لنــــرتجل هنـــــــــــــا

[الجزله]

انطبع جرحي على صدري ولاح..في عيوني دمع وبجوفي سهم
(عذا)

[عشقي شموخ]

همال مزن الشوق روي الضمايا هملتني وهمل من الوجد دمعات

[نبض القلب ابها]

اتعبني الصدق مع كاذب الناس

ناس لكاس الكذب تعطش ماتروى

يتخالفون الكذب كاس بـ كاس

والصدق في كاسهم قطره ماتلقى

[المجازف]

اسعد الله مساء الجميع


اروح وارجع وراجع ما مضى وارحل=من واقع الوقت يوم الماضي اشوالي
اسجّ في ذكراياتٍ بالوفا تنهل =وحاول اقناع قلبٍ عاف الآمالي
مالي جدى كود اكملّ عمر ما كمّل=وقزّره بين خير وبين ماجالي
المجازف

[نبض القلب ابها]

لي مع جرى العمر وقفات
لا جيت احسبها صارت عمر
فقد حبيب بالحشى ما مات
أسمي بأسمه مدونً لآخرالعمر
من عقب عينه كم مر وفات
إلا وفاته تبقى كسرت ظهر


(الله يرحمك يا أبوي ويغفر لك عدد ذر التراب وعدد ماء الأرض )

[نسمة ربيع]

أنا ياسيدي قلمآ
وقصيدة عشقٍ من حرفين


أنا ياسيدي نورآ
رحل من حياتك على قدمين


أنا ياسيدي وردآ
لامستهـ بسكينك من حدين


أنا ياسيدي عطرآ
سكبتهـ بجردائك بين سرابين


أنا في عواطفي بحرآ
سقيتك إياهـ من ماء العين


أنا ياسيدي أنثى
عزفت هواك على وترين

[عقاب]

القلب ياسردار ماهوب مرتاح=مرت ثلاث شهور ماشاف راحه
تومي به همومه كما اوماي ملواح=والخافي اعظم لوحكيت الصراحه



.

[خلف العاطفي]

ياعقاب بشر بالتساهيل ياصاح
......ولابيجيك اللى تخصص ملاحه
ونفتشه موج على صرك اجتاح
.....مَنْ سل مابين الحنايا سلاحه
قم يالغناوى مابقى طمعه ارباح
.....خلنا نجارى عقاب ونحط ساحه
......

[ريف النشاما]

حسيت بطعونك ياطير صداح
................ نغمة شجن صوتك تسبق صياحه
الوقت مايرحم قتيلٍ وسفاح
.............. ولا عليـــــــــــــــلٍ فاقد اليوم راحه

[آآهــــــاات]

الاخوة والاستاذه
عقاب ,, خلف العاطفي ,, ريف النشاما
آسمحو لي بالمداخله
آرتجال تلميذ يود الاستفادهـ.


ياكثر مانشكي بنا هم سواح=صارت هويتنا صياح ومناحه
الحب هو سبة عنانا بالافصاح=هذي قضيتنا وهذي الصراحه
ليت الغلا يرسم لنا بعض الافراح=والا يبيح القلب يطلق صراحه
آكبر قهر لاعاند الوقت ذباح=ترخي عزومك والعذر فيه راحه
يلي ملكت القلب بالروح فواح=لبى غلاك ومرحبا باجتياحه
ماجيت آدور بالغلا جني الارباح=القلب مايخذل غلاهـ. ووشاحه
بالجد خذني لك ولو كنت مزاح=وان جار قلبك لي خفوق(ن) آباحه
ماهو لنا بالكيف سيور الارياح=تجري بنا من غير ود آستباحه

شكراً لكم

ولك آنت

:r:

[خلف العاطفي]

اسعد الله مساء الجميع


اروح وارجع وراجع ما مضى وارحل=من واقع الوقت يوم الماضي اشوالي
اسجّ في ذكراياتٍ بالوفا تنهل =وحاول اقناع قلبٍ عاف الآمالي
مالي جدى كود اكملّ عمر ما كمّل=وقزّره بين خير وبين ماجالي
المجازف



الوقت قيدٍ لمَنْه انفك ولا انحل
.......مابة خراج سوى مايكتب الوالي
الذكريات القديمة مرتك رحّل
......وانا بعد مثلكم وتمر في بالي
تارد على الصدر حيم عجلة ٍ وتحل
.......بالهم والغم جات بزود الاحمالي

[ريف النشاما]

....,.,.,....

لي عن عيون الوله مده طويله
لو تنحسب ماظن احد يحـسبها

عامين لي عنها ولا باليد حيله
لا سلهمت عينه سلم هدبـــــها

.,.

الهاء و الالف
مين يكمل