مناير اللؤلؤ
12-16-2008, 07:51PM
بسم الله الرحمن الرحيم
مســــــــــــــــــــــــــاء الخـــــــــير عليكم
مثل ماقلت اني راح انزل رد الأمير محمد الأحمد السديري على الرسالة المرسلة من الشيخ غازي العتيبي رحمهم الله
وفيها يقول
بديت باللي ينقص الخلق و يزيد
ذكره على كل المخاليق بادي
حي الكتاب وحي ذكر الأجاويد
عد الليالي المرمسة والجدادي
أهلاً وسهلاً بالمطرش تراديد
عداد مايمشي القلم بالأيادي
أهلاً عدد ماهل وبل الرواعيد
تحية فيها لذيذ الودادي
جاني كتابك يابعيد المواريد
تشكي من اللي مثل ظبي الحمادي
إن كان تشكي من هوى نافل الغيد
طفل حبل لك يالعصيمي وصادي
جمه ربت بين محص ٍ والغراريد
ماذارها بمروك الملح قادي
في مهمة يطرد سرابه مع البيد
تقطف زماليق الزهر بالركادي
أنا معك بالحال والمال والإيد
نمشي على نشر الحبيّب عنادي
نمشي قصاد ولا نطري تصاديد
نمشي على درب المخاطر عمادي
ناخذ على نشر الحبيّب تغاريد
ولازم يجي والعز طيره ينادي
إلى مشينا بالنمش والبواريد
نرمي بهم للطير يوم التنادي
والحب يرّث للمولع تناكيد
دايم وقلبه عامر بالجهادي
خل الثقيل من الهوا يقطع القيد
وكم واحد جسمه من الحب بادي
ضعّف قلوب أهل الفعول الصناديد
اللي فعايلهم تخيف المعادي
هرج صحيح من صدوق المواعيد
يشهد به التاريخ هرج وكادي
نمشي وهل سرد الحكايا ملابيد
يوم يجدع به سوات الهوادي
بياعة الإحسان شراية الكيد
إثقال النفوس مكثرين الدوادي
اللي على عوج الروابع مجاليد
ذولاك مايمشون ممشى القوادي
والفيصلي صياد الاضداد ماصيد
قطاع وا مضى من حدود الهنادي
مفراص يقطع قاسيات البواليد
محد لممدوح الفعايل يشادي
طيب وحاش الطيب من غير تحديد
وادي يسيل كوثره كل وادي
وبالله سلم لي على نايف الحيد
تراه ياغازي سمي المهادي
اللي على الطولات خيله ملابيد
وزبن الضعيف إن جاه حاديه حادي
هو مزبن اللي مالقاله مجاويد
مجرب جوده على الجود زادي
تنشرله البيضا مرار وتراديد
يوم الردي يغشاه لوم و سوادي
وشكرا
مســــــــــــــــــــــــــاء الخـــــــــير عليكم
مثل ماقلت اني راح انزل رد الأمير محمد الأحمد السديري على الرسالة المرسلة من الشيخ غازي العتيبي رحمهم الله
وفيها يقول
بديت باللي ينقص الخلق و يزيد
ذكره على كل المخاليق بادي
حي الكتاب وحي ذكر الأجاويد
عد الليالي المرمسة والجدادي
أهلاً وسهلاً بالمطرش تراديد
عداد مايمشي القلم بالأيادي
أهلاً عدد ماهل وبل الرواعيد
تحية فيها لذيذ الودادي
جاني كتابك يابعيد المواريد
تشكي من اللي مثل ظبي الحمادي
إن كان تشكي من هوى نافل الغيد
طفل حبل لك يالعصيمي وصادي
جمه ربت بين محص ٍ والغراريد
ماذارها بمروك الملح قادي
في مهمة يطرد سرابه مع البيد
تقطف زماليق الزهر بالركادي
أنا معك بالحال والمال والإيد
نمشي على نشر الحبيّب عنادي
نمشي قصاد ولا نطري تصاديد
نمشي على درب المخاطر عمادي
ناخذ على نشر الحبيّب تغاريد
ولازم يجي والعز طيره ينادي
إلى مشينا بالنمش والبواريد
نرمي بهم للطير يوم التنادي
والحب يرّث للمولع تناكيد
دايم وقلبه عامر بالجهادي
خل الثقيل من الهوا يقطع القيد
وكم واحد جسمه من الحب بادي
ضعّف قلوب أهل الفعول الصناديد
اللي فعايلهم تخيف المعادي
هرج صحيح من صدوق المواعيد
يشهد به التاريخ هرج وكادي
نمشي وهل سرد الحكايا ملابيد
يوم يجدع به سوات الهوادي
بياعة الإحسان شراية الكيد
إثقال النفوس مكثرين الدوادي
اللي على عوج الروابع مجاليد
ذولاك مايمشون ممشى القوادي
والفيصلي صياد الاضداد ماصيد
قطاع وا مضى من حدود الهنادي
مفراص يقطع قاسيات البواليد
محد لممدوح الفعايل يشادي
طيب وحاش الطيب من غير تحديد
وادي يسيل كوثره كل وادي
وبالله سلم لي على نايف الحيد
تراه ياغازي سمي المهادي
اللي على الطولات خيله ملابيد
وزبن الضعيف إن جاه حاديه حادي
هو مزبن اللي مالقاله مجاويد
مجرب جوده على الجود زادي
تنشرله البيضا مرار وتراديد
يوم الردي يغشاه لوم و سوادي
وشكرا