الغـــــــــاز ( لغز التحدي ) [الأرشيف] - شبكة رهب الأدبية-ريما محمد السديري

مقــدام

01-06-2009, 12:33PM

موضوع خاص بالالغاز
اللي يجاوب على اللغز يشتريه بلغز
والا انا اكتب لكم لغز ثاني بعد ماتجاوبون عليه

اللغز يقول

اختلفا زوجان وتفاقمت المشكله بينهما
فقررا الأفتراق بالطلاق

ذهبا للقاضي وعرضوا امرهم عليه

فسأل الزوجه عن اسمها قالت

ساره

والتفت للزوج وسأله عن اسمه فأجاب

اكتبني بعدها

فعرف القاضي اسم الزوج

فما اسمه ؟؟

يفوق الوصف

01-06-2009, 12:42PM

هلا مقدام

الحل ممكن يكون اسم الزوج يا سرور

او ساري

مقــدام

01-06-2009, 12:45PM

هلا وغلا ياوصف
ماحزرت

خطأ
حاول مره اخرى

غربَه وٍترحاَلْ

01-06-2009, 12:56PM

يمكن
اسمه زعل ؟.

مقــدام

01-06-2009, 12:59PM

غربه

ماحزرت .. خطأ

حاول !!

غربَه وٍترحاَلْ

01-06-2009, 01:03PM

:

طيب انت علمني وش اسمه

<- برا

والله ياطويل العمر لغزك يبيله دلة قهوه

وابشر باللي يحله

مقــدام

01-06-2009, 01:26PM

لالا ممنوع الغششش :nono:

ترى اقول لصاحبة القسم العطاويه وتتفاهم معك
خلك عاقل :d

ريف النشاما

01-06-2009, 05:23PM

والله لغز شوي صعب بس مايفوت علينا

بعد تفكير متعب في طريقة حله

وصلت الي ان اسم الزوج هو

هاني
ماادري رمعه وبس

لكن

قال الزوج للقاضي

أكتب ني بعد ها
بعد تفصيلها

اتضحت الاجابه

واذا رمعتي صحيحة

اخبرني

تقبل مروري

[ إمـــرأه حـــره ]

01-06-2009, 06:31PM

أنا رأيي من رأي أخوي أمير الشعراء

هـــــــــــــــــا ني

لأن حلهاا أكتب [ني] بعد [ها ]

سهله يامقداام بس حضي جيت بعد

أمير الشعراء ...

تحيـــــــــــــــــااتي ..

إمــــرأه حــــره

سفير المعاني

01-07-2009, 03:40PM

مشكور مقدام على اللغز

ومشكور سيف الشعر على الحل انت اهلا

لذلك فقد فكرت صح وتحليل اصح واصح لاهنتوا

تحياتي

مقــدام

01-09-2009, 06:05PM

امير الشعر

اسف على التاخر بالرد .

صح لساااااانك

الاجابه صحيحه ماشالله عليك

يالله حنا بالانتظار عطنا لغز طال عمرك

ريف النشاما

01-10-2009, 08:48PM

النداء الأسير

01-10-2009, 10:15PM

السلام عليكم
مقدام الله يعطيك العافيه موضوع رائع جدااا
ويسعدني المشاركه معكم بس على فكره انا مامن امور بالألغاز على قولتهم بس خل نحاول

الجواب ياطويل العمر والسلامه
اتوقع والله اعلم
انها الدنيــــــــــا

ريف النشاما

01-10-2009, 10:38PM

والله رمعه حلوه بس اخطأت الهدف

سدد مره اخرى

ولا لك لو

خشيف الريـــــم

01-11-2009, 06:38AM

والله انا احب الألغاز مرررره

وبخمن وان شاء الله يكون صح

ان ماخاب ظني انهـا الأيــام

لأن كل مامر يوم يموت اليوم الي قبله

ان شاء الله صح أمـيـ الشعـر ــر

مقــدام

01-11-2009, 09:49AM

اممممممم

انا اتوقع انها الساعه !!

ريف النشاما

01-11-2009, 11:09AM

خشيف الريم

انتي قربتي من الحل كثيرا بس الايام ليس انثى

ركزي وانا متاكد انك راح تجيبينه
................................................

