بيت وكلمة مساحة بووووح

[خلف الشلهوب]

بسم الله الرحمن الرحيم

السلام عليكم ورحمة الله وبركاته

أحبتي في منتديات رهب الشامخه

اسعد الله جميع اوقاتكم بكل خير

أعجبتني فكرة تمرير الكلمه لما لها

من الأثر على الشاعر حيث يكون

لديه لياقه شعريه والعضو اللي ماهو

شاعر بأمكانه يجيب اي بيت يتطابق

مع الفكره بشرط ذكر اسم قائله

الفكره ببساطه هي ان تكتب كلمه

وتطلب من العضو اللي بعدك يكتب

بيت شعر يتضمن تلك الكلمه

مثال على ذلك

كتبت لمن بعدي ( شــمــــعـــه)

يجي اللي بعد يقول:

::


فجأه طفى نور (ن) تغذيه شمعه
ادهش خيالي مشهد(ن) روّع الحي


::

وتستمر بهذا الشكل كل واحد يكتب

عن الكلمة التي وضعها من سبقه

بيت شعر ومن ثم يختار كلمه للي بعده


كلي أمل ان تجد القبول والتفاعل

ولكم كل الحب والود

[خلف الشلهوب]

طبعاَ بمااني متواجد اقول لمن يأتي بعدي


الكلمه التي اختارها واهديها لكل متصفح



ورده
:r:

[جايز الشمري]

احلى من الفكره
مبتكرهاا






بهديك باااقة ورد ماهيب ورده
وان جيت قدامك بســـاتين غنّــا






( مبطي )









مع كل الود
جاايز

[خلف الشلهوب]

مبطي كتبتك في سجلي وخطيت
تبطي وانا ماحط واحد بدالك

( الحب )

كل الحب

خلف

[عبدالكريم الضبيب]

أكيد بـ تجد القبول والتفاعل ..
ونتمنى أن يستمر تثبيتها .
( أحساسك غير يابوسامي )


:

ياللي تقول الحب وهم وخرافه
عز الله انك من عديمين الاحساس

الحب نبراس الوفا والعفافه
آيه جعلها خالق الناس للناس





( وين أنت )

[محمد الرياحي]

والله روعه


ولي عوده

اشكرك

[كامل الاوصاف]

وين انت ياللي اتصل فيه مارد
قلي عسى ماشر يااغلى الوفيين

لمشرفنا خلف الشلهوب


اللي بعدي

(حس)

[خلف الشلهوب]

ابي انشدك ياصاحبي عن مايدور بخاطري

كانك تحس اللي احس يعني تراك تحبني


اللي بعدي

(الشعور)

تحياتي لكل من شارك ولمن سيشارك

[جايز الشمري]

نفس الشعــور آباادلك ..
اروي ضماك واشربك ..

عودي لمنهو عــاادلك ..
ياجمــلتن جيت اعربك ..




(سوالفك)




مع كل الود
جاايز

[خلف الشلهوب]

سوالفك ماملها
فيها العذوبه كلها

وانت وانا ياصحبي

نسهر على نور القمر


القادم يكتب عن

(الليل)
كل الحب

[عبدالكريم الضبيب]

:

من قصيده قديمه لي :

أنا توي عرفت أنك قليلة ذوق عديمة حس
ولاتلقين ألا اللي ضرب كاسه على كاسك

معاك الليل وانا ابقى على وضح النقى بالشمس
يكفي رافع(ن) راسي وأنتي خاضع(ن) راسك


( المسافه )

[خلف الشلهوب]

مبدعين مبدعين مبدعين

كل من هنا مبدع

..

المسافه بيننا فتر وشبر

وانتظرتك يالغلا ماجيتني


اللي بعد


(اللقاء)

[رفيع النفس]

مبدعين مبدعين مبدعين

كل من هنا مبدع

..

