عبر عن حالتك اللي انت فيها الان ببيت من شعر

[شموخ نجد]

http://www.majdah.com/vb/uploaded2/27652_1154867206.jpg


حتى انت ياموج ماتقدرعلى همي ..
اعطيك همي وترمي بـه على الشاطي
هذا وانت البحر ماتلتفت يمي ..
اجل من اللي يحس بجرحي الساطي ..!

[AL-3nzi]

http://www.geocities.com/accordmaxima/77.jpg

[يفوق الوصف]

خان الزمان بعشتره والليالي ** وعزي لمن يصف شماله بيمناه

[يفوق الوصف]

اشتقت لك حيل يالغالي عسى الليالي يجيبنك

واستر بك يا بعد حالي حيث ان ظني على ظنك

اغليك يالزين واحنك

[يفوق الوصف]

اغليك يالطيب الغالي عسى المنايا يعافنك

اغليك بقفاي وقبالي عواطفي لك يطيعنك

لو تطلب العين والمالي لاقول خذهن ويفدنك

[شموخ نجد]

أسري مع الهاجس اللي ما بعد نامي
واصور الماضي لنفسي iiواسليها
أخالف العمر أراجع سالف أعوامي
وانوخ ركاب فكري عند داعيها
تدفا على جال ضوه بارد عظامي
والما يسوق بمعاليقي ويرويها
إلى صفالك زمانك عل ياظامي
اشرب قبل لايحوس الطين صافيها
الوقت لو زان لك ياصاح ما دامي
ياسرع ما تعترض دربك iiبلاويها

[يفوق الوصف]

لي ألله يا بقايا ناس مروا في مساحاتي
أثرهم باقي اطلاله على الذكرى يمرونه
بكيت اشياء تبي ترحل تتركني لغرباتي
على الميعاد يا روحي طعون رماح مسنونه
انا احتاج للوحده لبعض اشياء في ذاتي
لعلي استمد الصمت من احلام مطحونه

[سلطان المشاعر]

عندي ابيات للشاعرة غيوض

احببت طرحها

ثــارت عـلـي هـمــوم نـفـسـي هـاجــت
واوجست وسط القلب خوفٍ بأثر خـوف
والأرض غـبـرا فــي عـيـونـي وضـاقــت
مـعــاد أقـــدي بالـنـظـر مـــدة الــشــوف
كــنّــي بـطـوفــان والأمــــواج مــاجـــت
ريــحٍ أواجـهّــا .. وريـــحٍ بـهــا iiخـــوف
ودمـــوع عـيـنـي عاسـرتـنـي وراجــــت
يالـيـتـهـا رقّــــت لـهـالـحـال وتـــــروف
تـعــثّــرت أقـــــدام رجــلـــي وداجــــــت
واشـوف وجــه الـجـو عـكـرٍ ومكـسـوف
والـنـفــس لـلـرحـمـن خــــوفٍ تــلاجــت
رغبه .. ورهبه .. ساقها خوف وشفوف

[AL-3nzi]

هذي الدنيا وسيعة لو تضيق ..... ماتساوي خاتماً في أصبعك

[شموخ نجد]

http://alnawar.jeeran.com/rain.gif


السهل غبه والساحل مطر
والمدينه ناس والميناء خطر

كتبت لك ديوان من نثروشعر
لافداني خطي ولافادالكلام

[سلطان المشاعر]

البارحة ذكرى موت الشيخ زايد الله يرحمه
وعندي قصيدة لسمو الشيخ حمدان بن محمد بن راشد ال مكتوم

في حق الشيخ زايد

الحزن طعمه مـر والفرقـه أمـرو//ايامنـا تقسـى علينـا بظروفهـا

اللي عليك دمـوع شعبـك تنهمـر//مواطنـيـن بـلادنـا وضيوفـهـا

لوتمنحك الاعمار وانت اغلى عمـر//معروفك مغطـي علـى معروفهـا

من يقنع القبـار مـا يحفـر قبـر//قلوبنـا قبـرك ياليـت تشوفـهـا

الارض لو تملك احاسيـس ونظـر//كان استحت ماتدفنك فـي جوفهـا

والشمس لو تكسف على موت البشر//في يوم موتك صار يـوم كسوفهـا

لكـن نؤمـن بالقضـاء وبالـقـدر//وماجابـت الدنيـا لنـا بصدوفهـا

يكفي ايديك من المكـارم والفخـر//ان الفقارى عاشـت مـن كفوفهـا

فيك السحاب يعزي غصون الشجر//الـى ذعاذيـع الـهـوى تلوفـهـا

حتى القصيدة لوبغيت اكتب شطـر//ماطاوعتني فـي رثـاك حروفهـا

ليتك مسافر ننتظـره مـن الشعـر//كان الامل هدى النفـوس وخوفهـا

لكننـا بسئـل سـؤال مختـصـر//عن المواطن فـي البلـد وظيوفهـا

اهل الكتـوف الـي تشيلـك للقبـر//ويش هو شعور قلوبها لكتوفهـا ؟!

[عواد العنزي]

ياليت اشوف القلب واعرف وش فيه =الذاهب اتعبني ومره سقاني





عواد العنزي





.

[يفوق الوصف]

أتــــعلمين أي حـــــــزن يــــبعث الـــمطر


وكـــــــــــيف يشعر الوحيد فيه بالضياع

كأن طفل باااات قبل ان ينام ,


يناجي امه التي افاق قبل عام فلم يجدها ,,,


وحين لج في السؤال ,,


قالو له بعد غدِ تعود لا بد ان تعوووود

[رهب]

وجه الالم عن الامل شي مألوف
نصفي الف واللام والميم نصفي
(رهب)

[كساب]

خلك بعيد عني هناك لاتجيني
ماعاد ينفع لك اخوه ومحبه
حشمتك واحترمتك لانك ولد عمي
شيخ ولدشيخ كل شيوخ القبائل تعرفه

[خلف الشلهوب]

لازاد جيش الهم قمت اتوضى

واسجد خشوع لسامك العرش وادعيه


خ/ش

[شموخ نجد]

من لي سواكَ إذا ماالليل قد غسقايُرجى التجلي على العشاقِ مرتفقا
عانيت فيكَ هوىً حتى بدا شفقًـامن مقلتيَّ سقى للمغربِ الشَّفقـا

[شموخ نجد]

كـأنَّ خطوتَـهُ الحمقـاءَ يألفُهـامنذُ الطفولةِ بينَ الأهلِ بالعجَـبِ
يمضي بمشيتِهِ كبْـرًا وعجرفـةًوالرأسُ مرفوعةٌ واللحظُ كالشُّهُبِ
والناسُ من حولِهِ مرّوا على عجلٍكي يتقوا ثغرَهُ المغـداقِ باللَّهـبِ

[عبدالكريم الضبيب]

http://www.asharqalawsat.com/2008/02/12/images/daily2.458103.jpg


* * *


يا أغلى من أيامي يا أحلى من أحلامي
خدني لحنانك خدني..
عن الوجود وابعدنى
بعيد بعيد أنا وانت بعيد بعيد وحدينااا

ع الحب تصحى أيامنا
ع الشوق تنام ليالينا ..
صالحت بيك أيامى
سامحت بيك الزمن ..

نسيتنى بيك آلامى ..
ونسيت معاك الشجن


* * *

كلمات : أحمد شفيق كامل

[عواد العنزي]

ياشمسنا عند الغروب كم اشتكالك جريح=وفراق غالي تحبه وشلون منه الهروب
والقدر ادما خفوقي والوفاء صاير شحيح=طيبت القلب الشقيه هاذا عيبي من العيوب















.

[شموخ نجد]

حد علمي بالغلا يوم كنت أسوى كثير

يوم كانت ضحكتي طبع وعنادي سمه

وحد علمي بالغلا يوم خفاقي ضرير

قبل أهدم العشق وأبنيه وأرجع وهدمه

[شموخ نجد]

اللي بغيتهـ ياهلى مابغيتوهـ ..
واللي تبون النفس عيت تريدهـ ..
وان كان قلبي في هوى الغير هنتوهـ ..
لعيش انا وياه دنيأ زهيدهـ ..
ياشيب عيني يوم قلبي حرمتوهـ ..
عزي لقلب(ن) كل همن يزيدهـ ..

[عواد العنزي]

لو نشتكي من مر الايام وانبوح=مصايبآ شتى وهم الحصيله
وش عاد اعدد في خفوقي من جروح=والروح ضاقت من عناها عليله









عواد العنزي

[شموخ نجد]

بعض الجروح تحسب سقم مع الوقت طاب
والسقم مع دوره الايام يجري جري
بين الزمن والحبايب والخطا والصواب
ماعاد اميز من البايع من المشتري ..

