الليلة غير..

[غالب الذيابي]

سلام مثل النور واحلى شوي من طعم الشهد
للمنتدى المشهور بابداع القصيد وباجزله
الاكلبي عنده علوم (ن) لي وانا عندي بعد
ابا انقض علومه وامد الحبل واقف وافتله

[غالب الذيابي]

.
.
.

ارحب بجميع الاعضاء الذين

حضروا الليلة.
.
.
.
.

[رهب]

السلام عليكم ورحمة الله وبركاته

هلا وغلا بالجميع اسجل تواجدي معكم

تحياتي

رهب

[محمد الأكلبي]

يامرحبا ترحيبة ترضيك يا وجه السعد
واللي حضر معنا كلامي ياعميلي يشمله
اعلومنا نبديبها مادام صاحبنا نشد
والباب من صوب النشاما نفتحه ما نقفله .

[غالب الذيابي]

هلا شاعرتنا ..

وجودك مؤشر اخضر للشعر

وساحة الشعر.
.
.
.
.

[سفير المعاني]

الشاعرين الكبيرين

غالب الذيابي
ومحمد الاكلبي

الليل فعلا غير فنحن متواجدين

مع محاورة شعار متمكنين ومبدعين

ونتمنى لهما التوفيق ويزهلون صفوفهم

عامره بالمتوجدين والمتابعين لهما لاعدمناهم


واصلوا متابعينكم

تحياتي للجميع

[محمد الأكلبي]

شاعرتنا رهب شكراً


لحضورك ويسعدنا تواجدك معنا .

[غالب الذيابي]

اشوف اهل بيشة جموع(ن) من ورا ذاك الولد
وهو صغير السن تو الدرب يمشي باوله
وانا ما لومه لو سهر ليله ولو قام وقعد
ماله تجارب في صواديف الزمان المذهلة

[مستبده عسل]

متاااااااابعه ومستمتعه بدرر العمالقه

[غالب الذيابي]

.
..
.
مشكورين نجوم الرهب.

.
.
.
.

[محمد الأكلبي]

شعرائنا المتواجدين شكراً لحضوركم

ويسعدنا تواجدكم معنا .

[غالب الذيابي]

.
.
.
.

الله يعين الصفوف علينا

>>>>>يتخيل يسمع لحن الطاروق.
.
.
.
.

[سر دار]

السلام عليكم ورحمة الله وبركاته


متابع

[محمد الأكلبي]

والله ما نمشي خلف رجال(ن) ما يقرا الله احد
وان كان قابلني لزوم اقرا عليه الزلزله
صغره وكبره مايهم مادام في ذاك البلد
يمشي على كيف العجم مثل ماتمش البوصله

[رهب]

سعيده بوجودكم ومتابعه لكم
الشاعرغالب والشاعر محمد صح لسانكم
يا هلابك مستبده الف حمد لله على السلامه نورتي منتداك

[عبدالله بن عريمة]

امسي عليكم بالخير

واسجل متابعتي

للشاعرين القديرين

[مستبده عسل]

رهب


النور نورك

ولا يهونون الحضور

المحاوره روووووووووعه

[زايد الدغماني]

مساء الخير شعرائنا

مساء الخير الاداره

مساء الخير اعضاء منتدى رهب

متابع وابداعكم متواصل شكرا لاتحافنا

[عبدالرحمن السميري]

متابع لإبداعكم
ولا ادري اوقف بصف من بالضبط
لكن بصفكم الاثنين تستحقون الاشادة

[محمد الأكلبي]

اشكر جميع الحضور معنا وهذا
التواجد بلا شك يزيدنا حماسا وقوه .

[ابو فيصل]

جمال يفرض الصمت

متابع بصمت

[غالب الذيابي]

ياكبرها كبراه تكشف برقع الحر وتهد
غلطتك هذي ( يا يضيع الحر والا تقتله)
بكره ليا اصبحنا يجيك علوم والناقد نقد
يسألك راع الخبرة اللي مشتهر ما تساله

[مستبده عسل]

http://www.arb-up.com/files/arb-up-2008-6/LNW49135.jpg (http://www.arb-up.com/)

صوره للصفوف<<<تخيل

[غالب الذيابي]

مشكورين على المتابعة .

غاليتنا رهب. وسر دار

عبد الرحمن السميري

ابن عريمة
مستبده عسل
زايد


والحمد لله على سلامتك

مستبده .
.
.
.
.

[غالب الذيابي]

....... وعاشق.
.
.
.
.

[مستبده عسل]

غالب

يسلمك ربي يالعتيبي

[سفير المعاني]

الله الله الله

شعار كبار دام عزكم


تحياتي للجميع

[غالب الذيابي]

غالب

يسلمك ربي يالعتيبي



مشكورة مستبده.

[محمد الأكلبي]

انا صريح ولا علي من قام في الدرب وقعد
لكن مشروعك علامك ياولد ما تكله
اشوف موجك يالذيابي بعد ماجينا ركد
وانا اعرفك خبير والدرب السوي ماتجهله



اعذروني على التأخير الأتصال مايساعد .

[غالب الذيابي]

.
.
.

صح لسانك يامحمد

تشرفت باللعب معك.

والمنتدى منتداك اتشرف

بان تكون واحد من اعضاءه الدائمين.


والشكر موصول لكل الاعضاء الذين

سعدت بمداخلاتهم. ودي ان الطاروق

استمر بس الاتصال يشكل عقبة حقيقية.
.
.
.
.

