الشاعر اللي مايجيب العيد يقرب !

[طلال الدوسري]

كل عام وانتم بخير وعيدكم مبارك

معايدة خفيفة وإن كانت ساخنة فذلك لظروف الطقس :





سلام تسليمة وفا نارية=نار ٍ حطبها ناس فالميداني
الشاعر اللي يبغي العيدية=يجي وياخذ قسمته مجاني

[عبدالرحمن الدوسري]

مرحبا بك ياصبي الزايدية

مرحبا بك عد مايكتب معاني

مرحبا بك عند ريما الدوسريه

بنت قرم راقيا باعلا مكاني

[عقاب صقر]

الشاعر طلال اسمح لي اجاريك واستفيد منك
مع الاعتذار من الاخ عبدالرحمن لتطفلي على احقيته باللعب بس لاني شفته فاخت بحر الوسيمة
قلت اخذ لي مع الاخ طلال طاروق بارح والقلوب صحاح



اهلا هلا دام السوالف حيه=وان جات للميدان جاك حصاني
والشاعر اللي كرِّته مثنيه=عيَّد على عيدك بعيد ٍ ثاني

[عبدالرحمن الدوسري]

تستاهال ياعقاب الصقر والله يوفقك وانا سامح لك بس من الافضل وانا اخوك انك تقول لي ع الخاص مثلا او رساله زائر وانت غالي وعلى راسي من فوق لكن حصل خير (^.^)

[طلال الدوسري]

مرحبا بك ياصبي الزايدية

مرحبا بك عد مايكتب معاني

مرحبا بك عند ريما الدوسريه

بنت قرم راقيا باعلا مكاني


هلا ياعبدالرحمن وصح لسانك يابطل
بيتين ماعليها كلام لكن لم يحالفها التوفيق بملازمة لحن الشيلة
خالص تقديري ومحبتي