أغــلاهـم الـلـي فـي عــيــونـي ولا غــاب ؟!

[منصور الرويلي]

لا حول لا قوه ولا حرف وكتاب = لا حلم لا هقوه ولا ناس غالين
لا ذوق لا معنى ولا عشق واحباب = يستاهل اللي فات والحاضر الشين
الله كريم وكل موقف له أسباب = الخير وآجد .. والنشاما كثيرين
قبلك أنا عانيت من ظلم الاصحاب = الدمع فاض وغاض دم الشرايين
أغلاهم اللي في عيوني ولا غاب = يوم أنها ضاقت بي الخطوه سنين
ماجيتهم شاري ولا جيت جلاب = يقطع كفوفً مابها للعسر لين
مأبي لاحد منــّه ولابي لاحد ناب = لعيونهم كان النشاما عزيزين
جيت الحبيب اللي يبي عطر الاحباب = أبي الغلا والملح والظل والزين
وجيت الغريب اللي طوى عهد الاغراب = وجيت القريب اللي ربوعه حشيمين
بعض الخواطر وان حسبنا لها حساب = نفرش لها الواجب وظل القوانين
بين البحر والبر والريح والباب = مابه أمان يحطم اليأس والبين
العين تنخاني على طرد الاسباب = والقلب ضايق والمواجع براكين
يوم أتذكر وش كثر خاطري طاب = يوم أتهجا وش تقول العناوين ؟
كل الوجيه الوافيه صارت أجناب = عجزت أفــّرق بينهم حد الاثنين
هذا أنا مابين صادق وكذاب = تعبت أعاني غربة الخاطر الزيـْن
لو تدعي وأنا أدعي غدر الاصحاب = مابه دليل ولا عليهم براهين

:
:
:
""""
"""
""
"

[ميلاد اليماني]

صح لسانك شاعرنا القدير

منصور الرويلي

اجزلت

قصيده رائعه

صح لسانك

[محمد الرياحي]

منصور لافض فؤك

يالنشمي


جزله وانت اجزل

[منصور الرويلي]

ميلاد

حضورك الاجمل

شكراً من الاعماق

[ابراهيم صخري الغريب]

الشاعر القدير/ منصور الرويلي.


أبهجتنا في هذه القصيدة الرائعة


ماجيتهم شاري ولا جيت طلاب
يقطع كفوفٍ مابها للعسر لين


تقبل إعجابي وتقديري.

[سفير المعاني]

الغالي
الشاعر
منصور الرويلي

الله يسعدك ويديم نعمته غليك

اخي ابو نايف انا عندما اتصفح نزفك

اجدني امام نص له ثقله شعريا من

عدة عوامل مسببه لقوته ووضوحه

وجماله مهما كان مضمونه فانت

شااعر متمكن نحضر لنسجل الحضور

وما اقول الا صح لسانك وعلا شانك


وتقبل تحياتي

[منصور الرويلي]

لاهنت يانمر

وبيّض الله وجهك

[محمد السويلم]

الشاعر

المتألق


(منصــــــــــــور الرويلــــــــــــــــــي)



بين قوسين



ينعي الاسم يكفي



دمت ودام حضورك المشرف




تحية بحجم الشمس



لك مني



دمت بخير

[منصور الرويلي]

اخوي ابراهيم

اسعدني حضورك وشرفني أطرائك

[منصور الرويلي]

الله لا يهينك يابو محمد

شكراً من أعماق وجداني

[شجون]

صح لسانك مدد لاعدد
الف شكرا لك ولهذه
الشاعريه الفذه

[منصور الرويلي]