[سفير المعاني]

بيض الله وجيهكم وما قصرتوا وهذا الفال وننتظر منكم العقال

دمتم بخير


تحياتي للجميع

[زايد الدغماني]

غالب


الاكلبي المجاراة روووووووعه


لكن ماقدرت اللقى لحن امشي عليه وش اسووووي




انتهت المحاوره كملو

[محمد الأكلبي]

وأنا اشكرك يا اخي العزيز غالب فا نت صاحب فضل كبير اللي عرفتني على هذه الوجوه الطيبه من خلال هذا المنتدى الطيب . واسعدني كثيرا اللعب معك وانت صاحب خبره طويله في هذا المجال . واعذرني واخواني الكرام اذا حصل تقصير او تاخير وتصبحون على خير .

[سلطان الروقي]

غالب...محمد

صحت السنتكم

محاروة رائعه

ماقصرتوا

لاهنتوا

[غالب الذيابي]

زايد
.
.
.
سؤالك محير

طييب اانا اذا مدري وش لون

اشرح لك وش اسوي

هههههههههههههههه
.
.

[زايد الدغماني]

والله مدري


دوّر لنا برنامج يطلع لنا اللحن


الكمبيوتر يقولووون يسوي العجايب

شف بالله الشعار اللي يدور تحت اسمي يتحرك من حاله سبحان الله

هههههههه

والله ماشاء الله عليكم بس يوم تحمسنا انتهت

[راشدالعتيبي]

غالب

محمد


صحت السنتكم وماقصرتوا


اكنت اتمنى موجودا..لاكن الجايات اكثر


تقديري

[نبض القلب ابها]

صح لسان الجميع ...ومحاورة راقيه تسمو بسمو اهلها...
تحياتي لكم وتقبلوا مروري اخوني...

[رهب]

مبدعين ما شاء الله

[مشاعل]

خلصت المحاوره ؟؟ :whistling: :whistling:

[أبـو شـاهين]

من عشــــــــــــاق المحاوره انا
للأســــــــــــف ماشاركتكمـ ساعتهـــــــا

لكــن ممــا رأيـــــــــــت العلوم اعلووووووم

الذيـابي والأكلبــــــــــي

صحـــــــــــــت ألسنتكمــ
اصحــاب التمكــن شعرهم متعه بحد ذاتــه

- زايد ياليتك قريـــــــب هالحيـــــــــن هههههههههه

تحيــــــــــاتي وتقبلو مروري

[رياض الهديرس]

غالب الذيابي / محمد الاكلبي

محاوره رائعه


تحياتي

[مشاعل]

:whistling: :whistling: :whistling:

[زايد الدغماني]

الاخت مشاعل

تبين تصيرن شاعره اجل هههههه



شوفي ,,, الشاعريه في نظري لا تاتي من فراغ

يجب ان يكون صاحبها مغربلته الدنيا

ويشتكي من شي معين


الله يبعد الهم عن قلوبنا ولايجيب الحزن

[ابو فيصل]

الاخت مشاعل

تبين تصيرن شاعره اجل هههههه



شوفي ,,, الشاعريه في نظري لا تاتي من فراغ

يجب ان يكون صاحبها مغربلته الدنيا

ويشتكي من شي معين


الله يبعد الهم عن قلوبنا ولايجيب الحزن


ههههههههههههه

زايد ليه هالنظريه؟

فيه من يعتبر الشعر من الترف؟!

او لا .. هههه

مو كل الشعراء مغربلتهم الايام

او أنت تؤمن فى بيت أظن لـ سليمان المانع

كل شاعر ما نكوى صانع كلام
وكل قلب ٍ ماعشق بالعون ميت

الله يسعدك يازايد

تحياتي لك وللاخت السائله

[خالد السعد]

فعلا البارح غير ؟؟

بس حرام انتهت الله يغربل الجهاز خخخخخخخخ

الاكلبي والذيابي

شكرا لامتاعنا

[شموخ نجد]

الشاعرالقديرغالب الذيابي صح لسانك ابدعت لاهنت

الشاعرالقدير محمد الاكلبي صح لسانك ابدعت لاهنت
استمتعت بقراءة المحاورةلاعدمناكم
الف شكرلكم
وبنتظارقادمك
وفقكم الله ورعاكم

[فهد الدوسري]

صح لسان الشعراء

استمتعنا بقراءة المحاورهـ

يعطيكم العافيه لاهنتـوا

[عبدالكريم الضبيب]

شعراء المحاوره الكبار ..
محمد الأكلبي وغالب الذيابي .


الله يعطيكم العافيه
كفيتو ووفيتو وبيض الله وجيهكم .

فتل المعنى لايجيده ألا صاحب خبره
وأنتم بمستوى هالمحاوره وضحتم للجميع
أنكم أصحاب خبره .. وشعراء كبار .

وبالنسبه للأتصال البارحه ..
للأسف بعد بداية الشاعر غالب الذيابي
انقطع الأتصال !!

مالنا حظ لكن !
يكفينا أن نفخر بمستوى هذه المحاوره الكبير
بـ من هم كبار في حضورهم .



كل التحيه والتقدير .

[غالب الذيابي]

.
.
.

اشكر تواجدك استاذنا عبد الكريم.

وماتركته هنا من ثناء ما هو الا

وشاح على صدر ساحة المحاورة.
.
.
.
.