[شموخ نجد]

http://pic.3sl.com/data/media/9/4_9.GIF






يسمو بنا الوجدُ في أجوائه اللهفُ
عبر التذكر خفقُ القلب يرتجفُ
نحيا بماضٍ له في النفسِ باصرة
ماأغمضتْ جفنها مامسَّها وجفُ
شأن القلوب على التذكارِ محملُها
لعالم الروحِ بالإيمـانِ ينكشـفُ

[يفوق الوصف]

هبي بريحه يا هبوب الشمالي ** كود الجنوب ومطلع الشمس تنصاه

[سلطان المشاعر]

ماتصير الناس ناس لارحل عنها الضمير //...// ماتصير الناس ناس لا طغى فيها الكبير

[كساب]

يالله ياعالم بالخفى والاسرار ياللي من رجاك ماخاب
الروح من الجور كنها حرور الناس نامت والعين من حزنهاسهرانه
و القلب من صواديف الدهر مقهور الدم في عروقي لكن الروح تلفانه

[سلطان المشاعر]

لا ضاق صدري قلت للضيق مرحبا*** فصلت له ثوبٍ وسيع النبايق

ولا رفرفت نفسي بكفي قبضتها*** وقلت اصبري يا ما جرى للخلايق

كلمات الأمير محمد الاحمد السديري رحمه الله

[شموخ نجد]

خلآص برحل والسبب كثر الأحزآن ...
وقلوب نآس ظالمه ماارحمتني

عمــري بقــاياا جــرح وآهاات واحزاان
عمــــري سنين بــائسـه ماأرحمتــــــني

[محمد بن فهد]

جمالك ناهبِ قلبي وتفكيري وناهبني= ودلالك يارقيق العود عوداً تعزف اوتاره

[كريم العفيدلي]

أهدقلبي ألف مرة واعمره
وأحجلك ألف حجة وعمره
مثل نوح وطوفانه وعمره
اعيش آنا مع طيفك سويه

[عواد العنزي]

طاروق الهجيني
.
.

يابنت ياراكبه الدباب =على جنز ماتلبق الشيله
والقلب منها تقل مرتاب= والنفس ماتقبل الميله

[شموخ نجد]

لوسمحتـم تعذرونـي بكتب بدموعي رواية

العيون اللي رومونـي وماعرفت صد الرماية

نظرةٍ شاقت عيونـي واخدعتنـي للنّهايـة

[محمدالبراهيم]

مانيـ من الليـ يرخصـ النفسـ لا ضاقـ
ومانيـ منـ الليـ يرخصـ اليومـ غاليـ
سبحانـ ربيـ كريمـ النفسـ بأخلاقـ
الطيبـ ( عميـ ) ومصدر الجود ( خاليـ )
والليـ يبينيـ يمهـ الروحـ تنساقـ
والليـ نسانيـ عنهـ القلبـ ســــــــــــــــــاليـ

[عبدالكريم الضبيب]

http://www.islamweb.net/ShowPic.php?id=141298


:


طبعي عنيد وعاند الوقت طبعي
وكل(ن) يشوف الناس في عين طبعه

أغرف زلال الشعر من جم نبعي
واصخر الخمسه لتجسيد سبعه


:

[[ إمـــرأه حـــره ]]

وش حيلة اللي ماتهنأ بدنياه يعاني هموم الشقاء كل ليله
ممابقلبه من عذاب ومعناه قصة عذابه وانكساره طويله
يشيل جرحاً بين الأضلاع مثواه ويشيل هماً ماتشيله قبيله
لانوم لا راحة لا شيء يهناه ضايع وضيع في حياته دليله
حتى أقرب العالم لقلبه تناساه عزي لمن مثله يبيعه خليله
كلاً وقف ضده وكلاَ تحداه كنه كسيراً مالقى من يشيله
عيب يقول الصدق والصدق مبدأه والصدق هاليومين ناسه قليله
كم واحد عذر في رفيقه ودناه وقت الشدائد مابهم من يجيله

[عواد العنزي]

اخذت قلبي ياخليلي وصديت=وخليت ناهر الهجر تشعل خفوقي
كنت اتوقع انت كل ماتمنيت=وغلاك ينبض في جميع العروقي











.

[مقــدام]

الموت حق وكل نفس تذوقه

بس البلا من ذاق موته ولا مات

[خلف الشلهوب]

ياصاحبي مد البحر جاوز الشط

الموج عالي والمواني تهاوت


والبوصله ماعاد تشر على خط

كل اتجاهات الوسيعه تساوت


والعالم اصبح للأسف حيل منحط

يوم الذيابه والحصاني تخاوت


كل الحب

خ/ش

[شموخ نجد]

ياالله انا ساجـد لـك ورافـع إيديـه
اطلبك وادعيك يالي تسمـع الداعـي

لاشي محبـه ولا صدقـه لهـا نيـه
ما غير جاك يتصيد وان سمع ناعـي

يقول ليتك سمعـت الـي حكـى ليـه
عنك و صحيفه نشرهـا مالهـا داعـي

يبي يسوي علـى المخلـوق شاعيـه
ماهو من الي لـه الزينـات طماعـي

عندي هرج فيك وان جاك و هرج فيـه
ويشبها النار بالنائـم مـع الواعـي

ياليـت ربـي خلـق بالنـذل ماريـه
مكتوب بين الحواجب بخـط لماعـي

ويصير معروف بالروحـات والجيـه
انه على الناس مثل الذيب لا جاعـي

يبـي يفـرق جماعـه نارهـا حيـه
ينشردعايـات لهـا سمنهـا ماعـي

هذي عقوبـه وللمخلـوق مـا ذيـه
دايم يدور على تصعيـب الأوضاعـي

والطيب يـزود طيبـه بـدون سليـه
ما يمنع الطيب عـن داعيـه مناعـي

تسعد رجالاً لهـا هيبـه وشخصيـه
ماهو سراب الضمأ يرقص على القاعي

اهل الحسد والنميمـه تخلـف النيـه
كم واحـد عقبولـه كثـر الأوجاعـي

يـا الله لعـل المنافـق تاكلـه حيـه
في يوم ماله مـن المخلـوق فزاعـي

[شموخ نجد]

http://www.mddes.com/vb/nony/msgs/no34.gif

لا تشتكـي مـن جــور الايــام للنـاس // وادفن همومك في ثرى الصمت كله
اسـرار عمـرك خلهـا تحـت الانفـاس // لا صــار هــرّاج القـفـا فـاطـنـن لـــه
هذاك يفرح لا لمس جـرح الاحساس // و هــذا مـنـاه لا لـقـى فـيــك عـلــه
جـو الربيـع بعـجّـة الصـيـف ينـحـاس // لاجت هروج(ن) ما تجي فـي محلـه
داعـب همـوم الليــل لا هـب نسنــاس // وعطها الخبر من قلب خل(ن) لخلّـه
قلّـه حبيبـك مـا وطــى قلبـه الـيـاس // حتـى عذابـك بالـهـوى جـايـز(ن) لــه
تعيـش بالوجـدان مـا عـاش هالـراس // لـولاك قلّـي وش انـا عايـش(ن) لـه
إن زانــت الايــام يــا شـــوق لابــاس // ولاّ صـبـرنــا لــيــن ربـــــك يـحــلّــه

[شوووقUAE]

-1-

مقدر عـ الصبر .. يا جرح السنين ..
إما يجي .. أو يذبحني .. الحنين ..!

http://images.abunawaf.com/2006/07/najm.jpg
-2-

أنا الفضا .. وهامت بـ صدري .. طيور ..
زادت بها .. الأشواق .. وعيّت ترف ..!

http://images.abunawaf.com/2006/07/rmad.jpg

[فالح الفرهودي]

من ابياتي ^_^


قالو تعبر في قصيدك وعبرت=عن حالتي بعد المحبه واسرها
ان شفتها جاني بلا ثم تخدرت=مقدر اقاوم طحت فاقوى خطرها

[شموخ نجد]

بيـن الأمـل ومعانـق الهـم ّ واليـاس
غصـة ألـم يـا كبرهـا داخـل بكـاي
وأشق ّ جيـب المشكلـه وأقطـع النـاس
وأقفل شبابيـك الوعـد وأسمـع النـاي
ثورة حـزن يحيـا بهـا قلـب حسـاس
بانت علـى وجـه الأمـل فـي محيـاي

[شموخ نجد]

بيـن الأمـل ومعانـق الهـم ّ واليـاس
غصـة ألـم يـا كبرهـا داخـل بكـاي
وأشق ّ جيـب المشكلـه وأقطـع النـاس
وأقفل شبابيـك الوعـد وأسمـع النـاي
ثورة حـزن يحيـا بهـا قلـب حسـاس
بانت علـى وجـه الأمـل فـي محيـاي

[رهب]

غصـة ألـم يـا كبرهـا داخـل بكـاي
غصـة ألـم يـا كبرهـا داخـل بكـاي
غصـة ألـم يـا كبرهـا داخـل بكـاي

الله الله الله شمووووخ
سلامتك
مؤلم بقوووه
احسست بالألم
رهب

[رهب]

نسيت اسمي
وعنواني
غبت بلجة احزااااني
ولاني راجعه ثاااني
( رهب )

[شموخ نجد]

فديتك رهب سلمتي لنايالغلا
الله يبعدالالم عنك وعننا والجميع انشاءالله

أشوف بعيوني غيـــــــــوم التعـــــــــابير


،،،،،،،،،،،،،،،،،،،،،،،،، قامت تطشطش بالمعاني سحــــــــابه


صبّت ، وصبّت ، ثم هبّــــت أعاصــــــــــــــير


،،،،،،،،،،،،،،،،،،،،،،، ريح الألم ـ هز القـــلم للكتــــابه

[[ إمـــرأه حـــره ]]

غمز لي وقال: { محلوه يآحظ اللي يحبونك
غريبه كيف ما يدري عن إحسّاسي وحبي له !
يقول لي كاشخه شعندك ؟ ف ( قلبي ) قلت : لعيونك
سَرحت بعيد ونادآني وأنا والله فكرْي له


سألني منهو محبوبك ؟! تراني شفته بعيّونك !
فرحت قلت له: إحلف ! .. وقال : أمزح.. ياعزي له ,
حسبت إنه درى عني هقيته قال : [ ياعونك ]
طلع ما يدري ش الموضوع وأنآ المح وأنآدي له ..

