المساعد الشخصي الرقمي

مشاهدة النسخة كاملة : حروفها عقد ومنظومة الماس !!!!

فيصل الحيزان
02-16-2009, 10:28PM
اعذب كلام الحب كلمة احبك= ليقلتهالي يا هوى النفس بأحساس
وارق كلمة با حبيبي بقلبك =انسا بها نفسي على طول والناس
احب تنطقها لي جيت جنبك= اربع حروف عطرها فوق الانفاس
ينتابني منها شعور بقربك=حروفها عقد ومنظومة الماس
اسلوبك الي شدني فوق دربك= يطرد عن ايامي معك نظرة الياس
يا خف دمك قلبي الي يحبك= فيك الحلا يا فاتني مـالـه قياس
من صادق احاسيسي احبك واحبك= من حافة اقدامي إلى هامة الراس
فيصل الحيزان
02-16-2009, 10:32PM
كـل شي فيك ملفت لنظر= آية فـي الزين فـي شـكـل ولـون
كـن زينك مـا خلق بين البشر =الا لأحساسي وتعـذيب العـيون
تهت في وصفك على كل الصور= فيك زين في البشر صعب يكون
فـي جبينك شمس وعـيونك قمر=قدرة الله وصلـتـني للجنون
اشعر ان الكون في ايديني سهر=لين شفتك وكـل من فوقه يهون
عمري الماضي ترى مـا هو عمر=ابتدى عمري معك خلك حنون
لهفتي فـي شـوف عيونـك نهر=ترجمتها دمعه مـا بين الجفون
فيصل الحيزان
02-16-2009, 10:34PM
افرض انـي قـلـتـلـك في لحضة غضب= كلمة معقول تزعل منها
غـيـرة احساسي عـلـيـك اكبر سبب= عذبتني مـا قـويت أكنها
خـانني التعبير مـن كثر الـعـتـب= زلة لساني تغاضى عـنـهـا
يـا حبيبي غيرتي فـيـهـا العجب =ورت عيوني عجايب فـنـهـا
كـنـهـا نيران واشواقي حـطب والليالي سـود يضحك سـنـهـا
والسكوت احيان عندي مـن ذهب= بـس نفسي مـن يهدي حزنـهـا
مـوقفي مـا اكذب عليك والله صعب= قدر شعوري ونفسي حـنـهـا
فيصل الحيزان
02-16-2009, 10:37PM
صمتي سحاب ولهفتى له صحاري= ماتت عطش على رجى موعد السيل
اخايـل بـروق تـلوح بنهاري =وتغيب عني كـل مـايقبل اليل
اوراق فكري في مهب انتظاري= تبعثرت ما عاد فيني بعض حيل
مـا اقدر احدد ويش مصير اختياري= نهايته مرهونه بـالمقابيل
تنوم عيني بين طاري وطاري =ويش ينتظرني من ليالي التعاليل
والفرحه الـي ينتظرها قـراري =مرت ولا جابت للعين التفاصيل
كل الحواجز واقفه في مساري= مدري متى صمتي يزيح الغرابيل
فيصل الحيزان
02-16-2009, 10:38PM
هذي بعض القصائد للشاعر عبدالله الرشود
ارجوا انها تعجبكم
تحياتي
رهب
02-16-2009, 10:42PM
هلا وغلا فيصل
تسلم ايدينك على النقل وصح لسان شاعرها عذب وشاعر احب متابعته ما فصرت ما تقصر بك الدنيا
دمت بخير
تحياتي لك
رهب
فيصل الحيزان
02-16-2009, 10:48PM
هلا وغلا فيك رهب نورتي متصفحي
حضور راقي شرفتني به
وتسلم الذائقة المتميزة ماهو غريب من شاعرة تحمل في كل كلمه وكل بيت من قصائدها معاني واحاسيس جميلة
تحياتي
عبدالرحمن الدوسري
02-16-2009, 11:08PM
اخوي فيصل

اشكر لك هذا النقل الرائع الذي ان دل فلا يدل الا على الذوق الرفيع

تقبل احترامي لشخصك الكريم

اخوك عبدالرحمن الدوسري
فيصل الحيزان
02-17-2009, 01:40AM
هلا فيك اخوي عبدالرحمن
سعدت بمرورك في متصفحي
شاكر لك
تحياتي
غربَه وٍترحاَلْ
03-05-2009, 10:04AM
:

ماقصرت يافيصل ..

تقبل احترامي وشكري ..
فيصل الحيزان
03-10-2009, 12:02AM
شاكر لك اخوي غربة
سعدت بتواجدك في متصفحي
تحياتي