زحمـــة "البيبان"

[عبدالمحسن المسعودي]

تعدت ساعتين ولا تكلم خاتم سليمان=يمر الوقت والذبل بلولوها وسكرها
على صبح النحر طاح الجديل ولحف الرمان=يخاويه الظلام ورحلة الميل ومحاجرها
اميزها على كثر البنات وزحمة البيبان=وهي مابينهم حسيت فيها قبل اناظرها
عبايتها يناصفها الضمور اللين الريان=تصاغرها اليافزت ولاقفت تكابرها
تلفتها.خواتمها.يديها .داكن القمصان=خجلها.طرفها الذباح معصمها اساورها
شهدها.ملحها.ثاير شعرها كفها العرقان=اليامن حمرت بكفوفها مسكة دفاترها
علاقة صدرها بالياسمين وحسرة المرجان=وبراق اليامنه تكاشح مايشاورها
عبثها بالحديث وغيرة الورد بشهر نيسان=وتهاجر كل قطعان النحل تحسب خسايرها
امانة كمها والشال الاسود يدحر الشيطان=تربت بس انامل امها تلمس ظفايرها
اقابلهاوانا ظميان اودعها وانا ظميان=ادورها ولامني تعبت ارجع وادورها
خلت منها الرياض الله يسامح غيبة الخلان=وخذت سكر قصبها والشموع وعين شاعرها
هنوف لاسرت تسري شمال وصبحها لبنان=عسى لبنان وجباله تجيه ولا يكدرها
دخيلك ياجبل سولف لها بالورد والريحان=وتغافل عن اماكنا القديمة لاتذكرها
تراني ياجبل لاني بطير ولامعي جنحان=ولا والله بقى بالصدر مايشبع خناجرها
تعبت من السهر لامن هجدني بحربته موان=تسلطن سطوته بين الضلوع وقطع اكثرها
بنيت انسان يغريه الطموح وهدمه انسان=ومداين عشق لامن ردو الفالين اعمرهِا
سقيتك يامواعيد الهجير ولانبت بستان=تركتك ورحلت غر المزون وطاب خاطرها
وعهد مني بجيتهم اجي واصير لك هتان=تبي تنسى العطش ارضك من اولها لاخرها

[ابو فيصل]

حجز اولي عـوده..
.
.
.



عبدالمحسن

شهادتي فيك مجروحه

انت من اقرب الناس الى نفسي لكن بعيداً عن ماسبق


اما القصيــده ..


من أجمل وأعذب ماقرأت فى الغزل وماتحمله من صور شعريه وتصوير بالوصف مما يكون لدى المتلقى صور سماعيه متحركه

اعجبني الكثير من الصور الابداعيه .
.
.
.


اميزهـا علـى كثـر البـنـات وزحـمـة البيـبـان
وهـي مابينهـم حسـيـت فيـهـا قـبـل اناظـرهـا

,,,
,,,


عبايتـهـا يناصفـهـا الضـمـور اللـيـن الـريـان
تصـاغـرهـا الـيـافـزت ولاقــفــت تـكـابـرهـا


.


كل بيت لوحه فينه ,, اعجبني كثيراً الدخول بالمحظور دون خدش عفة الحروف


قمة المشاعر و الشوق

.
.

اقابلهـاوانـا ظمـيـان اودعـهـا وانـــا ظـمـيـان
ادورهــا ولامـنـي تعـبـت ارجــع وادورهـــا

.
.


اعتقد ان هالبيت يروى ذائقة المتعطش شعر ٍ

.
.



ترانـي ياجبـل لانـي بطيـر ولامعـي جنـحـان
ولا والله بـقـى بالـصـدر مايشـبـع خناجـرهـا



.
.

ابو بدر قصيده جمليه لا يشبهها إلا جمال روحك



لكن تود تعرف اللي مو جميل



انقطاعك عنا والجميع هنا بشوق مستمر للمبدعين مثلك والجميلين بأخلاقهم وحظورهم



الشكر موصول لأخي الغالي / يفوق الوصف على ذوقه الراقي وتثبيت القصيده



لكل الشكر لك ابا بدر .. وأبنتظار قادمــك




تحياتي لك .