[صالح الضويحي]

**
قـلــت : ويـنـك ؟
قال : مـــدري ؟
قلت : تـــدري !

ماســكن هالقلب غـيـرك ..
قال : داري ..!

**

قلت : طيّب..
من مــعـــــك ..
في وسط صـــدري ..؟

قـال : قـلـبــك ..!
قلت : هـاء .. رد أعــتــبــاري ..!

**

قال : بــدري ؟!
قـلـت : قـلـي كيف بــــــدري ؟


قـال : يــعــنــي ماطــرى لي اي طـــاري !!

**

[مقــدام]

الشمس تطلع واسأل الصبح وين انت
وتغيب شمسي واسأل الليل وينك

[عواد العنزي]

يابدر لو نروي قصة هوانا=لاهانت جروحك وغيرك ملايين
يابدر من يقراه قدر شقانا=يومآ بعهد الله اقسمناالاثنين
حب ٍ عفيف ولادرابه سوانا=حكايت غرام وعمرها عقد يازين






.

[شموخ نجد]

تدري اللي خيب ظنوني معاك
يوم في حبك وثقت وخنتني
ابتعد عني ترى قلبي جفاك
ليتني ما يوم شفتك ليتني
انتهى ما بيننا يسعد مساك
كن ما شفتك ولا انت شفتني

[جايز الشمري]

لعنبووه ابليس حااااقد مايشووف إلاا انااا ..
ضيّـق الدنياا بعيني لين قفلهاا معي ,,

وين ماوجّـهت وجهي شااايفن مووتي دناا ..
والله اني من كثر مااااضيق فاااقد للوعي ,,

[عواد العنزي]

يابحور الشعر رديلي مناي=اوصفي حال ٍ تولع ونثري
ياقوافي اشرحي قصة شقاي=دونيها بالقصايد ونشري
علمي العشاق وش حاصل وفاي=طعنتي باالقلب وجرحي مابري







.

[ليل]

يابنت جيتك والثمن عمري ابي ليلةٍ لقا

يما كذا والا بلاش من الصداقة والصديق

وساعة تبسمتي وشفت الجمر والثلج اصدقا

قلت أشهد أن الموت حق وصحت لك صيحة غريق

واعتقت دمعي والزعل والحزن لرضاك أعتقا

وأغفت عيوني في عيونك ياعساها ما تفيق

وآمنت باللي سخرك تقرين صفحات الشقا

واشعلت بردي في دفاك وشبت الساحة حريق

[@الأمل البعيد@]

ياهلا بك عدد عمري اللي ضاع
وعــدد ماتمنيــتك حبيبــي
ليــت الأيــام مافيــها وداع
احسب اني على الفرقا شجاع
بطوي الجرح او بخفي نحيبي
واثر مافي الهوى مغرم شجاع

[ليل]

هلا هلا يا مطول الغيبه من قليبي أهلي به

يطير الطير في العالي مرد القدره تجيبه

[جايز الشمري]

رايق مزاج ومنشرح خااطري توّ

والصبح توّهـ زان جوّي وجوّهـ

[[ إمـــرأه حـــره ]]

تعال وانظر في خفوقي وسارع
صبري طال وخايف يتلفه ياس
عجزت وانا مع خفوقي اصارع
حبك ولذه شوفتك اجمل احساس
شديت احساسي بأسلوب بارع
وخليتني في الناس ماني من الناس
ودقات قلبي من غلاك اتقارع
قرع الطبول لحتمى الدم في الراس
ياعين حر في سما المجد فارع
يا اغلى من الدانات واغلى من الماس
معك الهوى دون لفه وشارع
من دون بوابه ومن دون حراس
ارض وسيعه وامتلت بالمدارع
زرعت فيها صادق الحب بإحساس
وحصدت عكس اللي انا كنت زارع
غرست هجر حصدتها دون غراس

[فالح الفرهودي]

هاك القصايد لا تضايقـت وإقـرى
شف وشكثر فيها لبسماتك إشتقت

[عواد العنزي]

الله من قلبٍ تولع بغاليه=ماكان متوقع بفرقا خليله

[جايز الشمري]

دامك انتي من سكنتي بين قلبي والضلوع ,,
اعتقد بانك فهمتي ويش يعني هالمكان !

[عواد العنزي]

في موطني غربه وانا تقل رحال =مابين نجد وبين وصل الشمالي






.

[يفوق الوصف]

يا هم ماترفق على القلـب وتـروف *** كـم لـك تقطـع بالفـواد وتـحـره

[مقــدام]

والله اني يا ابيض الوجه ماعندي جديد
غير ذكرك على بالي لا طرا

انت مانت بالشيخ زايد والا انته بالوليد
انت تسوى في عيوني حكومات وأمرا

[يفوق الوصف]

مابه جديد وكل ماقيل ينعاد ونفس الكلام الي نقوله نعيده

[مقــدام]

يآ قلبي والله اني مانويت " أهدي " لـك اللوعـات ../
يآ قلبي والفـرح قـدام عينـي .. بـس " ماطلتـه " ..!


على طول الطريق ورغبتي كيف اهدتني وآبات
ولولا نزف حرفي كان قلبي مااحتمـل " كبتـه

[يفوق الوصف]

اضحكي ما عليك من الحكي ..
إنتي أجمل من وطى فوق الثرى ..
وإنتي أجمل من نظر عينٍ تشوف ..
يا ترى وش سبب حزنك وخوفك ..
إضحكي ..

[شموخ نجد]

يقولون " الرياض" غير عن باقـي البلـدان ...
وانا اقول هـو في عيونـي مثـل الرياض

[ليل النديم]

ياسلامي على اللي فيه عز وشهامه = ان حضر يندرابه وان تغيّب فقيده

والعقول الخفيفه وجودها وانعدامه = الاوادم فهيمه يالقلوب البليده

[رهب]

تعب ذيك الشوارع
هد لي حيلي وتفكيري
ولا ادري اذا كنت الخطا
والا الخطا غيري

[الخـــيالة]

ابكي يا اهل الجود من جور الندم

والحزن خيم بين الضلوعي

اشكي ولمن سمع شكوتي والهم

والسهر الليل واذرف الدموعي

اصبر ياهلي والنار فيني واكتم

والسر والجرح في باطني يلوعي

[يفوق الوصف]

في بسمتك أمل بالــدم يسري
خلي الشقا يـولي في سـواقيه
:::
شوفي الفرح اللي مشاه فكري
غـدا مثل قصيدٍ جزلاتٍ معانيه
:::
سر الإبداع:وانا بفشي السري
قولة:غـلاي من غيرك أراعيه
:::
شبت من حكـاها ابيـات شعري
استعدل البيـــت وزانت قوافيه
:::
اشيل الصوت وازنٍ بها بحري
اتهيجـن وارفع الصوت وابكيه
:::
اعاني من الونات فوق صدري
آهٍ اشواق وآهٍ مع الفرقا تباريه
:::
سر الغرام عذابه سيد الخدري
عذابي منه يعـل القلب ويداويه
:::
بعض الحكي منه الونات تبري
وبعض الحكي يا حسرتي يعنيه
:::

[شموخ نجد]

تعودنا على حمل الجمايل والزعل واللوم
ولا نرفض عتب غالي ولا نزعل من جداله
تمنينا حوز اغلى مكانه في وجيه القوم
ونعيش الخوه بوقت يضد رجاله رجاله
تعلمنا من الدنيا وزدنا للعلوم اعلوم
وسقنا للدروب قلوب رجليه وخياله
وقفنا للزمن وقفة شجاعه والقروم قروم
الين ان صار واحدنا بديل اقواله افعاله
الى منه خذا ياخذ مثل ماياخذ المحروم
والي منه عطا يعطي ولو من لقمة اعياله

[يفوق الوصف]

انا بجوفي جرح ابكم للحكي شفقان
أكابر..بس روحي اتفه الأسباب تبكيها

[القمر الصامت]

في دآخلي سيل وانآ عطشآن ...

اروي كبود النآس واسقيهآ ..

[رياض الهديرس]

كَلام والحاجّه تجي من قلّ =لو شفت لك شبعان مايطمع
وان كان تبغى حل هذا حل ّ=ان مابغيت الجوع لاتشبــع

.
.
.
.

[[ إمـــرأه حـــره ]]

--------------------------------------------------------------------------------

من قلّ آلمصآيب
صآب هـذآ آلصـدر " ضيـق "
وَ إلآ يعني من حلآة آلحظ وَ [ علوّ آلمگآنـه !!

ذي حيآتي من مضيقٍ .. في مضيقٍ .. في مضيق ,
وَ لو بحثت آلصبر فيني ,
مآ أجـد لـ/ آلصبـر خآنـه !
عآدتي .. لآ ضقت آدوّر حضن وَ عيون آلرفيق ~
مشگله ..!