اخوي مقدام

محاولة جيدة بس
ما لك لو

كحيلان

01-11-2009, 11:42AM

:dالليالي؟

يفوق الوصف

01-11-2009, 11:45AM

السنة

ابو فيصل

01-11-2009, 11:46AM

ماشاءالله عليكم

والله موضوعكم حلو

رياضه فكريه

مادريت عنه

أمير الشعر

اسعد الله أوقاتك

تسديده ع السريع

ممكن تكون

الشمس

تحياتي لك

ريف النشاما

01-11-2009, 01:54PM

قالوا ليالي قلت مجموع ليله ... ولا هي على المعنى حرمه كبيره
قالوا سنه قلت عطني دليله ... هذي تراها اكبر ولا هي صغيره
قالوا شمس النهار اهي الحليله ... قلت هذي معاني زادت بكم حيره

ولا لكم لوى

فكروا معكم فرصه

مقــدام

01-11-2009, 07:07PM

ممكن تكوون الدنيا ياامير !!

ريف النشاما

01-11-2009, 07:10PM

الدنيا راحت قبل يا مقدام

بس حولها

الدنيا داخله فيها

تعتبر من بناتها

سهلناها

مقــدام

01-11-2009, 07:18PM

غير تحدنا على الغششش الله يهديك
:d

الحياه !!!

ريف النشاما

01-11-2009, 07:23PM

هههههههههههههه

ممنوع الغش

بس مو هو الحل

هههههههههه

فالك البيرق وصح عليك

هي الحياة

يالله دورك وانا راح احله وبدون غشش

مقــدام

01-11-2009, 07:58PM

يسلموووو امير الشعر
صدقني بس غشيت شوي خخخخخخ

جاكم اللغز يمشي مليووون

اللغز

انــشدك عن ثنتـين في موقع الياس
الله خلــقهن في الاوادم عــلامه

لاهن ولــد جن ولاهـــن ولد ناس
من رافقنه ماتشيله اعظامـــــــه

ابو فيصل

01-11-2009, 08:00PM

ههههههههه

ياالله دورك يامقدام

تحياتي

خشيف الريـــــم

01-11-2009, 10:29PM

خساااره راااحت علي

يالله نفكر بلفز مقـدام

النداء الأسير

01-11-2009, 11:33PM

طيب الله يسلمك

وهذا لغزي

وشدوا حيلكم
حرمة كبيرة تولد و لا لها زوج
,,,,,,,,,,,,,كل ما انجبت ابن (ن) لها يموت ثاني
لو تستقيم لخاطرك يمكن تعوج
,,,,,,,,,,,,,وكل شي فيها لو حيا الـــــــــيوم فاني ؟

يالله وممنوع الغش

الف مبرووووك اخوي مقدام تستاهل
امير الشعر
انت صاحب اللغز والاجابه عندك
بس لي تعليق واتمنى مايزعلك
انا من وجهة نظري انها الدنيا وليست الحياه
لان الدنيا فانيه كل شي فيها يفنى وينتهي
والحياة/تشمل الحياة الدنيا والاخره الدنيا تفنى والاخره تبقى الى ابد الأبدين
(والدنيا ماتجي على الكيف )
واتمنى اني وفقت بشرح وجهة نظري
تحيــــــــاتي لك ....

روحي الوجله

01-12-2009, 10:00AM

انــشدك عن ثنتـين في موقع الياس
الله خلــقهن في الاوادم عــلامه

لاهن ولــد جن ولاهـــن ولد ناس
من رافقنه ماتشيله اعظامـــــــه

أتوقع ان اللغز له علاقه بالموت؟؟ يعني أذا رافقت ماتشيله عظامه يعني يموت؟؟ مدري بحاول أحب أحل الألغاز ..

ريف النشاما

01-12-2009, 11:12AM

الف مبرووووك اخوي مقدام تستاهل
امير الشعر
انت صاحب اللغز والاجابه عندك
بس لي تعليق واتمنى مايزعلك
انا من وجهة نظري انها الدنيا وليست الحياه
لان الدنيا فانيه كل شي فيها يفنى وينتهي
والحياة/تشمل الحياة الدنيا والاخره الدنيا تفنى والاخره تبقى الى ابد الأبدين
(والدنيا ماتجي على الكيف )
واتمنى اني وفقت بشرح وجهة نظري
تحيــــــــاتي لك ....

