بدر بن صقر العجالين
03-06-2009, 03:56PM
بسم الله الرحمن الرحيم
السلام عليكم ورحمة الله وبركاته
كما عودتكم على اضافة كل جديد من قصائدي
يسعدني ويشرفني اضافة هذه النص الجديد بعنوان ( البدر المعتوم )
وأتمنى أن يحوز على رضاكم..
للتحميل والإستماع على هذا الرابط
اضغط باليمين+حفظ الهدف باسم
http://www.herosh.com/up/73952/55053445.mp3
ألا ياقلب لا تشره على الأيام يامصدوم=جروحك دايما وقتك ألا طابت يجددها
ألا ياقلب ذا همك يسبب غصة البلعوم=وأحس النار في جوفي ولا أدري كيف أخمدها
زمانك ماصفا لحظه وخلاك الدهر مهدوم=همومك من كثر ماهي تزايد ماتعددها
يحسبون البدر ضاوي وأهو من داخله معتوم=ومايدرون في بدرن على شمسه يسندها
أنا لي هاجسن كنه على نفسي يجي معزوم=معازيمن بلا دعوه ولا تقدر تطردها
يجيني دوم كل حزه يناشبني طوال اليوم=يفطن نفسي لهمي وأنا أحاول أركدها
وجودي وجد من أصبح كسيرن بالسجن محكوم=ديونه سبت عياله ولا يقدر يسددها
يلبسهم يعشيهم معيشهم على المقسوم=وحده وقته الأقشر على ديان عقدها
على خلن فطر قلبي وحبه بالحشا معلوم=حساباته وسط قلبي وفيره مانجمدها
أحبه حبي لجدي وجدي زايد الملطوم=وأحبه حبي لربعي وانا ربعي أمجدها
وأحبه حبي الطاله وأنا دايم لها وآروم=وأحبه حب شجعانن فعايلهم نخلدها
وأحبه حبي لشعرن يقوله شاعرن شغموم=وأحبه حبي لقافي ولأبياتن أرددها
أشوفه طول غيابه و من شوفه أنا محروم=وكن فرقاه موتن لي ونفسي جا يهددها
أصبر نفسي بنفسي وأعلمها الصبر والصوم=وعيني لأرتخت صوبه أنا أحاول أصددها
أصد وعيني الشاشه وحبه ينعرض لي دوم=لو أغمض لو أفتح لزوم أني أشاهدها
سطا حبه على قلبي وأنا أزهم وأنا المزهوم=قصوره ماليه قلبي بحبه جا وشيدها
غدا حكمه وسط قلبي أميري ثم صدر مرسوم=يحاكي واقع أعروقي وحبه جا يمددها
الا منه طرا أسمه تبيّن للقصيد اعلوم=تجيني شبه جنيّه تناشدني وأناشدها
وأسلي القلب في شعرن يداعب خاطر المهموم=قصايد تطرب العالم قريحتنا توردها
هجوس الشعر في فكري معزز دايما محشوم=بنات الفكر في راسي على المعنى مجندها
وأنا مانيب أبوليلى ولاني مثل ابن كلثوم=أنا بدرن وذا شعري كثير الناس يسعدها
وإلا من زادت جروحي فأنا صابر وصبري دوم=وأنا لا يمكن استسلم والابل إنا نقيدها
وأنا خابر ومخبورن يعرفوني قوي اعزوم=جروحي دايما وحدي مغيري من يضمدها
ألا ياقلب ماتنفع زيادات العتب واللوم=كثير الدق ماينفع يهد النفس يجهدها
تصبر ياعسى ربي يحقق رغبتك وتقوم=ورغباتك على قدك وقدك هو يحددها
أشوف اليوم ذا الدنيا مع الدرهم وحسب السوم=وراع الفقر متفرج وذا الدرهم يخردها
حشى يالله مانجزع ولو أنها صفت لرخوم=ربح منهو بنا نفسن على الإيمان عودها
تعودنا على الطاعه لربن ينصر المظلوم=ولا غيره خضعنا له وأهل الشرك نجحدها
والا ياقلب لا تشره قنعنا والقدر محتوم=عسى الأتعاب مخلوفه وبالآخر تحصدها
أخاف أموت ياقلبي عسى لا مت أنا مرحوم=عسى روحي بإذن الله برحمته ايتغمدها
وسلامة الجميع..
