جلد الأفاعي

[عويد كسار العنزي]

هذه القصيده رد على الشاعر اللذي يقول ان الكيف هو اساس الأ بداع في القصيده

طاش البحر والفكر طايش ومخموش = وشلون اطنش مولع القاف جايش

كان الفرج باالكيف عديت لك موش= وقطّعت لك من سم روس الهوايش

جلد الأفاعي طاح من سمها هوش = حتى اينعت بزهور سود الحشايش

ولاقطّرت باالعين لك حامي رموش= ولاقطّرت ياكود تالي طشايش

حلم السجين اللي بالأقدار مطشوش = والروح علق حلمها باالدرايش

جيش(ن) من المارينز ضحى بها بوش = لغّم وفجّر طفلنا بس عايش

صامد مثل بغداد متحمل جيوش = وعدل(ن) مثل صدام والحق طايش

شحب الوجيه الخاينه خوة قروش = اول وآخر مقعده بالخشايش

شاعر فكر مضروب خنتر ومغشوش = وحلم السراب الياضموه العطايش

وشاعر نثر يعني تبعثر ومهموش = وشاعر على الهامش وشاعر تلايش

وشاعر صنم تمثال شاعر ومنقوش = وشاعر هرم مثلي لهالحين عايش

وشاعر نبط مجنون طيره ومربوش= يصهل كما كحيلان حول الكدايش

[عبدالكريم الضبيب]

الشاعر المبدع/ عويد بن كسار العنزي

صح لسانك ..
رد وافي وطرح جريأ وأسلوب شاعر متمكن
أستمتعت كثيراً بقراءة هذه الرائعه

الله يعطيك العافيه

[حجاب]

.

..

.

خارج / النص : )


المميز : عويد كسار العنزي


أتمنى أن تكون في تمام الصحة والعافية ,


/


داخل / النص : (


وشاعر هرم مثلي لهالحيـن عايـش


كفووووووو ,,


الاعتزاز بالنفس ميزهـ فريده لا يتقنها سوا الكبار امثالك . دمت بهذا الابداع

,,

مودتي / حجاب

.

..

.

[عقاب]

السلااااااااااااااام عليكم


عويد

انت مانك شاعر متمكن انت علم من اعلام الشعر بهذا الجيل


سجل اعجابي بما كتبت وبأنتظار ماتكتب

صح لسانك

تقبل مروري

تحياتي بخالص الود والاحترام

[غالب الذيابي]

صح لسانك عويد. قصة

مستواها رفيع وهدفها رفيع.


لله درك.
.
.
.

[عاسف الخيل]

صح لسانك ~ (عويدكسار)

كفو يابن كسار "حقه وماجاه

"لكل فعل ..ردة فعل" وردك واضح ..يالذيب

[منصور الرويلي]

حلم السجين اللي بالأقدار مطشوش
...... والـروح عـلـق حـلـمـهـا باالـدرايش


صح فكرك يابو كسار


قصيدة ومجاراة اكثر من رائعه

[عويد كسار العنزي]

اخوي عبد الكريم الضبيب صح بدنك ولاهنت يالغالي

---------------------------------------------------------------------------------------------------------------------


اخوي حجاب صح بدنك وماعيك زود يالغالي

--------------------------------------------------------------------------------------------------------------------

اخوي عقاب صح بدنك وشهاده اعتزاز وفخر تجي منك

ولاهنت يالغالي
---------------------------------------------------------------------------------------------------------------------


اخوي غالب الذيابي صح بدنك وماعليك زود يالغالي

---------------------------------------------------------------------------------------------------------------------


اخوي الشاعر / مشعل الجابر صح بدنك ولاهنت ياابوجابر زي ماقلت يالغالي

حقه وماجاه

[عويد كسار العنزي]

اخوي الشاعر/ منصور الرويلي صح بدنك ولاهنت يامنبع الأبداع

[سفير المعاني]

الغالي
الشاعر
عويد كسار العنزي

الله يسعدك ويوفقك بجميع الاوقات

قصيده قويه ونزف شعري مميز بما

يحويه من مضمون ومعنى فانت مبدع

وما اقول الاصح لسانك وعلا شانك يالغالي


وتقبل تحياتي

[زايد الدغماني]

عويد كسار


وتحفة القصيد لاترمي الا تصيب ولا تصيد الا السمين


لله درك ما اروعك وابها قوافيك



تحياتي وتقديري

[عويد كسار العنزي]

اخوي الشاعر زايد الدغماني صح بدنك وماعليك زود يالغالي