يوميات المستشار العاطفي ...

[هواجس]

http://www.arcaan.com/vb/uploaded/9213_11237752490.gif


مسائكم / صباحكم جوري :e:
هالموضوع قرأته في أحد المنتديات وعجبني
قلت انقله لكم ...
وفرصه نتعرف على الاعضاء اكثر ..

يوم في حياة عضو .....

فكرة الموضوع .

في كل مرة بختار عضو أو عضوة .. يشرفونا هنا ..

ويكتبون لنا وبكل شفاااااااااااااااافيه كل شي يصير في يومهم

من الصباح إلى الليل ..

بس ضرووووووووووري نكتب كل شي ..

نبي نعيش الأجواء معكم ..

ولا تخفون عنا شي أبد ..

اتفقنا ؟؟؟؟

أول عضو بختارة اليوم

الأخ الفاضل / المستشار العاطفي :r:

فليتفضل مشكوراً...



تقبلوووو تحياتي

هجـــ :e:ــــوسه

[المستشار العاطفي]

السلام عليكم ورحمة الله وبركاته

أمسي على الجميع بالخير

وجعل الله جل أوقاتكم خير ومسرة

أعتذر أولا للأخت هواجس على التأخير

والمحكم بعدة أمور منها وأهمها تواجدي

في أربع مناطق مختلفة خلال اليومين السابقين


وأما عن يومي إليكم ما يحدث :


استيقظت الفجر وأخذت ( دش ) وبعدها الصلاة

وناظرت الوقت ما يسعفني للشاي والفطور قبل

وقت المحاضرة بالجامعة <<<<< رجع للجامعة بعد عمر طويل:(1

طبعا فيه ملقوف أو ملقوفة بيسأل شنو التخصص بالجامعة ههههه

بشفي له غليله وأشبع فضوله:vertag: :

( كورس إضافي بعد البكالوريوس في مجال الإدارة )

طبعا دراستي حالياً بجامعة ( حائل ) :mf_bookread: ومعروف جو حائل هالايام

مررررة روووعة <<<< هذي الفائدة الوحيدة اللي حصلت عليها :a15:

بعد صراع كبير مع الزحمة <<<( خريص على غفلة ) وصلت للجامعة

طبعا لنا قاعة خاصة للملتحقين بهالكورس ومدلعين مرة فيها فمريت عليها

رغم ان المحاضرة الأولى مدخل للحاسب الآلي :smilie_xp: ومكانها معمل الحاسب <<<< أعترف ليش مريتها ومكان المحاضرة بالمعمل :r0o0t (20):

طبعا واحد صاحي نوم وما فيه لا فطور ولا قهوة ولا شاي أكيد بيدور له على شيء يشربه قبل المحاضرة والقاعة مجهزة بكل شيء من هالاشياء <<< فنجال وعلوم رجال على قولتهم .

المهم بعد ما روقنا مع القهوة شوي طلعنا للمعمل وكان دكتور المحاضرة أردني عسل مرة ما عنده مشكلة تتأخر تجي بدري أنت مدلع وضيف على الجامعة ولا تعامل معامله طالب :d

المحاضرة طبعا 3 ساعات اختصرها أبو الشباب بساعه ومع السلامة واشوفكم الأسبوع القادم <<<< مستعجل ما عنده وقت

طبعا مجموعتنا ازعجوه :bigmouth: فقرر يفتك منا

رجعنا لوكرنا <<< اللي هو القاعة طبعا <<< يقول أحسن من وكر عصابة البلدوزر ( تعريف بهم بشكل مبسط وهم : هواجس ، إمرأة حرة ، العطاوية )

<<<<< طبعا سعوديين ما نخلي طبايعنا لازم قهوة وشاي ومعاند بعض بصوت عالي ههههههههههههههه

خطرت لبال واحد من الشباب <<<( احسه عبقري زمااااااانه ، فلته بالتفكير الولد <<< أحسن واحد يفكر بالخروج من الجامعة بدري) فكرة أن مجموعة تروح تسحب دكتور المحاضرة الثانية من قاعة ثانية لنفس الكورس ويقدم لنا المحاضرة ونخلص بدري .

