شجرة الصفصاف

[عويد كسار العنزي]

احبك كثر ماحبك ولاألقى للغلا تعـــــــــريف= احبك كثر ماحبك دخيلك والقــــــلوب رهــــــــــاف
احبك كل ماتسأل وأجاوب عن غرامك كيف= احبك يازهر عمري دخيلك والســــنين عجـــــــاف
واحبك كثر ماحبك حبيبي دون حلف وزيف=دخيل البحر واللؤلؤ دخيل المـــوج والأصــــــــداف
اذا صوت النغم لحن قصيده باالوتر تولــــــيف=انا ولفت مع صوتك قصيده واللـــــــحن شــــــفاف
احبك كل ماضاعت حقيقة لون قوس الطيف=لقيت اللون بخدودك يجـمع حــــــــزمة الأطيــــــاف
احبك للندى زهره وعطرك للندى تلطــــــــيف= دخيل الشمس لو تشرق تضيع بمــهجة الأوصاف
دخيل البرق بعيونك دخيل الموت لمعة سيف=وانا قلب العديم اللي يموت من الغـــلا ماخــــاف
احبك كل ماتجبر جمال الكـون باالتــــــــوقيف=على موج العيون اللي وقف من يمسك المجداف
دخيل الرمش لا منه طبق بعيونها تجــــــديف=على يخت الزمن مرسى عيونك لاأبعد الأهــداف
واذا ظل النخل واحه بعيده عن سراب الصيــــف=واذا ليل السهر قـــمرا ونار(ن) تجــلب الضيـــــــاف
انا جيتك مع الساري خفوقي واعتبرني ضيــــف= فناجيل الغرام اللي تقـــهوى عنــدك الانصـــــــاف
احبك كل ماسكن صداع الراس وانت الكــــــيف=على جمر(ن) من ضلوعي تبهر دلة الأطـــــــــراف
وانا عشق العفيف اللي يزود من الفخر تشريف= دخيل الحب واخلاصك دخيل الســـــلم والأعــراف
احبك كثر ماحبك ولاألقــــى للغــــــلا تعــــريف= اذا قلبي لك التربه زرعتك شــــــــــجرة الصفصـــاف

[زايد الدغماني]

http://www.viafy.com/uploads/1cc3272fed.bmp (http://www.viafy.com)

القدير عويد كسار

الحقيقه وبكل صدق اننا نجد في نصوصك تجديد في كل مشاركه

وكأنك تريد ان تقدم الينا الافضل والجيد دائما هذه القصيده تفرض نفسها وتاكد

لنا ان من كتبها شاعر مبدع لديه قدره على صوغ اجمل المعاني با جمل المفردات

عويد انا افرح عندما اقراء لك

صح السانك وبنانك

[عويد كسار العنزي]

أخوي زايد صح بدنك يالغالي ولاهنت حتى هذي بعد عز الله توني أدري


الله يهديه وباالنسبه لي القصيد يفك أرقاب ومادام اللي أنوخذ قصيد يرده القصيد


تقبل مني كل الشكر والتقدير

عساك دايم بالأفراح ياالدغماني

[شموخ نجد]

الشاعرالقدير
عويدكسارالعنزي
صح لسانك وعلى شانك
على طرح هذه القصيده العذبه والمفعمه بالروعه والجمال
بماتحوي من حروف جميله
لاهنت وبنتظار قادمك بشوق
الف شكرلك
وفقك الله

[ممدوح هلال العنزي]

الاخ القدير عويد كسار العنزي

صح لسانك عزيزي وتسلم

قصيدة اكثر من رائعة

بالفعل استمتعت بها

الله يعطيك العافية

تحياتي وتقديري لك

دمت بخير

[حجاب]

.

..

.

خارج / النص : )


عويد كسار العنزي


أتمنى أن تكون في تمام الصحة والعافية ,


/


داخل / النص : (


اخذتني من صوره الى صوره وخيالي يجهد بالركض معك متنقلاً بينها بكل جوارحه , عويد أنت متميز



,,

مودتي / حجاب

.

..

.

[عويد كسار العنزي]

صح بدنك اختي شموخ نجد

واشكرك على طيب ردك

[عويد كسار العنزي]

الاخ القدير عويد كسار العنزي

صح لسانك عزيزي وتسلم

قصيدة اكثر من رائعة

بالفعل استمتعت بها

الله يعطيك العافية

تحياتي وتقديري لك

دمت بخير


---------------------------------

صح بدنك اخوي ممدوح العنزي



الله يعز مقدارك اخوي واشكر مرورك