إلى من يقف لها الزمان والمكان تقديرا وإحتراما

[الشاعر الشمري حمود]

بسم الله الرحمن الرحيم

السلام عليكم ورحمة الله وبركاته


ستكون أولى مشاركاتي معكم بهذه القصيده ...........وهي مهداه إلى الحاضرة الغائبه , إلى الروح الطاهره


إلى أمي الشيخه / نوره بنت سطان الطيار (رحمها الله واسكنها فسيح جناته) وإلى سمو الأميره / مها بنت محمد الأحمد السديري , والإهداء موصول إلى أمي وجميع أمهات العالم



الأم كلمه من أربع حروف لكن=لكنها تسوى معاني كثيره
يا أمهات الكون ربي يحماكن=يحرسكن الخالق بعين(ن) بصيره
الله أمرنا نطعيكن ونهواكن=وفي طاعة الباري يرى الكل خيره
نطلب رضى الله منكن من رضاكن=واللي يزعلكن جهنم مصيره
رسولنا وصى بكن من غلاكن=وحنا على دربه ونهجه وسيره
تسعة شهور بطونكن هن مساكن=لنا وحنا حمول حمل(ن)كبيره
ونار الولاده نار زاده عناكن=وصرخات أم(ن)مع شهيقه وزفيره
وبعد الولاده رضعتنا ثداكن=بيض النوايا مع محبة مثيره
وبأحضانكن نمنا وغمرنا دفاكن=نار بهباهيب الشمال الشطيره
حتى المرض لامن لفانا لفاكن=وعيونكن لامن مرضنا سهيره
تسهر لراحتنا وذا من وفاكن=تسهر طويل الليل ويا القصيره
نكبر ونبقى صغار وإحنا معاكن=وبعيونكن حنا اطفال(ن)صغيره
كم من سواد(ن) مظلم(ن) حيل داكن=بدعائكن نور ويسر عسيره
حنا بلاكن وش نساوي بلاكن=حنا بلاكن ما نساوي شعيره
الأرض حنا والمطر من سماكن=وأمطاركن بأصدق مشاعر غزيره
صباحكن حب وعطاء مع مساكن=وأنتن طهر قلب النوايا وضميره
وفي شيلة أمي أشم ريحة شذاكن=يأزكى رياحين الورود وعبيره
ويا للأسف به ناس تجحد عطاكن=وتنسى تعبكن بالليالي المريره
عيال أتأف أف منكن وتعصاكن=وياويلهم يوم الحساب وسعيره
يالله عسانا كل ابونا فداكن=من غزة الشوكه إلين الكبيره
الأم هي الأزمنه والأماكن=والبسمله وأيات ربي المنيره
الأم كلمه من أربع حروف لكن=تبقى بقلبي الأوله والأخيره




مع أصدق تحياتي

اخوكم

الشاعر حمودالشمري(ابوريما)

[سفير المعاني]

الغالي
الشاعر
حمود الشمري

اهلا وسهلا بك بمنتديات رهب

ومصافحه اولى تستحق الاشاده
خاصة انها تخص الام ومن اهديتها
له قصيده ذات مضمون ومعنى
جميل ورائع من شاعر متمكن
والله يتغمد حصه الطيار بجنات النعيم
وصح لسانك وعلا شانك يالغالي


وتقبل تحياتي

[شموخ أنثى]

شـاعـر ..
عندما تبتـسـم لـه المعـانـي ..
يربك ثغرهـا الطاغـي بـأحساسـه ..



.
.


العـذب / حمود الشمري

أرويتنا شعرنا
بهذه الرائعه
صح لسانك ملايين يالشامخ

احترامي لسمو شعرك وسمو روحك واخلاقك

[شوق شمر]

:.,.:
,

./.

سأصنعُ " أستيطاناً طويلاً هنا " ..
وسأحصن " أعجابي الغير محدود "
الأم وَهُطول كَالمَطر وَذكريات أَكثرَ عُذوبة

حمود لَرُوحك الَعِطر
دَمْتِ متألقاً ورائعاً كروعة قصيدتك
:

/
/
/
تحياتي


,
:.,.:

[غالب الذيابي]

.
.
.

صح لسانك حمود الشمري

رحم الله حصة . وجعل ما خطه

فكرك في موازين حسناتك.

تقبل مروري
.
.
.
.