أخي سامي

كلامك والله صحيح اذا اردناها الدنيا
واللغز ينطبق على أشياء كثيره

وقد تكون كلها صحيحه

ولكن عندما ذكرناها انها حرمه كبيره أردناها أن تكون

هي الاكبر

والحياه كما قلت شامله لجميع الكائنات الحيه وكذلك الماء و الطعام
يدخل تحت مسماها وكل شيء

وحتى الحياه الاخره

أن لم يموت الناس و الطيور وغيرها

فأن الماء يذوب في الانسان ليخرج مسكاً

فيموت هذا ليولد هذا

أتمنى أن تكون فهمت القصد

وشاكرا لك على وجهة نظرك التي أحترمها

اخوك

أمـيـ الشعر ـر

عبدالرحمن الدوسري

01-12-2009, 11:54AM

حل اللغز ياطويل العمر وانا اتوقع انه المناصب اللي توضع على القبر ؟؟؟؟وضني انه صحيح وانكانه صحيح ترى عندي لغز قوووووووي

مقــدام

01-12-2009, 06:40PM

صح لسااانك يامشبب

ماشالله عليك الجواب هو النصايب اللي توضع على القبر

عطنا لغزك

عبدالرحمن الدوسري

01-12-2009, 06:45PM

طيب يامقدام الغالي اللغز يقووووووووووووول ياطويل العمر

انشد العربان واللي فاهمين==عن عيال شكلهم شكل البنات
دايمابين العذارى هم جالسين==والعذارى هم كذلك جالسات

هم جما دوشوفهم متحركين==وكل واحد له حياه وله ممات

النداء الأسير

01-12-2009, 07:59PM

أخي سامي

كلامك والله صحيح اذا اردناها الدنيا
واللغز ينطبق على أشياء كثيره

وقد تكون كلها صحيحه

ولكن عندما ذكرناها انها حرمه كبيره أردناها أن تكون

هي الاكبر

والحياه كما قلت شامله لجميع الكائنات الحيه وكذلك الماء و الطعام
يدخل تحت مسماها وكل شيء

وحتى الحياه الاخره

أن لم يموت الناس و الطيور وغيرها

فأن الماء يذوب في الانسان ليخرج مسكاً

فيموت هذا ليولد هذا

أتمنى أن تكون فهمت القصد

وشاكرا لك على وجهة نظرك التي أحترمها

اخوك

أمـيـ الشعر ـر

الله يعطيك العافيه
شرح وافي وكامل
تحيـــاتي لك ....

مقــدام

01-13-2009, 11:01AM

عقارب الساعه ياعبدالرحمن ؟؟

عبدالرحمن الدوسري

01-13-2009, 01:11PM

رمعتك طيبه يامقدام ولا هيب عقارب الساعة طال عمرك شف حل ثاني

شموخ نجد

01-13-2009, 01:32PM

هم جما دوشوفهم متحركين==وكل واحد له حياه وله ممات

اتوقع ان الحل
الاسنان يامشبب
موضوع ممتع
مشكوريامقدام والشكرموصول للجميع
دمتم بخير

عبدالرحمن الدوسري

01-13-2009, 01:34PM

برافووو مديرتنا الغالية جابتها ماشااللله عليك ياشموخه

بس قولي لي من اللي مغششك ؟خخخخخخخ

شموخ نجد

01-13-2009, 01:36PM

بس قولي لي من اللي مغششك ؟خخخخخخخ

احم سهله مايبي لها<<ههههههههههههههههه
يالله بعطيكم هالغز
انا ابنشدك عن شيئ لاهوب يالد ولا مولـود
عديم الوجد في حين وحين
لاتشوفونـه
قريبٍ لك وعندك ميرما تشوفه وهو موجود
الاسبحان ربٍ خالقـه شخصـه ومكنونـه
الا يللي تحبه قـول ياربـي عسـاه يعـود
شبيه الصيد يا بعده على
اللي مـا يعرفونـه