السلام عليكم ورحمة الله وبركاته
كما عودتكم على اضافة كل جديد من قصائدي
يسعدني ويشرفني اضافة هذه النص الجديد بعنوان ( البدر المعتوم )
وأتمنى أن يحوز على رضاكم..
للتحميل والإستماع على هذا الرابط
اضغط باليمين+حفظ الهدف باسم
http://www.herosh.com/up/73952/55053445.mp3
ألا ياقلب لا تشره على الأيام يامصدوم=جروحك دايما وقتك ألا طابت يجددها
ألا ياقلب ذا همك يسبب غصة البلعوم=وأحس النار في جوفي ولا أدري كيف أخمدها
زمانك ماصفا لحظه وخلاك الدهر مهدوم=همومك من كثر ماهي تزايد ماتعددها
يحسبون البدر ضاوي وأهو من داخله معتوم=ومايدرون في بدرن على شمسه يسندها
أنا لي هاجسن كنه على نفسي يجي معزوم=معازيمن بلا دعوه ولا تقدر تطردها
يجيني دوم كل حزه يناشبني طوال اليوم=يفطن نفسي لهمي وأنا أحاول أركدها
وجودي وجد من أصبح كسيرن بالسجن محكوم=ديونه سبت عياله ولا يقدر يسددها
يلبسهم يعشيهم معيشهم على المقسوم=وحده وقته الأقشر على ديان عقدها
على خلن فطر قلبي وحبه بالحشا معلوم=حساباته وسط قلبي وفيره مانجمدها
أحبه حبي لجدي وجدي زايد الملطوم=وأحبه حبي لربعي وانا ربعي أمجدها
وأحبه حبي الطاله وأنا دايم لها وآروم=وأحبه حب شجعانن فعايلهم نخلدها
وأحبه حبي لشعرن يقوله شاعرن شغموم=وأحبه حبي لقافي ولأبياتن أرددها
أشوفه طول غيابه و من شوفه أنا محروم=وكن فرقاه موتن لي ونفسي جا يهددها
أصبر نفسي بنفسي وأعلمها الصبر والصوم=وعيني لأرتخت صوبه أنا أحاول أصددها
أصد وعيني الشاشه وحبه ينعرض لي دوم=لو أغمض لو أفتح لزوم أني أشاهدها
سطا حبه على قلبي وأنا أزهم وأنا المزهوم=قصوره ماليه قلبي بحبه جا وشيدها
غدا حكمه وسط قلبي أميري ثم صدر مرسوم=يحاكي واقع أعروقي وحبه جا يمددها
الا منه طرا أسمه تبيّن للقصيد اعلوم=تجيني شبه جنيّه تناشدني وأناشدها
وأسلي القلب في شعرن يداعب خاطر المهموم=قصايد تطرب العالم قريحتنا توردها
هجوس الشعر في فكري معزز دايما محشوم=بنات الفكر في راسي على المعنى مجندها
وأنا مانيب أبوليلى ولاني مثل ابن كلثوم=أنا بدرن وذا شعري كثير الناس يسعدها
وإلا من زادت جروحي فأنا صابر وصبري دوم=وأنا لا يمكن استسلم والابل إنا نقيدها
وأنا خابر ومخبورن يعرفوني قوي اعزوم=جروحي دايما وحدي مغيري من يضمدها
ألا ياقلب ماتنفع زيادات العتب واللوم=كثير الدق ماينفع يهد النفس يجهدها
تصبر ياعسى ربي يحقق رغبتك وتقوم=ورغباتك على قدك وقدك هو يحددها
أشوف اليوم ذا الدنيا مع الدرهم وحسب السوم=وراع الفقر متفرج وذا الدرهم يخردها
حشى يالله مانجزع ولو أنها صفت لرخوم=ربح منهو بنا نفسن على الإيمان عودها
تعودنا على الطاعه لربن ينصر المظلوم=ولا غيره خضعنا له وأهل الشرك نجحدها
والا ياقلب لا تشره قنعنا والقدر محتوم=عسى الأتعاب مخلوفه وبالآخر تحصدها
أخاف أموت ياقلبي عسى لا مت أنا مرحوم=عسى روحي بإذن الله برحمته ايتغمدها
وسلامة الجميع..