بدر المشاعر لاشرق ضوح نوره= على سماء صفحة غلايه من النور
أرسم من حروف القوافي سطوره= وأحرق بها رغيف حبً بتنور
رغيف حبً .. وأقـتسمنا حظوره = لك ماتيسير منه ولي منه ميسور
حرفً جمع كل العصوره بعصوره = من الفراق المر ماهو بمعذور
ياصاحبي كل الدروب مخبوره = وانا الخبير وصاحب العلم والشور
الحرف كــّون داخل النفس ثوره = وثارت غريزة عزتي قبل لاثور
اليوم بــّيــن من صباحه دبوره = نفحات ظلمً هــّملت قلب مقهور
تجاهلت كل المعابر عبوره = وعبر على سلك الاحاسيس وشعور
واخذ على صفحة سما الحب دوره = وحدد مواقعها من البر للدور
بكا قهر من قل لحظة سروره = دايم حزين وبعض الاحيان مسرور
والبدر لامنه شرق ضوح نوره= تشرق سماء صفحة غلايه من النور

[كلك نظر]

صح لسانك ورحم اله والديك شاعر قدير وجزل وبيض الله وجهك

الشاعر منصور الرويلي : تقبل مرور المتواضع يسلموووو

[المتزن]

يا سلام عليك شاعر متمكن

صح لسان مليون ولا يكفون



سلاااام

[منصور الرويلي]

سفير المعاني

شكراً على حضورك واطرائك

[يفوق الوصف]

صح لسانك وعلى شانك
اخوي الشاعرالقدير منصور الرويلي
كلمات لهاعذوبتها المميزه ومعانيها الساميه
اعجبتني كثير
ماننحرمن جديدك
كل الشكروالتقدير
دمت بخيرومحبه

[منصور الرويلي]

محمد السويلم

الشعر والشكر لك

[منصور الرويلي]

http://up3.m5zn.com/9bjndthcm6y53q1w0kvpz47xgs82rf/2009/6/12/12/1iddqrqxm.jpg

[أنا]

منصور ..
صباحك ,,وفاء .. في زمن الخذلان.
نص ..
ألجم خيول ألكلام ... .... وقيد حروف الرؤى ..أجبر ..المتلقى على ألأندماج فيه ..
والتفاعل ..معه ..لدرجة ألألم ..
عمق ..مفكر .. وجراح مجرب.. وحكمة خبير ..وحبكة شاعر..
نص ..
يجبرك ..على تكرار قرائته ..لتستمع به ..لآآخر ومضه ..
دمت بخير ...وتحياتي

[سعود ناهض الرويس]

منصور الرويلي

صح لسانك واعتلا شانك

قصيده كايفه وترضي الذائقه

وتقبل تحياتي ومروري يامبدع

[خيّالـهآ]

منصور الرويلي

صح بوحك ولاهنت


تحياتي لك,,

[منصور الرويلي]

كلك نظر
،
حروفك التي تقطر عذوبة
،
تزيدني شرفاً ورفعة
،
تحياتي وتقديري


[/b][/u][/CENTER]
[/SIZE]

[الفلاحي]

هذا أنا مابين صادق وكذاب = تعبت أعاني غربة الخاطر الزيـْن
لو تدعي وأنا أدعي غدر الاصحاب = مابه دليل ولا عليهم براهين




صح لسانك قصيده رائعه


تحياتي لك

[منصور الرويلي]

المتزن
.
حضورك يزيدني شرفاً ورفعة
،
تحياتي وتقديري لك

[سلطان بن دحيم]

منصور الرويلي

صح بوحك ولاهنت


تحياتي لك,,

[منصور الرويلي]

يفوق الوصف

من طيب ذاتك وذائقتك الراقيه

[ترياق]

الله كريم وكـل موقـف لـه أسبـاب

الخير وآجـد .. والنشامـا كثيريـن


صح لسانك قصيده رائعه بالفعل استمتعت بها


تحياتي لك

[الفلاحي]

أغلاهم اللي في عـيـونـي ولا غـاب = يوم أنها ضاقت بي الخطوه سـنـيـن

ماجـيـتـهـم شـاري ولا جـيـت جلاب = يـقـطـع كـفـوفً مابها لـلـعـسـر لـيـن


منصور

صح لسانك

قصيده رائعه

[الحياةكلمه]

صح لسانك شاعرنا
قصيدة رائعه
وفقك الله
تحيتي