لآ صآر ضيقي " منه " وَ .. أحزآني { عشآنـه
,

[فالح الفرهودي]

مالك امل ارجع لك إلا بشرطين=نفذ شروطي كان تبغاني ارجع

[عبدالله بن عريمة]

سلم العرب ياصاحبي حامل المسك = وطبع الدويني مهنته ينفخ الكير

يرثع كذا على عماها صدى دبك = على لحون عتاب يهزه السير

[الـنـادرهـ]

0

0

ليتـك ذبحتـه ولاتركتـه وقفيـت
وخليته ينازع لوحـده خـلاوي..
هـذاك قلبـي آه ياليـت يالـيـت
ماجابته دنيـاه يمـك جـلاوي ..
رحت وتركته حي بس اكثره ميت
يبست عروقه وانت كنت المداوي

0

0

[رهب]

يبه ..
عقبك مرابع ديرتي
جدبا وصحاري ممحله
عقبك محاني الصدر
ابكاها الغياب
وعقبك عرفت ان البشر
حولي فصائل
من ذئاب
الباقي الأصعب يبه
صار الجميع
اغراب
عقبك غدت دنياي ما تسوى
بيدي حفنة
ترااااب
احتاج لك
مليت من ضيق البيوت
وقفلة الأبواب

[يفوق الوصف]

تلفـ هالدنـــيا على الناس وتـــدور..
والزمنــ عندكـ توقفـ ولا دار ..
أدري مقصر بس لاصرتـ مجبـور..
ودي تسامحني على حكمـ الاقـدار..
كني بدونكـ ../عــقد / لاصـار منـثور..
وش يجمــع المنثــور دامـ الزمنـ جار

[الـنـادرهـ]

كل ن له الله لو تخليت عني

ماحد ن يموت ياصاحبي قبل يومه

[الـنـادرهـ]

عســـى الظلوع توقي القلب لاطاااااح

[شموخ نجد]

رقدت وكل مـــ ــا فيني ألـــــم وبداخلي مــــسقوم
رقدت وكل مـــــن حــــــولي عيـا هالــــيوم يطريني

على جمـــــر الزمـــــن‎ أحيا واقلب‎ صفحـــة الألبوم‎
واقول الله يــــــــا‎ الدنيا سرقتي‎ النـــــوم من‎ عيني


سرقتي عمري الغالي وبسمة خـــــاطري المظلوم
سقيتي من الألم كــــــاسي وظني مــــــاي ترويني

[رسيس]

ياليت ربى ماخلق حب وفراق
ولاخلق حب على غير فرقا

[رهب]

يبه وشمسي اغربت بعد الاشراق .. ودموع عيـني تسرق الشوف سرقا
رهب

[شامخه ماتهاب]

لاصار قلبي لك وطن,,ابسألك وين الولاء..
وشلون حال المملكة دام الخيانه من ملك..

[شامان]

م ت كـــ د ر

لكن مع هالآذان وفي هالوقت
أقول يا الله يارب أنا عبدك وإبن عبدك أسألك الرضا والعافيه ,, اللهم يسر لي أموري واجعل لي في كل هم فرج ,,, اللهم انت تعلم بما في صدورنا وتعلم بما هو خير لنا فيسر لنا امورنا ودلنا على طريق الخير ,,, رحماكــ يارب


الا يالله ياربي عظيم الشان سبحانك
أنا عبدك وإبن عبدك ..أنا طالبك يارحمن
تفرج كربة الضايق وأبي الرحمه وغفرانك

[فالح الفرهودي]

يضيق صدري لا طرى ليلة السبت
ليت الليالي كلبوها ربــــوعـــــي

<<< يحب الدوام ههههههههه

[رهب]

يا الله يارب أنا عبدك وإبن عبدك أسألك الرضا والعافيه ,, اللهم يسر لي أموري واجعل لي في كل هم فرج ,,, اللهم انت تعلم بما في صدورنا وتعلم بما هو خير لنا فيسر لنا امورنا ودلنا على طريق الخير ,,, رحماكــ يارب


الا يالله ياربي عظيم الشان سبحانك
أنا عبدك وإبن عبدك ..أنا طالبك يارحمن
تفرج كربة الضايق وأبي الرحمه وغفرانك
اللهم فرج هم اخونا شامان وهمومنا جميع
اللهم امين

[فيصل الحيزان]

هم جديد على الاول تحملته

[فيصل الحيزان]

اللهم آآآآآآآآآآآآآآآآآآآآآآآآآآمين رهب

[فالح الفرهودي]

يالله يالي تغسل الارض بالسيل
اغسل قلوب اهل الحسد من حسدها

[يفوق الوصف]

أفهمك لو " ما تكلمت " افهمـك ..
مافي قلبك في عيونك / ينرسم /

ما تزيل الشك ضحكه مبسمك ..
يفضحك :: وجدان وأشجان وندم

[يفوق الوصف]

البرق حبك والحشا دفتـر الغيـم
من لاح صبيـت الرعـد فالحنايـا

هذا انت ترحل لأيسر الصدر وتقيم
تلبس نهـاري والليالـي عرايـا

قبل أمس رمشك في قلوب المعازيم
واليوم كحلك في عيـون المرايـا

[ღ..همس.. ღ]

من يفقد الخلان بالصبر ملزوم ...... يجلس يقيس البعد بدموع عينه

[يفوق الوصف]

وجانا البرد..

وأنت مآجيت وقلت لي

راجع ..قبل ماتمطر الدنيا وينبت
ورد "

وراح الصيف .. وراح الورد

وجانا البرد

وأبد ماجيت
في ذمّتك.. ماحنيت ؟



أبي اسألك

ولامره فـ خيالك جيت ..؟!

مامرت بك الذكرى وليالينا
وأغانينا
يوم الوصل كان أكبر أمانينا
وكان الحب مالينا..
وكل الكون..


كل الكون.. من الفرحه مايكفينا..!


رحلت أنت ونسيت الوعد..!

من غيابك ذبحني البرد

ولا رديت
ولا مره أبد.. مريت..!
وكنت أصبر.. وأنتظرك
ولو ودّك تغيب أكثر
أبنتظرك تجي
ياليت..


كل شي عندي والله يهون

إلا أنك حبيبي تكون

ماحنيت

[متعب عقيل]

همتي ابعد من اللي بالنظر نشوف
همتي ابعد واقوى من الجبال الشاهقه
همتي ابعد من مايتصورون ويحكون
اهل القلوب الغافله السقيمه
همم اعلى وابعد من النجوم
همم تعانق السماء السابعه

[II_ تـَــــرَفْ _II]

/


يامطر ... تشبهه حيييييييل

آثنينكمــ نفس الطهــــــــر !!!

/

[مقــدام]

خذ راحتك بس انا وانت والليل
والليل مامون على اسرار الاحباب

[يفوق الوصف]

خنجرك ينزف دم.. طعنـت ظهـري لا لا أبد ظهري غلط.. صاب خنجرك


عليك منك أموت.. أقسـم فـلا أدري شف الطعون وفوق هذا وأنا أعـذرك


ياشين شفنـي يـوم تطعـن أهـذري أقول أبعد خايـف الجـرح يدمـرك


جيت أتحامى وأنتخي ويـن صبـري وين الطريق ومنتهـى مـا أتنطـرك





رواف الرسلاني

[عواد العنزي]

الذكره الي خلدتها المشاعر=ماضنتي تشرى ولابعد تنباع
يبقا حنين القلب ماضي وحاضر=بين الضلوع العوج محفوض ماضاع








.

[II_ تـَــــرَفْ _II]

/

مـآلـي مـزآآآآج أرجـع أقـلب دَفـآتـر
~ أورآقـهـآ تجـريح ~و~ سـطورهـآ عتـآب ~


مـآلـي مـزآج أنـظر لـ ِ : [ صـورة قديمـة ]
فيهـآ الملآمـح تضحـك بـوجه كـآذب ... !

/

[عواد العنزي]

كلآ يشوف بعين ماهو خابر=العالم الله وش تفكير الاصحاب











.

[مقــدام]

متى على الله ينفرج ضيق الايام .... ويزين وضع مغربلات الليالي

اما تحقق لي كبيرات الاحلام ..... والا شربت المر في كاس حالي

[II_ تـَــــرَفْ _II]

/


شوفك علاجي ..من " حبوب البنادول "
لآصار يوجعــــني من الشوق رآسي ! :sm5:

/

[مقــدام]

حبك رصاص مسدسه كاتم الصوت
......... يرمي الهدف في صمت حتى يجيبه

[سلطان المشاعر]

حلفت أنا ما أشكي على الناس همي
إلا على رب البشـر جالـي الهـم
وعندي خبر صفو الزمن مايتمـي
لو يستمر سنيـن وشهـور ماتـم
دنيـا تفـرق ياولـد مـا تلـمـي
شرها يعم وخيرهـا خـص ماعـم
ياخوك أنا منها أرتفع ضغط دمـي
حتى نحلت وصرت عظـم بـلا دم

[سلطان المشاعر]

عزي لمن جاله ورى النذل حاجه
ياعنك ماحده زمانه علـى خيـر

[سلطان المشاعر]

كلن يقـول البكـاء فيـه راحـه
وانا بكيت اليـوم لعلـي ارتـاح
بكيت من قلـب تزايـد جراحـه
بكيت بكي اللي بكا يوم الافـراح
كنـي غريـق مايجيـد السباحـه
يصرخ ولا حوله من الناس سباح
يشوف موتـه مايفيـده صياحـه
واناس رامينه على روس الارماح

[طحتي من عيني]

لاتحسب كل ماشفت يلمع ذهب= تعطي الناس اكبر من وزنهاوحجومها
الناس معادن نحاس فضه وذهب=ياخطيت تندم ونفسك من رداهم يقهرونها
من يتبع المقفين يحصد بصدره لهب=غايه الناس ماتدرك كان ودهم يوصلونها
خلك من الدنيافي زهد الذهب يبقى ذهب =احساسك ومشاعرك افطن لايجرحونها
هذي ابياتي وكتبتها في منتديات رهب=شفت الناس قريت فكرها وجربت طعونها

[II_ تـَــــرَفْ _II]

/


قـرٍرف
تدري وش هوٍ القرٍرٍف .. !
خـآين ويحلف بالشرٍرٍف
بالشررٍفْ

/

[عواد العنزي]

سلام للي له باالقلب مقدار=حيثه عزيز وله كل حترامي
يعطيه كاش وعارفٍ بعض الشرار=اسمه لقب ويرد مثل الحرامي






.

