالغالي