هنا اهداء بيتين شعرضمن( الأحتفاليه بسلامة نواف)

[شموخ نجد]

http://photos.azyya.com/store/up2/081209113738FMYU.gif

مساء يعطراجوائكم
بنفحات المطرونسمات الجوري


اخواني شعراء الرهب


نعيش هذه الايام اجواء الفرح
وتبتهج اركان الرهب بالحان الحب

بمناسبة نجاح عملية نواف
نسأل الله ان يديم عليه الصحه والعافيه

وبهذا المتصفح شعرائنا الكرام
اهداء بيتين شعر
بمناسبة نجاح العمليه
وندعوالله للغاليه رهب بدوام السعاده
وان لاترى مكروه







http://www.rhb-reema.com/vb/uploaded/764_1232991775.jpg

[مقــدام]

نواف

جينا نسوق الك التهانـي بالافـراح
جينـا نشـارك فرحـتـك بالسـلامـه



لك بالوفاء والطيب منهج ومسراح
مثل السحاب اللي صدوقن غمامـه

[مقــدام]

نواف

ارجي من الله شافي أيوب يشفيك
الشافي المعبود يلطـف أبحالـك
لا باس ما تشكي عسى الله يذريك
محبوب يا لغالي وكلن دعـا لـك

[رَيًماْ اًلَبْراَهّـيًمَ]

نحمد الله سبحانه وتعالى,على سلامـة نواف
,نسأل الله سبحانه وتعالى له دوام الصحة والعافية والتوفيق,إنه ولي ذلك والقادر عليه.

نواف
الله يمد بعمرك اعوام .. واعوام
رب عليه بكل حال اعتمدنا

[العطاويه]

الله الله الله
بادرة طيبة من غاليتي شمووخ
وأبيات في قمة الروعه

ستحتفل أركان الرهب جميعها بنجاح العملية
تضامناً مع فرحة الغالية رهب

يسلمووو يديك
ودمتي بالخير

\
/
\

العطــــــــــــاويه

[القلوووووب الساهية]

نحمدك يااارب بالمخاليق رواف

رب عليم بالجهر والسراير

شفيت ياربي لنا اليوم نواف

وقرت عيونك يا " رهب " بالبشاير

الف الحمد لله على سلامته

والله يقر به عيون والديه يااااااارب

وهالبيتين يشهد الله اول مره ارتجل الشعر

وهذا اللي طلع معي ويستاهل نواف

[سفير المعاني]

الف شكر لك يا شموخ على هذا الموضوع
وقليل بحق نواف وفرحتنا بالقلوب ودعانا له بالشفاء
العاجل وعودته لارض الوطن



نواف يانور العيون وسعدهن= الله يشفيك ونشوفك على خير
ويزيل همك والمأسي ونكدهن= ويفرح امك فيك يا نقوة الغير




تحياتي للجميع

[فيصل الحيزان]

طهورا ان شاء الله
ماتشوف شر
الحمدلله على سلامتك
وهنوووووووووك ياام نواف على سلامة نواف

[حمود الجــش]

شموخ نجد

الف شكر على الخبر السعيد اللذي زفته لنا اناملك والف شكر على البادره الطيبه

وانتي اهل لذلك الله يعطيك العافيه

ونحمد الله على سلامة الاخ نواف

وبصراحه انا حديث عهد بالمنتدى ولا علمت بهذا الموضوع الا من خلال موضوعك هذا

لذلك ارجو ان لا تنزلين بي عقوبه صارمه لاني سوف اخالف النضام قليلا بما انك اداريه

اذا تجاوزت اكثر من البيتين المحدده للتهنئه

تقبلي تحياتي شموخ والف مبرووووك والحمد لله على سلامة الاخ نواف



الحمد للي بالخفايا خبيري= رب البشر منشي المطر من غمامه
شفت الخبر وابديت مافي ضميري= وبانت بوجهي للسعاده علامه
نواف جعلك في حياتك بخيري= والحمد لله قومتك بالسلامه
اقولها وتقولها ناس غيري= وكلن يترجم عن شعوره كلامه
واقبل تحيه من حمود المطيري= يابن الرجال اللي رفيعن مقامه
غرد فرح ياقلب بنت السديري= وارسم على وجه السحاب ابتسامه
مبرروك يابنت الشجاع الاميري= الهامه اللي ما انحنت لأي هامه
عساه في روضة ورود وعبيري= ويخضر ثرى قبرن تحضن عظامه

[خلف الشلهوب]

مليون الحمدلله على سلامة نواف
ومليون مبروك لأم نواف فرحتها
والف شكر للأخت شموخ على هذه البادره الطيبه
والف شكر للأخوان الذين شاركوا بهذه الاحتفاليه
ودامت افراح الجميع

جيت اهني بالسلامة حاملٍ باقة ورود
والسلامه طال عمرك تستحق احلى هديه
يحفظك رب البريه ياعسى عمرك يزود
قلت اشارك باحتفالك واجب وحقٍ عليه

وادام الله على نواف تاج الصحه
وكل مرضى المسلمين


كل الحب

[غالب الذيابي]

مشكورة اختي على البادرة التي تعكس الخلق الحسن لديك.



يالله ياربي تخليه لامه=متع نظرها بالشفا والسعد فيه
تسعة شهور تشيل بالصبر همه=واليوم يرجيها دعاها وترجيه

[راشدالعتيبي]

اشكرك على الباده الانسانيه التي تحسب لك



الحمد للي يجري الدم بالروح=على سلامه نسل الابطال نواف
جده محمد سيد الطيب طحطوح=مرحوم ياللي سيرته عبر الاسلاف

[رهب]

اشكرك شموخ
اشكر كل من خص نواف بالدعاء وسطر هنا حرف
اشكركم لهذا الحب
اشكركم من قلبي كم انا سعيده ان لي اسرهـ كبيره اخوان واخوات لم يبخلو علي ساعة حاجتي لا اراكم الله مكروه وجزاكم الله عني وعن نواف كل خير وابشركم طلع من المستشفى .
وكل هذا رحمة الله ومن ثم دعائكم ..
الف شكر لكم مني ومن نواف كل الامتنان
تحياتي للجميع
رهب
http://www.rhb-reema.com/vb/uploaded/1_1233419607.jpg

[تَحيّة مَلآئِكيَة]

أَرَى بِأَنَّ حُرُوفِي إنشَلتْ أَمامَ فرحَتِي بِهذَا الخَبرْ ..
وخَآلقِي , سَعِيدَه جِداً بِـ نجآحْ العَمليَّه وخرُوجْ نَوآفْ منْ المُستَشفَى ..
طَهُورْ إنْ شَاءْ الله يآ " نَوافْ " .. :r: !
وتَكفِيرْ ذنُوبْ ..

رَهبْ /
يَعلمْ الله أَنّ سعآدتِي لاتَسعنِي فَرحَةً بِـ شفَاءْ إبنِك ..
عَسى الله يخلِيكِ له ويخليه لك ..

[عبدالكريم الضبيب]

الف الف الف مبروووك .... يـ ام نواف على سلامة الغالي .
والله يعلم أني فرحت كثير لها الخبر اللي أسعدنا وشرح صدري .
والله يديم الافراح .. وأنتم من عائله يجمع عليها الجميع بمحبتهم وتقديرهم .. وهذي نعمه من الله .









حييّت يانواف حييّت حييّت=تحية(ن) ماوصفتّها قصايد

نقولها ونقسم لك بخالق البيت=أن الخبر احلا من احلا معايد

وياقاك ربي كل مـ اصبحت وامسيت=ويحفظك رب الكون من كل كايد

[عواد العنزي]

ابي ابارك وابي اهني الاجاويد=مبروك الف مبروك والفين واكثر
عل السعاده والفرح والزغاريد=بسلامتك نواف ورد يتنثر
عسى وعل ايامكم كلها عيد=يحميك ربي من خطاوي تعثر
فرحتلك نواف في كل تئكيد=هديتك في خاطري واجداكبر




ع

و

ا

د

[شامخه ماتهاب]

غاليتــــي .. شموخ نجد

للخير مجالس أنتي بها في الصدر..

وبوركتِ أم نواف قرة عينك ياريمــا وعساه أجر وعافية

مابعدها تعب يارب الله يحفظ لك الغالي ولايوجعك فيه طهور انشاء الله ..

تحياتي لكم ... شامخه ماتهـــاب ..

[فيصل بن جزاء]

الاميره ريما السديري الحمدالله على سلامة الغالي نواف
واشهد الله ان الخبر اسعدني واحمدالله على سلامته
هذي مشاركه مني بهذه المناسبه اللتي اسعدتنا جميعا
وعسى حياته كلها صحه وسعاده يإذن الله سبحانه وتعالى


ماجور يا(نواف) نجل ا(لسدارى)=عسى السلامه في دروبك تخاويك
نشكر عظيم الملك ليل ونهارى=في رجعتك سالم فدينا مواطيك
وابعث تهاني بالمحبه تبارى=للي على رجواك متعلقه فيك
(ريما السديري) طيبها مايجارى=ولامن دعتني قلت (حاضر ولبيك)
اقولها واقسم قسم بعتبارى=يشوش راسي يا(رهب) عند طاريك
لاجل (السدارى) يرخصن العمارى=نقوة (بني عمي) فخر دون تشكيك
والله يرحم من كساه الوقارى=(محمد الاحمد) الى اليوم نبكيك
صدر الكلام اللي نظمته على ارى=والعجز سيسانه على قافية ايك
هذا كلامي موجز(ن) بختصارى=يالله عسى الصحه يا(نواف) تكسيك

[عبدالرحمن الدوسري]

انا قلتها وبرجــــــــع اقولها


الى رهب والعالية من عليات
دعوة بظهر الغيب وماهي نفاقي

واللي شفىايوب رب البريات
يشفي بعد نواف هو خير واقي


واشكر الغالية شموخ نجد على البادرة الطيبة التي لاتاتي الامن شخصها الكريم واشكالها

تقبلوا تحياتي

اخوكم عبدالرحمن الدوسري

[عادل الظفيري]

الإهداء إلى الأخت ريما السديري

بسلامة إبنها نواف حفظه الله


ياعيون ريما وقلبها ألف لاباس = والحمد للي مكرمك بالسلامه
الأم لامنه دعت كلها إحساس = وأمك دعت لك ماغفت في منامه

[صالح الضويحي]

الحمد لله على سلامة نواف

خبر اسعدنا كثيرا ..


هنئياً لكِ الاخت رهب وهنئياً لنا كذلك ..


شكرا شموخ على هذه البادره النبيله


تحياتي للجميع

[شجون]

الحمدلله على سلامة الامير نواف

واطال رب العباد في عمره وابقاه ذخر لوالدته

من اجمل ماقرات لشاعرتنا المميزة رهـــــــب

،،

سلامتك ياتـاج رأسـي ورجـواي =يانور عينـي .. ياجميـع أمنياتـي

ياعزوتي ياحلـم عمـري بدنيـاي=من صرخة المهـد لنهايـة حياتـي

أحضنك وأدعي خالق الكون ملجاي=وأسجد لربي وأبتهل فـي صلاتـي

يشفيك (يانواف) ياأغـلا هدايـاي =ياقـرة عيونـي وأعظـم هبـاتـي

ياعمري اللي راح ياعمري الجاي =ياعل قبـل أسمـع بيومـك مماتـي

جيت بشموخ اليُعربي صايب الرأي =جيت لطموحي وأحتفظت بوصاتـي

بك يرتفع راسي وقـدري وممشـاي =بك أنتهي وأبـدى معـك ذكرياتي

أنت القصيد ونبض قلبـي ومعنـاي =وأنت الحنين اللـي تسلطـن بذاتـي

انت الشموخ اللي بعينـي ومبـداي =وأنت الوحيد اللي يزعـزع ثباتـي
ماشفت غيرك حي يستاهل أرضـاي =هم بعثروني وأنـت تجمـع شتاتـي

ياعلهـم فـدوة رجولـك وماطـاي =اللي نسوني يـوم ضاقـت جهاتـي

الموت (يانواف) ماهم مـن أعـداي =أقرب مـن الشيمـه لعفـة عباتـي

وسلامتك ياكـل عمـري ودنيـاي =يامنتهـى حلمـي وكـل أمنيـاتـي