[شموخ نجد]

لا خذاني الموتْ منّك إمسكْ بقوّه الشـراع
لا تمشيك الريـاح / بكيفهـا وإحساسَهَـا
دنيتك مثل السفينه وقلتْ: هالكلمه مسـاع
لا تمشيك الرياح / ويخدعـك وسواسَهَـا
يا رفيقي يا مواني رحلتي , جيـدْ السمـاع
المسافـه لا تقدّرهـا ويخـون إقياسَهَـا
داخلك أدري مشاكل ضايعه بيـن الصـراع
بينك وبينـك مآسـي يلعـنْ الله ساسَهَـا
لكن إصبر في رزانه ولا يغـرّك الإندفـاع
الفَرَجْ بالصبر يأتـي / والمدامـع واسَهَـا
دنيتك كاسٍ جرعته سـمْ ودّانـي الضيـاع
وما أبيك تصير مثلي وتنخدع فـي كاسَهَـا

[مقــدام]

هنا اهل العوجا ولا بها مراوات
...........شربنا المصايب شرب الفناجيل

[رَيًماْ اًلَبْراَهّـيًمَ]

محتاج أضمك وأترك الدمع ينساب
ويكتب على خدي بلاوي سنيني
بالحيل ميت من زمن مابه أصحاب
والكل منهم بالمصايب يجيني
ألا أنت وينك لاتعذر بالاسباب
ابيك تترك كل شي وتجيني

[شموخ نجد]

ليه يادنيا معانا قسوتك تمشي عدال !
عكس حظ مايقوم إلا يطيح بـ موقعه!

[الذهبي]

ليه يادنيا تعزين الرخوم والعزيز يعيش عمره في نكد
تطرحينه كل ماحاول يقوم كل مايبني يفاجاء بالهدد
والخبل حظه ورا ذيك النجوم عاليا مرتاح في سعد
والشجاع تحاصره كثر الهموم وان تخلص من نمر طاح باسد

.؟!

[رَيًماْ اًلَبْراَهّـيًمَ]

آخـٍر حروف في خفوقي شلـٍتهآ يآتمـٍوت بوسٍط قلـٍبي يـآأمـٍوت إن قلتـٍهآ يآلي حـبگ في حيـآتـٍي گـآن حلـٍم وأنتـٍهى

[يفوق الوصف]

يا صاحبي لو كل شي يمر بالخاطر يقال
ما كانت العبره تــولجني اليامنك طريت ؟!

شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت

[حوريـة القصيـم]

كن الفضا في غيبته ضاق مسعاه..........
................وكني غريقٍ ينتظر له سفينه

شف دنيتي ياصاحبي عقب فرقاه..........
..............مثل الظلام اللي حصل بالمدينة

باكتبه أنا في صفحة الشعر واقراه .....
.............وباذبحه بزود الغلا دون سكينة

وبارسمَه في لوحة الشعر وانعاه.........
................وبادفنَه بين الضلوع الحنينه

بوسط الحشا في داخل الصدر مثواه.....
..................إما يسار القلب وإلا يمينه

(( صحيح إن الحي يعطيك الحياة.......
.............مير البلا حيٍ وزادك غبينه ))

[رهب]

ما هـزنى يا كود صوت الاقامه
لين ارتفــع بالصوت الله وكبر

تهتـز روحى خاشعه للأمانه
لأنى اخاف الله يا الذيب واكثر

[الوجيه]

يا قمر نور علينا= يبعـدالاحـزان نورك

لك ليالي ما تجينـا =زورنـا والا نـزورك

[مقــدام]

الشارع اللّي هيبته هيبة ملك ** اللّي تهجـّـى خطوتي و إعتادني !

[كحيلان]

إن اردت نجاحا أو بلوغ منى
فاكتم أمورك عن حاف ومنتعل
وجانب الحرص والأطماع تحظ بما
ترجو من العز والتأييد في عجل

[كحيلان]

وقد يفتري المال الفضائل للورى ... وليس لهم مما افتراه نصيب
وللفقر بين الناس وجه تبينت ... به حسنات المرء وهي ذنوب
لقد أحجم المثري فسموه حازما ... وأحجم ذو فقر فقيل هيوب
وإن يتواضع معدم فهو صاغر ... وإن يتواضع ذو الغنى فنجيب
وذو العدم ثرثار بكثر كلامه ... وذو الوجد منطيق به ولبيب

[كحيلان]

تلقى الفتى يلقى أخاه وخدنه ...
في لحن منطقة بما لا يغفر
ويقول كنت ممازحا وملاعبا ...
هيهات نارك في الحشى تتسعر
أوما علمت وكان جهلك غالبا ...
أن المزاح هو السباب الأصغر

[رَيًماْ اًلَبْراَهّـيًمَ]

http://smiles.al-wed.com/smiles/65/a77a.gif

[يفوق الوصف]

انا وليل البارحه مثل الايتام ** والله يابوي ما تثاقلت همه

لين انكسر بي ضلع من عسر الاحكام ** وقفيت مثل الي فاقدن ريح امه

امال ضاعت في متاهات ووهام ** تكفى مثل ما ودك اليوم سمه

انا تغافلني القدر طاح ماقام ** داسه وداس المنتخي فيه عمه

[شموخ نجد]

وقت صارهمه مثل شربة المي_يازين وقت مضى مارشفناه

[يفوق الوصف]

يا هيه يللي ديرتك دون الثمام ** شف المواجع سقتها فيك يمه

[أحمد العمري]

تعـال خـذنـي بـيـن ايـاديـك مشـتـاق
قبـل انتفـارق حــط يــدك بـيــدي

[شموخ نجد]

تزين الحياة بقرب من طاب ساسه
ولاالردي فرقاه مثل فرحة الاعياد

[أحمد العمري]

قل للمريض نجا وعوفي بعد ما = عجزت فنون الطب : من عافاكا؟

[يفوق الوصف]

انشهد ان الزين منه وفيه ** ولا الردي فراقاه ربح وجيته تعاسه

[مقــدام]

لو يفيد البكا وكثر التمني
......... صحت انا الليل كله والنهار

[مقــدام]

يامن وداعه كنه مـوادع الـروح لو هو بكيفي عنك ما أروح ساعه



ساعه وداعك دمع الأعيان مسفوح
منك وعليك من المحاجر ضياعـه

[عواد العنزي]

جاشة احزان القلب من حر مافيه=وابوح من جور الجروح القديمه
بسباب من دايم على البال طاريه=والروح بعده مالها ايِ قيمه











.

[شموخ نجد]

اذاارهقتك هموم الحياة

ومسك منها عظيم الضرر

وذقت الامرين حتى بكيت
وضج فؤادك حتى انفجر
وسدت بوجهك كل الدروب
واوشكت تسقط بين الحفر
فيمم الى الله في لهفة
وبث الشكاة لرب البشر

[رايق في الزحمه]

مرخوص واسمحلنا يازين = واذا قصر شي راجعني

[كحيلان]

خَليلَيّ، لا فِطرٌ يَسُرّ وَلا أضْحَى = فما حالُ من أمسَى مَشوقاً كما أضْحَى ؟
لَئِنْ شاقَني شَرْقُ العُقابِ فَلَمْ أزَل= أخُصّ بمحوضِ الهَوى ذلك السفحَا
وَمَا انفكّ جُوفيُّ الرُّصَافَة ِ مُشعِرِي= دوَاعي ذكرَى تعقبُ الأسَفَ البَرْحا
وَيَهْتاجُ قصرُ الفارسيّ صبابة ً،= لقلبيَ، لا تألُوا زِنادَ الأسَى قدْحا
وَليس ذَميماً عَهدُ مَجلسِ ناصحٍ،= فأقْبَلَ في فَرْطِ الوَلُوعِ به نصْحَا
كأنِّيَ لمْ أشهَد لَدَى عَينٍ شَهْدَة ٍ= نِزَالَ عِتَابٍ كانَ آخِرُهُ الفَتْحَا
وَقائِعُ جانيها التّجَنّي، فإنْ مَشَى= سَفِيرُ خُضُوعٍ بَيْنَنا أكّدَ الصّلْحَا
وَأيّامُ وَصْلٍ بالعَقيقِ اقتَضَيْتُهُ،= فإلاّ يكُنْ ميعادُهُ العِيدَ فالفِصْحَا
وآصالُ لهوٍ في مسنّاة ِ مالكٍ، =مُعاطاة َ نَدْمانٍ إذا شِئتَ أوْ سَبْحَا
لَدَى رَاكِدٍ يُصْبيكَ، من صَفَحاته،= قواريرُ خضر خلتّها مرّدتْ صرحَا
مَعاهِدُ لَذّاتٍ، وَأوْطانُ صَبْوة ً، =أجلْتُ المعلّى في الأماني بها قدْحَا
ألا هلْ إلى الزّهراء أوبَة ُ نازحٍ =تقضّى تنائيهَا مدامعَهُ نزْحَا
مَقَاصِيرُ مُلكٍ أشرَقَتْ جَنَباتُهَا، =فَخِلْنَا العِشاء الجَوْنَ أثناء صِبحَا
يُمَثِّلُ قُرْطَيها ليَ الوَهْمُ جَهرَة ً،= فقُبّتَها فالكوْكبَ الرّحبَ فالسّطَحَا
محلُّ ارْتياحٍ يذكرُ الخلدَ طيبُهُ= إذا عزّ أن يَصْدى الفتى فيه أوْ يَضْحَى
هُنَاكَ الجِمامُ الزُّرْقُ تَنْدي حِفافَها =ظِلالٌ عهِدتُ الدّهرَ فيها فتًى سمحا
تعوّضْتُ، من شَدوِ القِيانِ خلالها،= صَدى فَلَوَاتٍ قد أطار الكرَى ضَبحَا
ومِنْ حمليَ الكأسَ المفَدّى مديرُها= تَقَحُّمُ أهْوَالٍ حَمَلْتُ لها الرُّمْحَا
أجلْ‍! إنّ ليلي، فوقَ شاطئ نيطة ٍ،= لأقْصَرُ مِنْ لَيْلي بآنَة َ فَالبَطْحَا