[يفوق الوصف]

الشاعر القدير

عبدالمحسن المسعودي


هلا وغلا بك بعد طول غيبه

جيت وجبت معك جزل القصيد

وعذب الكلام

واحساسك الرائع

صح لسانك واحساسك

وعلا شأنك

قصيدة رائعه وجزله وعذبه وغزلها عذري

لا خلا ولا عدم من حضورك وجديدك


ننتظر جديدك ومميزك المتواصل


تقبل مروري وتحياتي

[رياض الهديرس]

عبدالمحسن المسعودي

أود ان اشكر خاتم سليمان على صمته ساعتين

.

جميل هو دخولك مباشرة في الوصف وكأنك تقول حتى
هذا الصمت ممتع ومن ناحية اخرى ماذا عساي ان اقول
لو نطقت بحرف واحد .

كل بيت من هذه الابيات أتيت به من مكان ومن زمان ومن شعور واحساس مختلف ومع ذلك جعلتها مثل روما وكل الطرق تؤدي اليها .





اقابلهـاوانـا ظمـيـان اودعـهـا وانـــا ظـمـيـان
ادورهــا ولامـنـي تعـبـت ارجــع وادورهـــا





هذا البيت أعجبني كثيرا ً






بنيـت انسـان يغريـه الطمـوح وهدمـه انسـان
ومدايـن عشـق لامــن ردو الفالـيـن اعمـرهِـا





اذا كانت بكل هذه الاوصاف أليس من الظلم اتهامها بهدم انسان . مجرد ان تكون طموح يكفي حتى لو لم تصل اليه.

صح لسانك


واهلا وسهلابعودتك


تحياتي

[العطاويه]

قصيدة جداً رائعة
وأجدها تستحق الفايف ستارز

صح لسانك أخوي


تقبل فائق التقدير
ودمت بالخير


\
/
\


العطــــــاويه

[محمد الحارثي]

,
/

الشاعر عبدالمحسن المسعودي , وقصيدة تطل علينا من شرفات القلب , شكراً لك . فقد أهديتنا معزوفه رائعة .

لك الورد والريحان والكادي ..

,
/

[البارز]

خلت منها الرياض الله يسامـح غيبـة الخـلان
وخذت سكر قصبها والشموع وعين شاعرها


.


الفال الطيّب بأن اول ماعانق ناظري في هالمنتداء
هاذه الفاتنه

وقبل هذا وهذا
من حسن حظي انني التقيت بك عند ابو الجمايل والكرم
ابو فيصل

وهاذا يكفيني مكسب

ولك كل الود

والمتابعه

ولاتحرمنا من كل جزل

ومثلها لاعدمتك

وتحيااااااااتي

[زايد الدغماني]

http://www.viafy.com/uploads/61ffbc6572.gif (http://www.viafy.com)

http://www.viafy.com/uploads/9c217efcc8.gif (http://www.viafy.com)

[د سالم الفيفي]

تعدت ساعتين ولا تكلم خاتم سليمان=يمر الوقت والذبل بلولوها وسكرها
على صبح النحر طاح الجديل ولحف الرمان=يخاويه الظلام ورحلة الميل ومحاجرها
اميزها على كثر البنات وزحمة البيبان=وهي مابينهم حسيت فيها قبل اناظرها
عبايتها يناصفها الضمور اللين الريان=تصاغرها اليافزت ولاقفت تكابرها
تلفتها.خواتمها.يديها .داكن القمصان=خجلها.طرفها الذباح معصمها اساورها
شهدها.ملحها.ثاير شعرها كفها العرقان=اليامن حمرت بكفوفها مسكة دفاترها
علاقة صدرها بالياسمين وحسرة المرجان=وبراق اليامنه تكاشح مايشاورها
عبثها بالحديث وغيرة الورد بشهر نيسان=وتهاجر كل قطعان النحل تحسب خسايرها
امانة كمها والشال الاسود يدحر الشيطان=تربت بس انامل امها تلمس ظفايرها
اقابلهاوانا ظميان اودعها وانا ظميان=ادورها ولامني تعبت ارجع وادورها
خلت منها الرياض الله يسامح غيبة الخلان=وخذت سكر قصبها والشموع وعين شاعرها
هنوف لاسرت تسري شمال وصبحها لبنان=عسى لبنان وجباله تجيه ولا يكدرها
دخيلك ياجبل سولف لها بالورد والريحان=وتغافل عن اماكنا القديمة لاتذكرها
تراني ياجبل لاني بطير ولامعي جنحان=ولا والله بقى بالصدر مايشبع خناجرها
تعبت من السهر لامن هجدني بحربته موان=تسلطن سطوته بين الضلوع وقطع اكثرها
بنيت انسان يغريه الطموح وهدمه انسان=ومداين عشق لامن ردو الفالين اعمرهِا
سقيتك يامواعيد الهجير ولانبت بستان=تركتك ورحلت غر المزون وطاب خاطرها
وعهد مني بجيتهم اجي واصير لك هتان=تبي تنسى العطش ارضك من اولها لاخرها



