بعد الوصل ذقت العنا والقطاعه .. ضاقت مداهيلي وضاقت بعيني

[خالد الشعر]

:thumb:كلكم تعالوا هنا شوفوا قصيدتي وقولوا رايكم حبايب ألبي

....




مالي بها الدنيا مرام وطماعه= ومالي بعد حين المواليف حيني
من واجد الدنيا كنزت القناعه = ومن مشعل الضيّان تدفى يديني
الجود فيني جود قرم وجماعه = والغامض المبهم بشوفي يبيني
ماينحني راسي بسمعن وطاعه =الا لــربي خــالق الاوّليني
كم غاب نور ٍ كنت راجي شعاعه = وكم جرح أدمى في متوني وفيني
آطوّح بصوتي واعلّي شراعه = يالله عسى من غاب عنّي يجيني
بعد الوصل ذقت العنا والقطاعه =ضاقت مداهيلي .. وضاقت بعيني
للموت غصّه وقتها وقت ساعه = وبالعشق غصّات المفارق سنيني
من يستطيع الحب قبل استطاعه ؟ = ومـنهو يـلينه قبل لاهو يليني!
لو يعتلي من غبّة امري اشاعه =شفت الزهر والطير يمّي حزيني
ولوهو صفى لي وقتي المر ساعه = نذر ٍ علي انــّي لاتمم يميني
قد قالها المشتاق لو هي شجاعه = انّي لاخاطر وانتفض من عريني
لكن شرع الحب صعب صراعه = ياكود ليل الغافل المســتهيني
مالي بها الدنيا مرام وطماعه = ومالي بعد حين المواليف حيني



وسلامتي وسلامتكم :d

[ابراهيم صخري الغريب]

الشاعر القدير/ خالد الشعر.

تقبل

إعجابي

وتقديري

بكل

ماينزف


قلمك

المبدع.

ولك مني فائق التقدير والإحترام

[خالد الشعر]

الله الله

انا شاعر قدير

تسلم والله

مرورك خلاني أحس بقيمة اللي اكتب

شاكر مرورك العذب

[المتزن]

صح لسانك مليااار

سلااااام

[سلمان العايد]

صح الله لسانك

ياخالد الشعر

[خالد الشعر]

تسلمون حبايب ألبي وشكرن ع المرور