[كحيلان]

..ركضت الحق الهارب ومتمرّد افكـاري
ابا اروّض الفكره على حالـي الجـاري
..ابا اقضب عنان الطامح الجامح العاصي
ابا المس حنان الساهـم الحالـم السـاري
..ابا اجمع شتاتي عقب رحلات غرباتـي
واناغم هواجيسي علـى باكـي اوتـاري
..تعبت –وجرحني يا اهل المعرفة- دربي
وطالت مسافاتي وانـا اطـارد افكـاري
..وراها توارى من ورا حاضـر ايامـي
وراها تسافر مـن ورا قـدرة اسفـاري
..وراها تواري عجزي تشوفـه عيونـي
وراهـا تطيـر وكلـي قيـود واعـذارِ
..حبسني رماني بالثرى والسمـا حلمـي
اغازل سحاباتي وانا اكتب لهـا اشعـاري
..اروّح لها صوتي مـع رايـح النسمـه
واقول امطري ياغيمتـي جفـت انهـاري
..ويمسي علي الليل خالـي وانـا خالـي
لا باح لي سـرّه ولا بحـت باسـراري
..نجوم السما تقدح وليلـي بهـا ساكـن
عجيب السكون بليل فيـه الفلـك جـاري
..ويافكري الهـارب ويانـوري الغـارب
بدونك فراشاتـي تهـاوت علـى نـاري
..وانا لو عذرت الغير مااعـذر افكـاري
انا موطـن افكـاري ودار الفكـر داري

[رايق في الزحمه]

" في زحمة الناس صعبه حالتي " فجاة اختلف لوني وضاعت خطوتي "

مثلي وقفت تلمس جروحي وحيرتي بعيد وقفت ونا بعيد بلهفتي"

ماحد عرف شلي حصل : وماحد لمس مثلي الامل "

[كحيلان]

الطيب كايد والمراجل تبي ذيب
والعرف بيّــــن واكثر الناس تخطيه

والجود سنده والخطاوي تجاريب
والصمت هيبه والعزاوي مشاريه

والجمع قوه والتفرق عذاريب
والشور رجم والمناعير تلفيه

والصدق بيته مرتفع بالمراقيب
والكذب يهدم مارتفع من مبانيه

والصيت حاكم والجماله مواجيب
واللي فعل بنفس فعله تجازيه

للطيب طيب وجزوة الطيب بالطيب
ومنهو تردا اخير منها تخليه

من لا فزع في حزة الخوف والريب
ما ينبغاله حزة الخير تدويه

والنفس ما تقبل جميع المشاريب
ولا كل رجل يارد العد يرويه

والعبد طرقي والليالي معازيب
والعمر فاني وقطعة قماش تاليه

يالله طلبتك تغفر الذنب وتثيب
يا الواحد المعبود والخلق ترجيه

الرازق المنان يا عالم الغيب
الوالي الرحمن والكون بيديه

تغفر لعيون قوته بالمساكيب
اليا انتهى دمع يجي دمع يتليه

الخوف والله من زمان المطاليب
دنيا تحدن يم شي فلا ابيه

خوفي من الزلات خوفي من العيب . الرب يستر لكن الخلق تبديه

وكم خافي مع طول الايام ما يغيب
لابد يطلع لو مضى وقت مخفيه


لشـــــــــــــاعر مشعـــــــل الغفيلي - البارق

[شموخ نجد]

لو ينفع النصح بعقولن مريضة
كان ماتبت ايدين ابو لهب..!

[رايق في الزحمه]

المبصرين تحثهم لمصافح الجدي الخطا= منارة الليل الضليل ومقطع الراي السديد
قل للقلوب الهايمة بين المحاجر والغطا = وقل للعصافير وسراب احلامها وقل للزهيد

[عبدالكريم الضبيب]

موتوا على نهج الصحابه والاتباع
أشرفلكم ياسامعين القصايد

خوضوا المعارك لاتهابون الاوجاع
وخلوا قليل الفود يقرا الجرايد

وندعس على صهيون سراقة القاع
ونعيد أمجاد الجدود الشدايد

هذا دوى من يشكي براسه اصداع
امناطح العدوان يجلي النكايد

كم بالعرب فارس وساطي وقطاع
وكم بالعرب من جابة أمه ولايد


( اللهم أرحم شهدائنا وأنصر أهلنا في غزة )

[شموخ نجد]

( اللهم أرحم شهدائنا وأنصر أهلنا في غزة )
اللهم امين
صح يمكن همومي اكبرمن الجبال
لكن الله كفيل يهدهافي دقايق

[رهب]

اعداء الناجح اكثار وعقولها اصغار
وافكارهم زيف الحكي ما سترها

[عبدالله بن عريمة]

لاعل قلب.ن. مايهوجس ويهتم
يضرب على حد السراجيف حامي

[عبدالله بن عريمة]

تلاحظني الشوارع والمداين = ويسرقني نظر سمر الذوايب

[شموخ نجد]

اكتب ومهماكتبت ماملت اقلامي يشيل حملي الورق ويخاوي الونه

[مقــدام]

لو كــان هــمي مثل رابيــن سفــاح

امطــرت مســكان الخــنازير بسكـود

[القمر الصامت]

الا ايهآ الليل الطويل الا انجلي ...

بصبح وما الاصبآح منكـ بأمثلِ ..

[ريف النشاما]

احزان قلبي تنجلي وهموم عمري ترتحل
...................... ومن شوفتك يكفي قليبي افراح عمره تبتدي

[يفوق الوصف]

يا خوك ضاقت بي زوايا المدينه
استحكمت ما عـجل الله فرجـها

[ريف النشاما]

جالس بحالي وخلي جالس بحاله .....
....... كلن على همه يغنى بليلاه

[رَيًماْ اًلَبْراَهّـيًمَ]

الأماني غير .. و الفرحه نــــــدم ,,, والجروح .. أشكال في جسم القتيل
والعذاب .. أهون عليه من وهـــم ,,, فــي زمان الشوق ..ضيعت الدليل

[يفوق الوصف]

هبي بريحه يا هبوب الشمالي ** كود الجنوب ومطلع الشمس تنصاه

ياما وياما فرقنا الليالي ** تجمع مقيم وفرق البعد لاماه

[يفوق الوصف]

ان من اول وامس واليوم غالي ** تالي زمانه بالغلا مثل مبداه

[عبدالكريم الضبيب]

سلهم(ن) ياعيونه شوقيلي شقاي
دام ربي خلقكن لي عذاب وشقى

ياسبايب عذابي ياسبايب عناي
أتققوى ولكن خافقي ماهقى

لاتلفت حولي صار يركض وراي
هم وهم المشاعر بين صد ولقى

وش بقالي معاك وش بقالك معاي
وزهرة العمر راحت وش بقى مابقى

[مقــدام]

لفيــتني لـف الورق بيدين حشـــاش

اللي بجو الكيف عــاصر وعــاشي

[رهب]

يامامن دروس اليالي تعلمت
وتعلم المجروح فن الخطابه
كل ماتمنيت وحلمت وتعشمت
ان الزمن اكثر بياض ورحابه

[مقــدام]

نلتمس للذنب عذره لا بدت فينا موارى
ماحسبنا للبياض وماحفلنا باغترابه

زل نور الصبح عنا مابقا غير الغدارى
واظلمت كل الحقايق وصارت الدعوى نهابه

[رياض الهديرس]

مهما الليــالي والزمـــان امتحني=لاصد بي وقتي فـ انا مقدر انساك
وان صد بك وقتك عساك متهني=فـ انت البعيد اللي عيوني تمناك
عذري ليا من جاك والعذر مني=يقبـل معاذيري كريمين شرواك
وانا اعذرك لاغبت وابطيت عني=مير اتصل بي واتصل بك ولا اكفاك
خلك على خبري على حسن ظني=لين الزمان الصعب يسمح بلقياك

[شموخ نجد]

قلبي كسره الاسى ياخوي وينك
مع كل حزن ٍ لاح ناحت جروحي
خاوى السهر عيني وغمضت عينك.
وكابرت عبراتي بضحك ومزوحي
والله لوالعمريعطى وهبته سنينك

مالي بدنيا بلا ك رغبه ومصلوحي

[مقــدام]

فكرت والمكتوب مافيه حيله
ليت الليالي علمتني بالاقدار

[يفوق الوصف]

هبي بريحه يا هبوب الشمالي ** هبي بريح المسك يمي وهاتيه

[يفوق الوصف]

ان عشت يا راسي لبستك عمامة ** وان مت ياراسي فدتك العمايم

[ღ..همس.. ღ]

الليله اللي بليّا صوتك تعدّي
أحسها شوكة بحلق العمر كلـّـه ..

