بنت ابوها!

[عبدالرحمن السميري]

حبيبتي لو تحرقين اعصابي=لو تغرمين بواحد من اصحابي
لو كبّل فراقك رحابة صدري=ما ظفرت اسماعك بطهر عتابي!
وإن كثروا اللي يحلمون بقربك=ما ينقصون ابهالحياه احبابي
و إن جات لغياب الفتى وحضوره= يكفيك عن كل الحضور غيابي
ماهو غرور ان قلت صدّي، لكن:=هو ليه انا اشقى بشي ما يشقابي؟؟
عشان اوضح فكرتي لعيونك= بذكر سبب من جملة الاسبابي
ماهو عشان وصالك امر ٍ سلبي= لكن عشان فراقك امر إيجابي
قررت نسيانك وهذا يعني=ذكراك ما تطرق جميع ابوابي
لا فالسهر ، لا الشعر ، لا في هذي=وهذي تراها موقعي و إعرابي
في قلبي! اللي كيف؟ وش سويتي؟=في داخله حتى وصلك إعجابي
وانا اللي ماتقدر عليه "الحيره"= اللي غلت فينا ، غلوّ مرابي
خليني اتسلى بما في نفسي=مادام ذي عيني و ذيّ أهدابي
لاتحسبين ان السهر متعبني=بالعكس ، يعطيني نصيب اتعابي
قصيدة ٍ بالعاطفة محتشمه=يوم الجروح تعرّي المنصابي
والشعر لو انه كلام ٍ يوزن=يمديه لا ودّا ولا هو جابي
الشعر هو صوت الحنين الهارب= للي ورى قضبان صمته غابي
لو كل شاعر يعتبر ما يكتب=فالشعر محسوب ٍ عليه احسابي
يمدي القصيده منه : بنت ابوها=لا عدّت الاحساب و الانسابي

[شموخ نجد]

صح لسانك وعلى شانك
المراقب و الشاعرالقدير
عبدالرحمن السميري

كلمات جدا راقيه باحساسها العذب
ماننحرم من جديدك
الف شكرلشخصك الكريم
دمت بخيرومحبه

[سفير المعاني]

الغالي
الشاعر
عبد الرحمن السمير
الله يسعدك بجميع اوقاتك
يسعدني ان اصافح نزفك بهذه
القصيده الجميله والرائعه بروعتك
صح لسانك وعلا شان لاعدمناك


وتقبل تحياتي

[سلمان العايد]

السميري


بدعت صح الله لسانك يالجزل


و إن جات لغياب الفتى وحضوره
يكفيك عن كل الحضـور غيابـي!!

الله الله

سجل اعجابي

[عبدالرحمن السميري]

::
الاخت العزيزة شموخ
شكراً لكل هذه البهجة اللتي منحتيني إياها بتواجدك العذب هذا.
دمتي بخير

[يفوق الوصف]

اخوي العزيز عبدالرحمن

غبت وطول غيابك علينا ولكن حضرت بمذهله

قصيدة رائعه وجزله وجميلة ك شاعرها

صح لسانك واحساسك


دوما ننتظر جديدك لا خلا ولا عدم


تقبل مروري وتحياتي

[خالد عوض العمري]

أخي الكريم عبدالرحمن السميري
كل عام وانت بخير
يشهد الله أني من المحبين لك ولشعرك با سم عبدالرحمن حديجان او عبدالرحمن السميري في المنتديات او في شطحات فهد عافت
ولولا أنني أؤمن بأنك شاعرُ كبير وانسان كريم لما كتبت الآتي:
هذه القصيدة أعلى من غالبية ماينشر من القصائد عموماً..ولكن من وجهة نظري أنها أقل بكثيرٍ من أن تذيل باسمك.....هذه وجهة نظر ٍ من أخٍ محب
حفظك الله
خالد عوض العمري

[عبدالرحمن السميري]

::
سفير المعاني
بحضورك إكتسى متصفحي بألوان الجمال
ريشة الشكر تعجز عن رسم "شكراً لك" كما يجب.
تقبّل تحياتي

[رياض الهديرس]

صح لساااااااااااااانك يا مجنون


لك التحيه من اعماق قلبي



مودتي

[ღ..همس.. ღ]

عبدالرحمن السميري

صح لــــــســــــانك شاعر .

قصيـــــــده رااااااااائـــــــــــعه

ومفردات جميله بـ معانيها


لاهنت



كل الشكر لــك

[عبدالرحمن السميري]

::
إعجابك يا "سلمان العايد" اعتز به
لذلك من الطبيعي ان اسجّله بأحرف من ورد في القلب
شكراً لك.

[عبدالرحمن السميري]

::
يفوق الوصف
وحضورك كإسمك تماماً.
"الغياب" قصيدة لم يكتبها شاعر!
بصراحة، انا سعيد جداً لإن قصيدتي نالت استحسان ذائقتك
شكراً يفوق..

[عبدالرحمن السميري]

أخي الكريم عبدالرحمن السميري
كل عام وانت بخير
يشهد الله أني من المحبين لك ولشعرك با سم عبدالرحمن حديجان او عبدالرحمن السميري في المنتديات او في شطحات فهد عافت
ولولا أنني أؤمن بأنك شاعرُ كبير وانسان كريم لما كتبت الآتي:
هذه القصيدة أعلى من غالبية ماينشر من القصائد عموماً..ولكن من وجهة نظري أنها أقل بكثيرٍ من أن تذيل باسمك.....هذه وجهة نظر ٍ من أخٍ محب
حفظك الله
خالد عوض العمري

::
خالد عوض العمري، وكل عام وانت بخير وصحة وسعادة.
لاتعتقد ابداً ان وجهة نظرك هذه تضايقني، على العكس تماماً
انت قاريء "صادق" واشعر بإنك تمتلك ذائقة صعبة
لذلك انا ممتن ومبتهج لمتابعتك لي ولما اكتبه من شعر، والاشادات اللتي حظيت بها من قبل الشاعر الكبير فهد عافت تأكد بأنني لازلت اضعها وسام على صدري كما اضع شهادتك هذه ايضاً.
اما عن قصيدتي هذه فهي ببساطة "بوح" احببت ايصاله ببساطة ايضاً
هذا كل مافي الامر.

شكراً بعمق ياخالد .