سـ ــ ــ ـاحة المحـــ ـــ ــاوره

[زايد الدغماني]

http://www.viafy.com/uploads/a6d0462d91.gif (http://www.viafy.com)


سلام مني سلام لغالب الوافي=اللي يجينا قراحه دايمٍ صافي
نشتاق له لو يغيب ايام ويجافي =والشك مرفوع والزلات مدموحه
ـــــــــــــــــــــــــــــــــــــــــــ
انعشونا انعشونا ياعيال الحلال=وكل واحد يدور ياجماعه قبيله
القصايد فرايد والمعاني جزال=نبي نقطف ثمرها كل يوم وليله

[زايد الدغماني]

والله ما انسى سفير الحرف والمعنى=ابو محمد على الطولات يجمعنى
ماغاب عّنا دقيقه دايمٍ معنى =والشك مرفوع والزلات مدموحه
السحايب سكايب ياسفير المقال=والقصايد تباها بكاسبين الطويله
ما نوّفي حقوقك ياعضيد الرجال=الاصايل اصايل والااصيله اصيله

[غالب الذيابي]

http://www.viafy.com/uploads/a6d0462d91.gif (http://www.viafy.com)


سلام مني سلام لغالب الوافي=اللي يجينا قراحه دايمٍ صافي
نشتاق له لو يغيب ايام ويجافي =والشك مرفوع والزلات مدموحه
ـــــــــــــــــــــــــــــــــــــــــــ
انعشونا انعشونا ياعيال الحلال=وكل واحد يدور ياجماعه قبيله
القصايد فرايد والمعاني جزال=نبي نقطف ثمرها كل يوم وليله



يامرحبا عد عشبٍ فاح من طيبة
بالشاعر اللي مع اهل العرف نوحي به
لو ما اعرفه زين .. يدري بي وانا ادري به
الشك مرفوع والزلات مدموحة.



المعاني ذهب ولحونها راس مال
والقمر بان نوره مايبي لك دليلة
هات زبدة معانينا وكب الجدال
الذهب له خزينه والخزينة ثقيلة

[زايد الدغماني]

الليله ابي اهيّض خاطر الحاسب=والوقت كني اشوفه وقتٍ امناسب
وابي اعشيك ياغالب ولااحاسب=والشك مرفوع والزلات مدموحه
اقدح اقدح شراره لو يصير اشتعال=لاكن اعدل طريقك لايجي فيه ميله
والله ادري بهمك صار كبر الجبال=يوم جتك القوافي يا الذيابي جزيله

[غالب الذيابي]

الليله ابي اهيّض خاطر الحاسب=والوقت كني اشوفه وقتٍ امناسب
وابي اعشيك ياغالب ولااحاسب=والشك مرفوع والزلات مدموحه
اقدح اقدح شراره لو يصير اشتعال=لاكن اعدل طريقك لايجي فيه ميله

والله ادري بهمك صار كبر الجبال=يوم جتك القوافي يا الذيابي جزيله



بسلومنا البينه مانته بلازمني

والسلم يلزمك يا زايد ويلزمني

واظنها كان صارت وانت عازمني





الشك مرفوع والزلات مدموحة




كانها عودت للقدح مالك ومال
خلها لي وانا اقدح زندها والفتيلة
اختصاصي فتل وانقض قوي الحبال
كيفي البن واكره نكهة الزنجبيلة

[زايد الدغماني]

انا معلم واعلم كل متعلم=والرد عندي ترى جاهز ومتولم
ارفع ايدينك ياغالب بس واستسلم=والشك مرفوع والزلات مدموحه
قالو انك كريم وافي ن با الخصال=وانا جيتك امسّير والظيافه طويله
ليه تقطع وصال اللي يريد الوصال=وكاني ادفع ببيتك والله اكبر فشيله

[غالب الذيابي]

.
.
.

زايد المعذرة .. انقطع

الاتصال عندي.. حسبي

الله على الـ stc

لو ان رئيسها مايستاهل..


عموماً لنا لقاء اخر. والسموحة.
.
.
.
.
.

[زايد الدغماني]

الله يعطيك الف عافيه

بس ابي شي لو تقدر تسويه الردود من الاخوان اللي با الصفحه الاولي

تقدر تشيلها لاني ما ادري ايش السبب ما اقدر ادخل الا با الصفحه الثانيه وةالثالثه

ونبي الصفحه للمحاوره فقط ومن يرغب الرد يتفضل بس صارت صفحتين كلها كلام


ومعذور والى اللقاء

[غالب الذيابي]

.
.
.

هلا اخوي زايد..

انا مدري وش المشكلة الصفحة الاولى

ما اقدر ادخل عليها يعلق النظام عندي

( لم يحدث استجابة) الظاهر فيه مشكلة

لايستطيع الاكسبلورر تجاوزها.

عموما الردود لا استطيع اشيلها

لانها غير مخالفة.

تقديري لك اخوي.
.
.
.
.

[زايد الدغماني]

طيب ما تقدر اتطلع المشاركات اللي فيها بصفحه جديده


واعتقد ان سفير المعاني يستطيع ذالك


نبي صفحه مخصصه للمحاوره نتونس فيها وتكون خاليه من الردود



ومثل ماقلت لك اكيد توقيع احد الاخوه فيه مشكله

والف شكر ولي عوده باذن الله

[حجاب]

/

خارج / النص : )

الشاعر / زايد الدغماني


يزدان هذا الصباح باطلالتك العطررره ,,

/

/

داخل / النص : (

لقد اطلعت على مشكلتك . وذهبت للصفحه الاولى ولا اجد فيها مشكله بالنسبه لي . فأني استطيع الدخول الى الصفحه الاولى . ولقد فهمت من كلامك مع أخي / غالب , بأنك تريد الردود التي في الصفحه الاولى . اذا كان هذا طلبك او غيره فأنا في خدمتك . أمرني فقط .

/


مودتي / حجاب


**

[زايد الدغماني]

هلا اخوي حجاب

الصفحه الاولى لا استطيع الدخول اليها انا والاخ غالب

لوجود مشكله واكيد با احد التواقيع هذا المقصود

الامر الاخر هو ان ننظم محاوره راقيه مرتبه لا يكتب بها سوى

الرد باابيات حتى لا نبحث بين الصفحات وتضيع القصائد مع الردود بين الاعضاء

وذلك با اشراف الا المشرف الاخ غالب الذيابي


وما المشكله الرئيسيه هي انني لا استطيع الدخول الا لصفحات مابعد الاولى

كذلك الاخ غالب نفس الطريقه


تقديري شاعرنا القدير حجاب

[زايد الدغماني]

ياسلام ها الحين راح التعليق وشلوووون

[زايد الدغماني]

عيت لا تفتح معاي الصفحه الاولى=وماعاد باقي ياغالب عندي احلولا
وهذي مهمّتك عنها انت مسئولا=والشك مرفوع والزلات مدموحه
يالله اني طلبتك ياعزيز الجلال=انك اتيسر امر القوم باي وسيله
في ميادين غالب قابلين النزال=ومن ينازل عقيد القوم ياخذ حصيله