عبدالرحمن الدوسري

01-13-2009, 01:54PM

قديييييييييييييييييييييييييييم وجدي الله يرحمه يعلمنا به

الفقع الزبيدي

شموخ نجد

01-13-2009, 01:56PM

قديييييييييييييييييييييييييييم وجدي الله يرحمه يعلمنا به

الله يرحمه ويرحم موتنا وموتى المسلمين
<< متاكد ماغشيت يامشبب يمكن نسيت وذكرك احد اخاف الي غششني غششك ههههههههههه
يالله عطنا لغزك هههههههههههه

عبدالرحمن الدوسري

01-13-2009, 01:59PM

افا عليك بس افا انتي عارفتني انسان راعي الغاز ومتمكن>>قام يهايط الاخ ههههههههههههههه

يلا استلمو اللغز

انشدك عن عود(ن)في ظهر عود والعود ماعجز من شيل عوده

مقــدام

01-16-2009, 06:37PM

العقال ؟؟؟؟

عبدالرحمن الدوسري

01-16-2009, 10:10PM

رمعتك طيبه بس مهوب العقال

الحياةكلمه

01-17-2009, 03:04PM

مممممممممممممممممممممممممممم
ترى انا عقلي قفل بس بحاول ههه
عقارب الساعه

مقــدام

01-17-2009, 06:17PM

عطنا الحل ياعبدالرحمن طول اللغز !!!

وعطنل غيره . مازال اللغز عندك

عبدالرحمن الدوسري

01-17-2009, 09:20PM

ابشر وانا اخوك ماطلبت شي

الحل هو الشداد وكلمة عود الاوله يعني خشب والعود الثامية تعني الكبير واهل الكويت يعرفونها والمقصودبه هنا البعير واكيد كلامي واضح

واللغز اللي بعدي يقوله المجال مفتوح

مقــدام

01-19-2009, 12:05AM

- ما هو الشيء الموجود في أمريكا وألمانيا وليس موجود في فرنسا وإيطاليا ؟؟

اللي يعرفه من اول لايجاوب

وحتى اللي يفكر ويعرفه لايجاوب

خخخخ

امزح حلووه

الحياةكلمه

01-19-2009, 12:31AM

حرف الميم
صح
لغززززززز مره سهل
تقبل مروري
تحياتي

فزاع

01-19-2009, 12:49AM

ههه الدور عليك يالحيااااااااااااااااااه

هاتي لنا لغــــــــــــــــــــــــــــــــــــــــــــــــ ــــــــــــــز

الحياةكلمه

01-19-2009, 09:13AM

اوك
مممممممممممممممممممممم
يلا حلوه وروني شطارتكم
حرمة شافة جسر وعبرته والثاني شاف الجسر لكن ماعبره والثالث ماشاف الجسر وماعبره لكن الكل عبر الجسر كيف؟؟؟؟؟؟؟؟؟؟؟؟
استنى الرد

مقــدام

01-22-2009, 12:52AM

شكله صعب ياحياه

ياليت تجاوبينه وتعطينا بداله

الله يعطيك العافيه

ريف النشاما

01-22-2009, 01:33AM

هههههههه

سهله جدا

ام معها ولد صغير تشيله و في بطنها جنين

فالام شافت وعبر و الولد الصغير شاف وماعبر لان امه شايلته
والثالث ماشاف ولا عبر

وكذ كلهم عبروا الجسر

واترك لاخي مقدام اختيار لنا لغز

مقــدام

01-22-2009, 01:45AM

بيني وبينك انا كنت عجزان افكر وقلت لها صعب

المهم لاتحطها براسي

انت اللي جاوبت انت اللي تجيب لغز

في انتظارك

ريف النشاما

01-22-2009, 07:01AM

سآئلك ياراعي الفكر الفطين,,,عن بنيه تفرحك وقت الظلام
تقتل اوليدها وتخفي الانين,,,,لجل تفرح انت وتهنى بالكلام
هو سببها بالحياه ابكل حين,,,,وأن تخفى تموت امه بحترام
واصبحت في وقتنا مصدر حزين,,,,يكتب الشعار فيها ولا يلام

هذا اللغز تو كاتبه يعني لاتدورون عليه يمين ويسار

هههههههههههه