راح الوفد السامي للدكتور ولينو راسه رغم انه صعيدي ما فيه أمل يلين لكن سبحان الله مسخر للوفد ( طبعا اقول صعيدي لان لما نقول له انت مصري يقول لا صعيدي <<< دكتور دمه خفيف غريبة )

وصل الدكتور وبصراحة اسمه يخوف شوي وراكب على شكله فاللي يسمع أسمه يحس أننا ندرس بجامعة بني عبس مو جامعة حائل <<<<<<<< أخلص شنو اسمه .....؟؟؟؟:flaming:

طيب .. طيب ...

اسمه الدكتور ( عنتر ) <<<<< كل مرة يجي من غير عبله

<<<<< شكلهم متزاعلين لازم تدقق أنت :flaming:

بدأ الدكتور عنتر يسرد خبراته بمحتوى المحاضرة وبصراحة دمه شربات على قولتهم مو شرس مثل اللي بمضارب بني عبس

بعد ساعه بالضبط كالعادة الشباب كل منهم يناظر الساعه ( وش فيك مستعجل ) لزمه مالها داعي أدري بس اجاري هواجس شوي

حس د عنتر بملل الشباب رغم المحاضرة شيقة بس الشباب مدلعين الله يعينه عليهم شوي <<<<< اشوف طلعت نفسك منهم

المهم طلعنا من الجامعة وعلى الشقة على طول لا يمين ولا يسار

وناوي أنام نومة تمام بس قلت اشوف المنتدى وأخباره

بس سبحان الله ما كل ما يتمنى المرء يدركه فما أمداني أدخل الا الدووووبا هواجس مسوية طلب بالخفارة للحضور هنا :icon_sad:

جلست أدعي أدعي أدعي ........... ( ما ابي اقول لها أو عليها خلها تحتار )

بس بعذرها والله ، ما ألومها الدووووووبا المسكينة لها يومين وانا ما أدري وش السالفة فمن حقها تعصب وتطلب الحضور مخفورا حيا أو ميتا .

جلست أفكر وانا مقابل الجهاز :type: أنام وأطنش ولما أصحى أكتب رد على الموضوع وإلا أرحم نفسي من عصبية هواجس وأرد :whistling:

طبعا خلال التفكير المتمعن تكلمت مع كثير عبر المسن ودخلت الصحف و كم مكالمة وبعدها تعوذت من الشيطان وقلت أرد محافظة على نفسي وسلامتي .

فتحت الجهاز وجلست اكتب هالرد اللي أدري وربي بتقول هواجس باقي ما انتهى اليوم لكن الشكوى لله تقبليه أقساط ولما يجي آخر اليوم أكمل الباقي بالتفصيل الممل .

لكم مني التحية والتقدير والاحترام <<<< أتحدى ما يكتبها :s1:

[هواجس]

مرحبا اخوي المستشار :r:
شرفتني والله ويومك قصدي نصف يومك
ممتع وننتظر الباقي <<< بتأجل التعليقات لين يخلص :whistling:

<<< ياهي محضرة له تعليق :d

[سهام المنايا]

الحين يومك كله جامعه ونت

نبي فله وطلعات وكشتات ومن هالحركات :d

واذا فيه مقالب مع الشباب ماهنا مشكله :d

وبما انك تأخرت يومين نبيك تكتب لنا يومك بالتفصيل الممل

:whistling:

[[ إمـــرأه حـــره ]]

ههههههههههههههههههههههههههههه

لاتخاافين سهااام أحنى شلة البلدوزر

وقع في يدين هوااجس الله يعينه

>>>رااحمته من الي بيجيه

يلا ياامديرناا الفااضل نبيك تقول كل شي

من طأطأ لسلام وعليكم >> المحقق كوناان

[العطاويه]

يووووووووووووو
ياهوووو نصف يوم شاااق :sm5:

<< ترفع من معنوياته :d

مديرنا الفاضل أكتشفت أنكم ماعندكم من التعب شي
كلها كوفي وهذرة
الله يرحم حال المعلمات بس :(1

وباقي التعليق بأجله بعد ماتكمل يومك
<< ناويلك على نيه ;)

هجوووسه يسلمووو ياقمر
على الموضوع النااايس
بيطلع خفايا نااااس << ماتقصد البلدوزر :d