[ريف النشاما]

وشلون أبوصف حالتي والعقل ساهي ... ولا التمني يتعب اليوم باغيه

[خشيف الريـــــم]

أثر الحسد لا عشعش بصدر راعيه ,,
يجعل من قلوب الحبايب ذيابه ,,


اللي تعلّم من سكوتي تماديه ,,
علمني أستقبل خطاه برحابه ,,

[يفوق الوصف]

وما نيل المطالب بالتمني ** ولكن تؤخذ الدنيا غلابا

[ريف النشاما]

النوم ساسه لوم وحبه ندامه ... ول تكثر ملاماتك بكثر المنامي

[ღ..همس.. ღ]

تدري لو قلت " أكرهك مآ بيك " ,
................ يرجع صدى صوتي يقول {الله ماأكبر كذبتك ~

[يفوق الوصف]

يا خوك ضاقت بي زوايا المدينه
استحكمت ما عـجل الله فرجـها

[يفوق الوصف]

هبي بريحه يا هبوب الشمالي ** كود الجنوب ومطلع الشمس تنصاه

[شموخ نجد]

لاتوجدعلى الصداقه بالجهل مالك مثيل
من بخص طبعك بيعرف اخرتك ردى

[كحيلان]

جيت ادورخل وافي لقيت مابالحمضى احد
مصالح دنياومن يطرد المقفين ضايع دليله

[يفوق الوصف]

صاح بي يالحبيب طرد المقفي هوان ومن مشى به غبي

[كحيلان]

والله اني متوكل على الواحد الأحد الفرد الصمد
شامخ وراسي وعزمي قوي اصيل جيت ادور اصيله

[خشيف الريـــــم]

الصمت أوجع من مدى زفرة البوح ,,
والبُعد أقسى من الظما .... لحاجة المي ,,



تدري وش اللي ينهك القلب والروح !؟
إنك تعيش لـ " شي " عدّك " ولاشي " !

[عبدالله بن عريمة]

اقولها ياالربع لفته ومقدار = أطيّب عباد الله الشعب السعودي
مهما تقاذفنا الضغاين والامرار= تبقى سجيّتنا موده وجودي
حنا الشعور العذب والمنهل البار = نبكي : لبكي "الطفل" وجرم "اليهودي"

حنا الذي وقفاتنا تسعد "الجار"= "للمحرومين" ^ "وللأرامل"عضودي

حنا "الأنسانية" لنا نبض "وشعار"= اكبر بلد "تبرعات" السعودي

على "العالم " اجمع "الصدارة" لنا كار = وحنا التكاتف والوفى والعهودي

بالمختصر : لو رحتوا ايمين ويسار = وشفتوا "البشر " عرفتوا قدر "السعودي"






'' هذا الكلام للشعب السعودي بحكومته ومن عاش على ارضه

الطيبه : يعلم الله انني اقولها بصدق وحقيقة مقتنع فيها > فنحن
ان جرى منا تقصير وشحنأ واخطأ الا اننا في حقيقتنا قمة الانسانية
اللي هي الطيبة :احصوا ان السعودية هي الاكبر بلد فـ العالم
ترسل تبرعات خيرية للعالم طبعا حكومة وشعبا
حنا حتى البوذي نعطف عليه ولاتعنصرنا ضد احد"

يعني مانبي بعض الامور البسيطه تؤثر في اساسنا ومعدنا الطيب

>> هااا لاحد يفسرهااا مقدمه لاعصاار :d هااا اختي شموخ :d

[مقــدام]

إصعد بفكرك تسامى رعد برق(ن) ناض نوه

حدك الفاصل فضائك، اكسره واعلن عبوره

كان همك كل همك تدعي فن الفتـــــوه

يا أخي تبا لفكر(ن) كان ما تجاوز حضوره

[عبدالرحمن الدوسري]

البارح فراشي جمر ولواهيب==ودموع عيني قنوف(ن) وهمال

[كحيلان]

الاصيله تبقى بعيون الاصيل الاصيله
ميل من الف ميل وكلن يعد ميله
ميلي للعيــون الأصيــل يالأصيــله
وللا كلن يمضي للامام يعدل ميله

[يفوق الوصف]

صعب لامنّك فشلت .. وصعب لامنـك لقيـت
إن من يكره نجاحك .. يـدري إنـك مانجحـت
أمس ضقت .. ورحت أقلّب ذكرياتي .. وأنتهيت
عند صورة طفل صوته مثل صوتي لاانجرحـت

[الذهبي]

اول وش حلوك معايا
غايتك تكسب رضايا
لو اغيب شوي عنك
تقلب الدنيا ورايا

[خشيف الريـــــم]

لو في يدي‎ .. ‎كان ما ضاق‎ ‎المخاليقي‎
‎وإلا تُشـوفَ الولايف .. دُوم‎ ‎مِلتاعه‎

الله يجيب ‎الفرج .. مع يَبسة‎ ‎الريقي‎
‎والأرض مسرح وكلّن يلبس قناعه‎

أحدٍ يعدّ ‎الحقايق .. دون تحقيقي
‏‎ ‎مايرتجي من مدايح ناس سمّاعه

وأحدٍ على كلمته ... لازم‎ ‎مواثيقي
‎يَكتِب و يَختِم و يَبصِم كَامل ذراعه‎

دام انت‎ ‎طيب .. و حنا لك‎ ‎مشافيقي‎
فالآمر هيّن .. بدنيا كلها .. باعه

يفداك عمري و قلبي مع‏‎ ‎معاليقي‎
‎والضيق مثل‎ ‎الشجاعه في صبر ساعه

[مقــدام]

انا ماهمني حزني ولاني للفرح مشتاق
0000ولكن ليه يادنيا اذا جيت بضحك تبكيني

[عواد العنزي]

اشقيت قلبي لين غيرك شقافيه=ولاكنك انته من يسبب عذابه
عواد العنزي

[عبدالكريم الضبيب]

أنا اللي يخنقه همه عقب ماشافها ضاعت
بعد ماوصلت بعد الأضافي وأقبل الحاسم

قهر يوم اقبل الاخضر لها في جيته راحت
بطوله كانت وكنا لها لوهدّف الجاسم

[العطاويه]

8
8
8
:(1

[يفوق الوصف]

من عافنا عفناه لو كان غالي

[عواد العنزي]

وشلون بوصف حالتي يااريش العين=لاشك جرح القلب يعبر عن الحال
















.

[رسيس]

يالله ترحمنا ليا قيل من راق
لا صرت ماعاد اقدر ابلع الريق

لا جاء الوعد والتفت الساق بالساق
واتلى الكلام الغرغره والتشاهيق

يالله تجعلنا يوم نشفات الارياق
انا وقارين ذالقصيده معاتيق

[يفوق الوصف]

هبي بريحه يا هبوب الشمالي ** كود الجنوب ومطلع الشمس تنصاه

[شموخ نجد]

يا عَرَبْ ، و ان كَان تسْترني عبَاتـي ..
من لقَى للجرْح .. في صَدْري عَبَاهـ ؟! ..

[يفوق الوصف]

ماكنت افكر في فراقك دقيقه
لولا ان عقلي من سبات الهوى فاق
وشفت ان جمع الشمل ماله طريقه
ولاصار لي قدره على قهر الاشواق
ونور الامل في الوصل يفقد بريقه
ودايم وحنا باالاسم بس عشاق
اظهر لي الواقع ومر الحقيقه
كلش يقول افراق وافراق وافراق
(سعود بن بندر) ... (http://www.4byt.com/view.php?byt=2917)

[يفوق الوصف]

ان زرتني مشتاق لي ياهلا فيك
وان غبت مرخص شوفتي بالسلامه
مادمت تحمل لي الموده ف انا اغليك
ويعطيك قلبي كل صادق غرامه
وان صد قلبك واصبح البعد طاريك
قل لي ولا يلحقك مني ملامه
لاطالبك ترجع ,, ولاقايل ابيك
على المقفي كيف احس بندامه؟
(سعود بن بندر) ... (http://www.4byt.com/view.php?byt=2828)

[شموخ نجد]

فيني جروح تزيدفيني هموم خفيه_اكتب احزاني اعيدوالحبريشره عليه

[يفوق الوصف]

جاك الظلام وجـاك ربع ومسايير
وجاني الظلام وكل ما احب راحي
علمي بنور الشمس وقت المعاذير
قال الوداع وقلت دربك سماحي
كان الالم.. غيثٍ فدمعي محادير
وكان الندم سيلٍ فخدي بطاحي
تقول خل الهم واكفخ كما الطير
عطني سما ياخوك والوي جناحي
(بدر بن عبدالمحسن)

[يفوق الوصف]

الله خلق لي نفس تسمو عن البوح
ماهيب اذا ضاقت من الهم باحت
بعض الجروح اتجي لك شوي وتروح
وبعض الجروح ان جات ماعاد راحت

[رسيس]

لا تنتظر مني حكي .. واسأل الصـمـت
........... يخبرك هذا الصمت .. وش كثر اعاني !!

ان جـيـت ابشكي لك همومي .. تألـمـت
.......... وان جـيـت ابسكـت.. هـمّ قلـبي كـواني !!

