البيت الي تمناه الامير السديري؟؟

[نديم الليل]

السلام عليكم اخواني واخواتي الاعضاء


بصراحه احب اتواصل معكم على طول بالمنتدى بس لكثرة الاشغال
مافي وقت للأسف
احب اسأل الشاعره رهب او احد الاعضاء هل هناك بيت سمعه الامير
السديري وتمناه له عندي معلومه وتحتمل الخطا والصواب ان الامير سمع بيت وتمناه له ابجيبلكم البيت بس بعد ردودكم



ودمتم

[ليل]

http://forum.hawahome.com/nupload/80131_1206533619.gif

[السعيد]

حسب مانقله الرواه من الباديه عن الامير محمد السديري انه في مساجلته مع الشاعر هزاع بن هزاع والتي قال بها السديري :

ليت يابوتركي بعينك تحليت ... شقر القرون اصابعه ناقضتها

الشطر الثاني من رد بن هزاع في البيت الأول

حييت يامكتوب ابو زيد حييت .. عدة نجوم الليل واللي تحتها

يقال ان المرحوم السديري تمنى الشطر الثاني له والله اعلم

[عبدالله بن عريمة]

شكرا اخوي نديم الليل
والقصص التي تروى حول الامير ابوزيد السديري كثيرة وتحتمل الصواب والخطا
وذلك لشهرته وشخصيته وامارته وقصائدة التي سجلها التاريخ وحفظها الناس
لااعلم بيت اوقصيدة تمناها ابوزيد وحتى لو رويت اعتقد انها مغلوطه

[خذ العلم مني]

ياليت اقدر افيدك معذره اخوي الله يرحم والدنا الامير محمد شاعر ولا كل الشعراء وكما اعتقد انه هو الوحيد في زمنه اللي كان له ابيات تنتهي بحرف ال ( ز ) وودي اسمعها لكني لم اجدها

تحيتي

[خذ العلم مني]

بعد بحث وجدت التالي لعله يكون المراد



الليلة الدنيا عليه فضاها ــــــ اضوق من الأبرة على ناظم السلك

ويقال أن الأمير محمد الأحمد السديري رحمه الله تمنى أن يكون له هذا البيت .

والبيت من قصيدة للشاعر الكبير : ذعار بن قاعد الفريدي الحربي الملقب ولد أمس .

القصيدة هي :

الليلـة الدنيـا علـيـه فضـاهـا
أضوق من الإبرة على ناظم السلـك
أسباب نفسٍ غيضها مـن رضاهـا
أهبي يا نفس الخطأ ويش مزعلـك
وأنا أدعي وأقـول نفسـي قساهـا
فيه أفتخر ، لكن عسى الله يفشلـك
بينتـي الخلـة لحـرصٍ وراهــا
يركض حرص يبغي خوافي مسائلك
اليـوم حصـل حجـةٍ لـه بغاهـا
فاتت علي يا نفس وشلـون أعقلـك
قدمك أنفوسٍ مثل ما جـاك جاهـا
ما شايلوهـا مثـل مانـي بشايلـك
سوات غمضة عيـن قبـل أنتباهـا
مشموت عذالك ومفلـوج حاملـك



منقول


تقبلوا فائق تقديري ..

:

[خذ العلم مني]

هذا البيت رائع عجبني للامير

فات العجاج وقلت بالخير متبوع ... وثر العجاجه مقتفيها عجاجه
.
.
.
والقصر لو انه من الصلب مصنوع ... ان عاب ساسه ماتفيده ابراجه





روووووعه الله يرحمه