محمد الحارثي
12-30-2008, 06:41AM
السلام عليكم ورحمة الله وبركاته :
أحبتي قد تعبث بنا الدنيا في وقت ما وتلهينا وتأخذنا أحياناً منا ,
ولكن ما يبعث السرور
هو تجدد اللقاء بمن نحب ,
لن أطيل فإليكم أهدي هذه القصائد
علها أن ترتقي لبعض من ذائقتكم ,
ودمتم كما تحبون ...
.
.
.
( شموخ الذات )
دقات قلبي كنها أنفاس حطاب = فاسه قوي الباس وعزومه إعزوم
ماهمني جرحي ولو صار معطاب = ملزوم أوفي العهد والوعد ملزوم
ماني من اللي لا إنرمى بسهم ينصاب = ولا ني من اللي يطلع بقلب مهزوم
وإليا إنهزم فيني شموخي ولا طاب = عساني أبقى ما بقي الدهر معدوم
ليل السهر والعشق من خافقي تاب = أخذت أنا من دنيتي كل مقسوم
آخر مراسيل الغلا في شهر آب = أعلنت أنا من بعدها توبتي دوم
وفلانه اللي تنتظر من ورى الباب = قولوا لها لا تنتظر شدوا القوم
.
.
.
.
( ياصاحبي )
ياصاحبي خلك معي كل الأحيان = بعطيك فرض ولا يجي منك بدعه
الصدق مثل النور واضح للأعيان = والكذب خدعه مثل ماالحرب خدعه
أشعل جناح الصدق في كل ميدان = وإمسح ظلام الكذب من دون رجعه
وإسرج خيولك للوفي وين ماكان = وإلاً الردي لا يلحقه منك دمعه
لا تطلع إلاً كنك النور لا بان = يضوي ظلام الكون لا اقبل بلمعه
كن ذا صله باللي شرع كل الأركان = واصبر على المكتوب لو زاد لسعه
وإنصر أخ الإسلام في كل الأزمان = ولبى المنادي لا طلب منك فزعه
بعض الكلام أشد من جرح الأبدان = والبعض ماودك له اليوم وقعه
قال المثل من مجلسك قوم لا زان = وإحذر من اللي شايفن فيك طمعه
خلك على طول المدى تحمل إنسان = يطفي ظلام الجهل لا أقبل بشمعه
يحمل شعور الناس في كل الأحيان = ويحمي سلوم العُرْب من كل بدعه
.
.
.
.
( هدوء / القريه )
ريح الثرى عقب المطر ينعش الروح = إستنبت الأفراح والهم قد ذاب
كلن تهافت بالدعا وأعلن البوح = والشكر للي من ترجاه ماخاب
الأرض سالت والشجر يسكب الفوح = فوح (ن) ليا هب الهوى ينفث أطياب
كن الرشاش يداعب الورد والشيح = وكن الغيوم وقريتي مثل الأحباب
وما تسمع إلاً صوت تغريد أو دوح = ونفوس ناس تحمل أنفاس حطاًب
وشباب همتهم تسابق مع الريح = والشايب اللي بالعصى كنه الشاب
ياتربتي والهم فيني مراويح = تتشـكل بلحظة فراقك مع الباب
وياقريتي ياروح مابعدها روح = عذراً على التقصير كل الكلم ذاب
ولكم أجل وأصدق التحايا
أحبتي قد تعبث بنا الدنيا في وقت ما وتلهينا وتأخذنا أحياناً منا ,
ولكن ما يبعث السرور
هو تجدد اللقاء بمن نحب ,
لن أطيل فإليكم أهدي هذه القصائد
علها أن ترتقي لبعض من ذائقتكم ,
ودمتم كما تحبون ...
.
.
.
( شموخ الذات )
دقات قلبي كنها أنفاس حطاب = فاسه قوي الباس وعزومه إعزوم
ماهمني جرحي ولو صار معطاب = ملزوم أوفي العهد والوعد ملزوم
ماني من اللي لا إنرمى بسهم ينصاب = ولا ني من اللي يطلع بقلب مهزوم
وإليا إنهزم فيني شموخي ولا طاب = عساني أبقى ما بقي الدهر معدوم
ليل السهر والعشق من خافقي تاب = أخذت أنا من دنيتي كل مقسوم
آخر مراسيل الغلا في شهر آب = أعلنت أنا من بعدها توبتي دوم
وفلانه اللي تنتظر من ورى الباب = قولوا لها لا تنتظر شدوا القوم
.
.
.
.
( ياصاحبي )
ياصاحبي خلك معي كل الأحيان = بعطيك فرض ولا يجي منك بدعه
الصدق مثل النور واضح للأعيان = والكذب خدعه مثل ماالحرب خدعه
أشعل جناح الصدق في كل ميدان = وإمسح ظلام الكذب من دون رجعه
وإسرج خيولك للوفي وين ماكان = وإلاً الردي لا يلحقه منك دمعه
لا تطلع إلاً كنك النور لا بان = يضوي ظلام الكون لا اقبل بلمعه
كن ذا صله باللي شرع كل الأركان = واصبر على المكتوب لو زاد لسعه
وإنصر أخ الإسلام في كل الأزمان = ولبى المنادي لا طلب منك فزعه
بعض الكلام أشد من جرح الأبدان = والبعض ماودك له اليوم وقعه
قال المثل من مجلسك قوم لا زان = وإحذر من اللي شايفن فيك طمعه
خلك على طول المدى تحمل إنسان = يطفي ظلام الجهل لا أقبل بشمعه
يحمل شعور الناس في كل الأحيان = ويحمي سلوم العُرْب من كل بدعه
.
.
.
.
( هدوء / القريه )
ريح الثرى عقب المطر ينعش الروح = إستنبت الأفراح والهم قد ذاب
كلن تهافت بالدعا وأعلن البوح = والشكر للي من ترجاه ماخاب
الأرض سالت والشجر يسكب الفوح = فوح (ن) ليا هب الهوى ينفث أطياب
كن الرشاش يداعب الورد والشيح = وكن الغيوم وقريتي مثل الأحباب
وما تسمع إلاً صوت تغريد أو دوح = ونفوس ناس تحمل أنفاس حطاًب
وشباب همتهم تسابق مع الريح = والشايب اللي بالعصى كنه الشاب
ياتربتي والهم فيني مراويح = تتشـكل بلحظة فراقك مع الباب
وياقريتي ياروح مابعدها روح = عذراً على التقصير كل الكلم ذاب
ولكم أجل وأصدق التحايا