صح لسانك وعلا شانك

الصراحة أبيات في قمة الروعة

[زايد الدغماني]

امانـة كمهـا والشـال الاسـود يدحـر الشيطـان=تـربـت بــس انـامـل امـهـا تلـمـس ظفـايـرهـا
اقابلهـاوانـا ظمـيـان اودعـهــا وانـــا ظـمـيـان=ادورهــا ولامـنـي تـعـبـت ارجـــع وادورهـــا




القدير عبد المحسن المسعودي


نعم عدت الى هذه الصفحه مره اخرى وسوف اعود واعود

الى ان ارتوي من هذا النهر الجاري


كل بيت في القصيده قصيده وكل كلمه تلمس القلب وتدخل اليه مباشره


هذا الاسلوب لم ارى مثله واقراء الامن شاعرين



عبد المحسن المسعودي _____________ متعب المطلق


ننتظر جديدك بشغف ولهفه


وصح قلبك

[عبدالمحسن المسعودي]

الاخ عاشق


الف شكر على اطرائك
باختصار انا اعتبر اسلوبك الراقي
بمثابة قدح الفتيل للشاعر

واشكر تواجدك


اجمل تحية

[عبدالمحسن المسعودي]

يفوق الوصف



شكرا اخي الكريم

واشكر اشادتك بي

وهذه شهادة غالية









اجمل تحية

[عبدالمحسن المسعودي]

القلم الراقي رياض الهديرس




اشكرك واشكر قراءتك بطريقة رياض المعهودة



انا في نظري احيانا قد يكون الهدم اجمل من (البناء)



جميل ان اشاهدك هنا ( رياض شاعر وكاتب متمكن من ادواته)






اجمل تحية

اجمل تحية

[عبدالمحسن المسعودي]

الاخت العطاوية



شكرا لك ولتواجدك اما تقييمك بكونها فايف ستار


فهذه شهادة غالية جدا واعتز بها







اجمل تحية

[عبدالمحسن المسعودي]

الاخ محمد الحارثي





شكرا لتواجدك هنا على هذه الصفحة التواضعة


واشكر اطرائك








اجمل تحية

[عبدالمحسن المسعودي]

البارز

شكرا اخي الكريم على تواجدك هنا

شهادتك غالية جدا واعتز بها لاعدمناك




اجمل تحية

[عبدالمحسن المسعودي]

الاخ زايد


هلابك يابعدي لاعدمناك حضورك غالي

وشهادة غالية واشادة بمثابة وسام



الف شكر على تواجدك



اجمل تحية

[عبدالمحسن المسعودي]

د. سالم


اهلا بتواجدك اهلا بشهادتك

اجمل تحية

[منصور الرويلي]

هنوف لاسرت تسري شمال وصبحها لبنان=عسى لبنان وجباله تجيه ولا يكدرها
دخيلك ياجبل سولف لها بالورد والريحان=وتغافل عن اماكنا القديمة لاتذكرها
تراني ياجبل لاني بطير ولامعي جنحان=ولا والله بقى بالصدر مايشبع خناجرها

""""


ابداع يفوق الوصف والدهشه

صح نبضك وسلم احساسك يامبدع

ابو بدر 00 على دروب الود لنا لقاء بأذن الله

[عيون الفجر]

القدير

عبدالمحسن المسعودي

إطلالة من نافذة الغنادير

جعللتك تكتب حتى لاتقف عن الكتابة

سلم بنانك وسلم إحساسك

تحياتي

[سفير المعاني]

الغالي
الشاعر
عبدالمحسن المسعودي

الله يسعدك ويوفقك با الخير

اسعدني مروري على متصفحك

ومصافحة قصيدتك الاروع من رائعه

لما تحويه من قوه با المعنى والسبك

فانت شاعر متمكن ولك باع طويل بالشعر

وصح لسانك وعلا شانك يا الغالي



وتقبل تحياتي

[زمان العجايب]

عبد الرحمن المسعودي
قصيدة مميزة
بكل ما تحمله الكلمة من معنى
ودمت بخير وسعادة