[يفوق الوصف]

خلاص نقطعها من اليوم مابيك
لا كيف حالك أنت .. لا كيف حالي
الله يبعد عن دروبي خطاويك
و الله يغني عن جوابك سؤالي
طولت بالي بس مليت اداريك
مليت من صدك ولو طال بالي
من يحتمل جورك وسطوة مباديك
حتى الشمالي .. ضاق صدر الشمالي

[يفوق الوصف]

من أسمع: كيف حالك ؟ ينقبض جفني على
دمعة تبغى تقول: الحال دمع و مهزلة
وأبلع العبرة و أقول: بخير و الهم انجلى
واخر الهرج اتلعثم فيه وانقض اوله
ليه غبت..ليه غبت..وانت اللي ما ملى
عيني الا همس صوتك في زمان البلبلة

[مقــدام]

في عيني اليمنى من الورد بستان
وفي عيني اليسرى عجاج السنيني

[يفوق الوصف]

هبي بريحه يا هبوب الشمالي ** كود الجنوب ومطلع السمش تنصاه

[عزام]

حالتي مثل المؤشر في طلوعه في نزوله= تنخفض بعد الطلوع وترتفع في كل حاله

[عواد العنزي]

الاياصاحبي والوقت قاسي___انا ماانساك لوذقت المئاسي
قسم بالله مالحضه نسيتك___و لا للغير صادقني حساسي






ع
و
ا
د

[كحيلان]

ياصاحــبي كـنّا ونبقـى حـلاحـــيل
للمـجــد نرقـى فــوق قـمّـة جـبلها

افـهـم عـدل لاتأول الوضـع تأويـل
والكلمه العـوجا مـن المـزح شلها

يومـنها بالسـيف والرمح والخـيل
نمـلك مـزايين الأبل مـع فـحـلـــها

نغيرفي وسط الضحى واوسط الليل
ونجيبها غصبٍ عـن خـشوم أهلها

ويـلان حــنا فـعـلـنا لــه دوالــــيل
نردم علـى كــبد المـعـادي عـللـها

وان زغردت ام الرموش المظاليل
وقامـت تناظـر كـيف ردّة فـعلــها

نشوش من زود السطر كالمهابيل
والمـوت احـلا عندنا مـن عسلها

متوارثين المجـد جـيلٍ ورى جـيل
فـتخـين الأيدي كاسـبينن نفـلــها

[رسيس]

" الضيقه " اللي تمر احيان وتعدي
مرت على البال هالمره ولاعدت

ثارت غضب في خفاي وبيحت سدي
نخيتها تبتعد عني ولاردت !!

وصديت عنها و لكن مانفع صدي
الله ياقو باسي كل مااشتدت

ماقول سود الليالي وقفتّ ضدي
اقول صافي نوايا بيضها اسودت

[مقــدام]

ولّ يازمان الذل والعار والخوف @@
ولّ يازمان الواسطه والميانه

وش يذبح الرجّال غير انه يشوف @@ اخس خلق الله ياخذ مكانه

[سلطان المشاعر]

يانجد ودي اغني بكـ على هوني
حورية الأرض فوق الأرض نجديه

[كحيلان]

ياراس راسي ليت ماني بمسحور ليت العجايز ماعطني دواهن

[يفوق الوصف]

ماكان عندي شي أغلى من الروح
ولا كنت أحب أحدً كثر حب روحي!
كنت أحسب إن الروح مابعدها روح
ولافيه روحن حبها مثل روحي!
وعرفت إن الروح ترخص لأجل روح
روحً غلاها زاد عن حب روحي!

[شموخ نجد]

انكسارالحرف في جملة البوح الاليمه<> يسجن اشجان الاسى بالنفس ويعذبها

[الشاعر الشمري حمود]

:yasser:



صرت اشوفك في عيون اللي إقبالي
هو يكلمني ....وانا ....مييت عليك

[رايق في الزحمه]

ياليتني رسام ورسمك ومحيك = ورسمك مره ثانية واحتفظبك
واشعلك شمعة للمزايين واطفيك = واشعلك مره ثانية واحترقبك
يالرائع الموهوب يالذوق يالشيّك = ياللي شموخك يرتقي مانحدربك

[العطاويه]

ياضايق الصدر بالله وسع الخاطر ......... دنياك يا زين ماتستاهل الضيقه
الله على ما يفرج كربتك قادر ......... والله له الحق في دبرة مخاليقه !

[يفوق الوصف]

يمّـه..على قل الوصال اعذريني
لاطالت ايامي عن الوصل ما جيت
يمـّه..ظروفي قاسيه سامحيني
عمري قدر..راحل على كف عفريت
يمـّه .. بعيد الدار..وادري تبيني
عايش بغربه موحشه..ما تهنيت
يوم انها جارت على السنيني
ادعي لي التوفيق..مهما تنحيت

[الذهبي]

احب اللي اذا سوى الغلط قـآل العفو غلطآن
..........حلات الشخص لآمن جرح روحاً يداويهآ

[شموخ نجد]

وش عاد لوقالوالحظ رحال رحله--- يمديه على شدرحال الوداعي

[فالح الفرهودي]

الله ولا الهاجس الي مايريحني
اشغل فؤادي وعناني وعنيته

[عبدالله بن عريمة]

ولجك الفجر ياليل الذهول اللي علي اظلمت
بعرضك واقع الذكرى بعيني عرض الافلامي

[رهب]

البـارحه لـي قلـب .. والفـال فالك
واليـوم لـي قلـب انجـرح مايسـامحك

[كحيلان]

من باعنا برخيص بتراب ينباع
ومن عافنا كل الجوارح تعافه
ماني بحاجه حب راعية خداع
والحب ماهو بالغصب والكلافة
عيبي عطيتك صادق الحب طواع
سلمت قلبي للهوى للي ما يخافة
لاتعتذر ماني لك اليوم سماع
وقت العذر عدا آوانه وطافه

[يفوق الوصف]

حتى الشمالي ضاق صدر الشمالي

[يفوق الوصف]

هم يحسبون المسأله كلها سلك
إذا انقطع تقطع معاه المسألك
مادروا إني بالاحساس أبادلك
مو شرط أشوفك وأسألك كيف حالك!
أحس بك لو كنت ماني مقابلك
وتحس بي لوكنت ماني قبالك
تدري وش اللي بس يقطع تواصلك
الموت بس الموت.. يقطع وصالك!

[يفوق الوصف]

يحسبون الصمت مثل الاول علامة للرضى ** مايدرون اني سكت لهالزمن الا قهر

[يفوق الوصف]

ياكثر ماقلت ابسوي وابسوي
ولافيه شي ٍ من الذي قلت سويته
راحت حياتى وانا اطري وانا انوي
واللي بغيته نسيته يوم سويته
انا احسب اني صغير وبالعمر توي
واثرني اقفيت واحلا العمر عديته

[محمد الحارثي]

ليل السهر والعشق من خافقي تـاب
ـــــــ أخذت أنا من دنيتـي كـل مقسـوم

محمد الحارثي

[يفوق الوصف]

ول ياكبر القهر لاصار ما بـ اليد حيله
والجروح من القرايب والخطا مني وفيني
إن نويت اشفي غليلي ما لقيت أية وسيله
كيف ابلقى دام جرحي سبته طعنة يميني ؟!

[شموخ نجد]

عشنادنيتنا لقاء وافراق وتوديع =حياة الوانها تتبدل تسجلنا ذكراها

[يفوق الوصف]

صـوت يا حطاب صوت يا حطاب
كان الدفا فاسك، إحـطب شراييني
صوت يا حـطاب، شقا الهوى غلاب
البرد يرجفني، والنوم ناسـيني
صوت يا حـطاب، أنا غريب أحباب
بين المسا والبرد، ضاعت عناويني
إحطب ولا تجزع، لو صاحت الأعصاب
إحطب ولا تجزع ..فاسك يدفيني

[يفوق الوصف]

وهبي بريحه يا هبوب الشمالي ** كود الجنوب ومطلع الشمس تنصاه

[عبدالله بن عريمة]

على جسر الغلا والشوق طرنا

ضمايرنا من الاشواق واحه

تسابقنا على اللقيا ابتسامه

ويواجهنا هوانا بالصراحه

ونتصادم ونهرب من بعضنا

ونخلق للخصام المر ساحه

رمينا ياملامتنا حجرنا

وعن مسراك وجه الفجر شاحه

يامتعبني احبك حيل والله

ومشكلة التعب وياك راحه

نهني عذلنا ولا هوانا

ونعاتب ليلنا ولا صباحه

عبدالله

[فزاع]

وجووووودي عليهم وجد من ودع الزووووار



نهار الخميس وصادف اعدااااااااامه الجمعه

[يفوق الوصف]

ياصاحبي لا تشتكي اليوم تندم
ويزود همك غم وتصبح تعاني
لكن تصبر دام ربي فتق فم
واصرخ بأعلى الصوت هالعمر فاني

[عواد العنزي]

تسلم عيون الي كتب باالشعر بيت=عل السعاده ماتغادر معاليه
تعبير مافي خاطري حرف خطيت=دونتها لااهل العلوم الااصيله



ع

و

ا

د

[يفوق الوصف]

فديت وقتن حط في دربي صديق
واحدن يضحك معي واضحك معه
واحدن لاصار وسط القلب ضيق
بالسوالف والمزايح وسعه
وان حكى بأسلوبه العذب الرقيق
يسرق من الجوف قلبن يسمعه

[مقــدام]

اخاف يفووت الفووق
وماتنفع الاصوااااات

[يفوق الوصف]

من غدر الايام جيتك كارهن نفسي
لوقلت لي وشفيك بكيت وقلت محتاجك

[شموخ نجد]

كل طاري للحزن يثيربقلبي مواجع--- واتنهد من جروح الزمن الماضيه

[عبدالله بن عريمة]

الاقيها من عيون الجفى ولا من الغيره

ونا والله من همي الطويل النفس منحاسه

[يفوق الوصف]

لابد للعسر المنوخ مياسير
ولابد ماتقفي النذارة بشارة
العبد ماله عن حتوف المقادير
واللي كتب لو هو بصندوق زاره