تحياااتي للجميع
ودمتم بالخير


\
/
\


العطـــــــاويه

[هواجس]

وقع في يدين هوااجس الله يعينه


ههههههههههه
حرة حسستيني اني الحانوتي :s24:
لاتنسين سهام تراها ذراعي اليمين :r0o0t (32):

[شموخ نجد]

هواجس فكره رائعه

واختيار جميل

لشخصيه ظريفه وحازمه
اسعدالله مسائك وايامك
بانتظار الجزء الثاني يااستاذنا المستشار
فلاتتاخر
دمتم بخير

[المستشار العاطفي]

السلام عليكم ورحمة الله وبركاته

عدنا من جديد لتكملة اليومية وهو الجزء الثاني <<< باب الحارة على غفلة

طبعا وقفنا عند توقف الكتابة في الجزء الأول

وأن النوم أرحم وإلا الخضوع لظالم :(1 << أشوف فيك يوم ياللي في بالي :d

المهم ما لكم في كثرة الكلام نوووووووومة بعد عناء الجزء الأول
وعصر المخ والمخيخ وباقي أجزاء الدماغ لتذكر ما حدث
لنقله لكم وطبعا النومة طويلة عميقة وهادية
وبصراحة لما صحيت كان جدولي ملخبط :nono:
فيه ملابس لازم تروح المغسلة وأكل من الصباح ما فيه
وغير تحضير محاضرات بكره <<< أحلف حضرت لهم :nosmilie:<<أزعجني
المهم ....المغسلة أهم شيء طبعا والباقي يهون
جلست بفراشي أقنع نفسي أصحصح وأخلص شغلي
مرة نفسي أنام ومرة لازم أخلص شغلي
آخر شيء تعوذت من شووشوو<<( دلع ابليس )
وحركت نفسي و طلعت من الشقة للمغسلة
طبعا لازم أمر على ( خريص حائل ) وزحمته
حتى أخلص أشغالي كلها مرة وحدة
فلما أنتهيت رجعت للشقة وطبعا كالعادة نت
والبحث عن أمور تتعلق بمحاضرات بكره
وبعد عناء كبير خلصت من هالمهمة على خير
<<<<<<<< طبعا ماله خلق يبحث فطقها حنك بالمسن :T_thum1:

وبحكم أن وراي سفر بعد الدوام كان لازم أنام بدري <<< ( الساعة 4 بدري )

وبما أن يومي محدود الأحداث تركت الجزء الثاني
إلى هالوقت حتى يكون فيه شيء مفيد << أغسل يدك مفيد :r0o0t (83):

طبعا من الصباح لوصول الجامعة روتين معروف مسبقاً
وكانت المحاضرة الأولى لدكتور مدرب دولي بالبرمجة العصبية
ومدرب دولي بالتحليل النفسي و العلاج النفسي
ومدرب دولي للتنويم الإيحائي <<< المغناطيسي طبعاً
<<<<<<<<<<<<< يفكر ينوم غالب حتى يعرف طفولته :devil:
وشيء أكيد بتكون المحاضرة جاذبة لي شخصياً
وممتعة لدرجة ما أحب تنتهي للفوائد الكبيرة فيها

سبحنا طبعاً بتفاصيل المحاضرة ومحتواها حتى نهايتها
وبعدها المحاضرة الثانية واللي محتواها يناقش حل المشكلات والطرق العلمية للأبداع في التفكير وخلق إجتماعات مثمرة لحل المشكلات بطرق علمية بحته في جميع الجوانب ، طبعاً هالمحاضرة على أهميتها وإنها شيقة إلا أنها ثقيلة علي أنا شخصيا لأن بعدها وقت السفر لمسافة طويلة<<أشتقت لأمي :(1

بنصف المحاضرة وفد المغتربين من خارج منطقة حائل أستأذنوا للمغادرة وطبعاً العذر جاهز وهو أحوال الجو وتوخي الحذر :whistling:

من الجامعة للسوق ومنه لطريق السفر

طبعا مع الطريق رايق لوحدي والجو شاعري مرة
غبار ورياح وزحمة يا دنيا زحمة <<< يعجبه هالشيء
بعد ساعات طويلة وصلت لأحضان أمي <<< :r:لقلبها
وطبعا شيء بديهي النوم بعد التعب ، ولما صحيت أول ما خطر ببالي هواجس الدوووووبا
وعصبيتها لان تبي تختار ضحية ثانية لليومية
ودخلت أكمل لكم يومي اللي بصراحة طلع أطول
من 24 ساعه بس شنو نسوي تستاهلون


* إسقاطات وردود على بريد القراء :

هواجس : محضرة لك تعليق <<< محضرة جن الظاهر

سهام المنايا : يس كله نت وجامعة ولا فيه طلعات ولا جلسات وعلى طاري الشباب ما أعرف أحد بحائل حتى أقول لك سوالفهم :nono:

إمرأة حرة : وقع بيدين هواجس <<<<دراكولا مو هواجس
محقق كونان <<< ذكرتيني بجدة ليلى

العطاوية : يا هو نصف يوم شاق <<< أجل نصف ريال مشقوق

هواجس مرة آخرى : حرة حسستيني اني الحانوتي << لا تعليق:hanged:


هواجس

كل الشكر على الموضوع الدسم مثلك
وبما انه بقسم الابتسامة والترفية أتمنى
أن أكون وصلت للمرجو من الموضوع

ولكم مني التحية والتقدير والاحترام <<< ما ينساها :S_thum1:

[هواجس]

وأن النوم أرحم وإلا الخضوع لظالم :(1 << أشوف فيك يوم ياللي في بالي :d
لايكون تقصد حرة ؟:d

السفر لمسافة طويلة<<أشتقت لأمي :(1



<< رحمته حسته حنون :(1

وطبعا شيء بديهي النوم بعد التعب ، ولما صحيت أول ما خطر ببالي هواجس الدوووووبا




نوم العوافي
وراك حتى في منامك :mf_tongue:
إمرأة حرة : وقع بيدين هواجس <<<<دراكولا مو هواجس
حرام والله اني ضعيفونه :(1 << حرة وعطو طفوا نوركم :d

هواجس

كل الشكر على الموضوع الدسم مثلك



يعني أنا كاملة الدسم :thumb:
حياك الله اخوي المستشار
يومياتك كانت ممتعه بس أحس
انها كانت ملخبطه :sm5:
الاعلى فكرة وش اسم المغسله اللي
تغسل فيها <<< أوم اللقافه ياناس :mf_tongue:

[هواجس]

^
^
^
يؤيؤيؤ:sm5:
أعذروني تنسيق مدري وش يبي :d
<<< عجزانه أسوي تعديل:nono:

ان فهمتو كان بها وان مافهمتو
راجعوا مكتب هواجس :whistling:

[العطاويه]

والبحث عن أمور تتعلق بمحاضرات بكره


كثر منهـــا :whistling:
<< تشك في صحة هالكلام :d

فطقها حنك بالمسن

وهذا أكبر دليل :mf_tongue:


طبعا مع الطريق رايق لوحدي والجو شاعري مرة
غبار ورياح وزحمة يا دنيا زحمة


متأكد كنت رايق :sm5:


أجل نصف ريال مشقوق

مستشارنا لايكثر بس :mf_tongue:

بس تبون الجد يوم مره زحمه
ماأحب كـــذا :(1

الله يعينك مستشار على يومك ويوفقك يارب في دراستك
أستمتعت بالقراءة

وكل الشكر للغالية هجوووسه على إتاحة الفرصة
وننتظر الفريسة الثانية :d

دمتم بكل الخير

\
/
\


العطــــــــاويه

[حمرة الورد]

مساااااااااااااااء الخير
اخوي المستشار فعلا يوم زحمه
بس اكيد الوكيند حقك مدلع في نفسك وتخرج حق اسبوع كااااااااااااااااااااااامل وياويل من يخدمك فيه من الاهل موكده
هههههههههههههههههه
تقبل مروري

[درر]

يوم بصراحه كله زحمه ..بس حلو ممتع
بس اكتشفت شخصيه فكاهيه ومرحه
والله كنت اتوقعك جاد ورسمي وماعنده حل وسط
يعني اكتشفنا احد مع حليمه بولند يقول ابي امي
ههههههههههه
امزح اكيد ما عليك مني..الله يخليلك الوالده ويبارك لها فيك