المسافه بيننا فتر وشبر

وانتظرتك يالغلا ماجيتني


اللي بعد


(اللقاء)



ياحبني لك اخي خلف والله يعطيك العافيه اخي العزيز,,

[خلف الشلهوب]

رفيع النفس

كل الشكر والتقدير حبك ربك كما احببتني فيه

تحياتي واحترامي لك

[جايز الشمري]

طال انتظاري واللقاء غاب طاريه ..
والشوق نــاره محرقه لو تحسّـين !!



لحظات

[خلف الشلهوب]

لحظات احس انك معي وين ماروح

ولحظه تجي احس فيها بغيابك




الانتظار




كل الحب

[جايز الشمري]

راحت ايامي ضحية انتظااار
والوعد لليوم هذا مااا صدق




ملل




ا

[عبدالكريم الضبيب]

:




ملل هم وتناهيد ومواجع أووووف
وش اللي مابقى فيني عقب ماراح


( وجد )

[جايز الشمري]

ياقااااطعن شريااان قلبي من الوجــد
احرقت محصول الغلاا في غياابك


شعوري

[عبدالكريم الضبيب]

:


شعوري ترجمه قلبي قصايد
ألحنها ليّا مني ذكرتكـ


( رهب ) :)

[خلف الشلهوب]

رهب رهب تبقى رهب

طول الليالي عاليه

اسمٍ ومنقوش بذهب

من الكل والله غاليه


كل الشكر لكم اخواني على المشاركه

وهذا سر تميزكم


اللي بعدي


(تحيه)

كل الحب

[عبدالكريم الضبيب]

:

تحية عز ياقلب(ن) نبض فيه الوفا بهبال
صحى ولاغيره غدر الحبيب وطعنة الصاحب

ياشر(ن) من بلاه اضحك لحالي قلت كيف الحال
عسى ماتسكن الضيقه مشاعر صدري الراحب



( العيد )

[خلف الشلهوب]

العيد واقف على الابواب
وانا وصوله يخوفني

اشتاق له وانطره لاغاب
متى على الله يشرفني


(الغياب)

[جايز الشمري]

تحرك احساسي تجاهك وهو ميت
واصبحت محبوبي ولا آشوف غيرك
لكن تعمدت الغياب وتماااديت
ماا طعتني وابعدت في خط سيرك
اعميتني عن شوف غيرك وقفّـيت
واصبحت ماااشوفك ولاآشوف غيرك



(( المساا ))

[خلف الشلهوب]

الله يسعد مساء الكل
ويعطر الصبح بالكادي




عطر

[عبدالكريم الضبيب]

كم كتبت أسمك على صدر القصيد
وكل حرف(ن) من حروفه في شطر

يارحيق الورد والمسك الفريد
علَني مـ اعدمك ياأجمل عطر



:





( الوله )

[خلف الشلهوب]

لامتى نخفي المشاعر يالهنوف
القلوب سنين تنبض بـ الوله



من قصيدتي الهنوف منشوره هنا

.
.


الحنين

[خلف المهيلان]

الحنين إلى خذا قلب ٍ مشقا
ماترك شين اباله ماطراله


والغلا ياضح ولا ونه تتقا
تعرفه من صاحبه اومن خلاله


لاصعق من لسعة اطلاله تلقا
مايتعدى قو صبره واحتماله


ارجواني كتبت مايروق لكم ولسمي
والزميل الرائع
مع ودي واحترامي للجميع
:r:

[عبدالكريم الضبيب]

الغالي خلف المهيلان .. صح لسانك
بس ليتك مختار لنا كلمه نبني عليها بيت شعر
الظاهر أنك نسيت .. :)

لكن أبشر .. أنا بطلب كلمه للي بعدي .

بختار المدينه العربيه المحاصره واللي تعرضت لمجازر أمس وقبل أمس
والله ينصر أهلها ويزيدها صمود وعزه وكرامه :

( غزّه )

[خلف الشلهوب]

غزه تنادي ياعرب وينكم فيه
وحنا العرب مانملك الا الاستنكار
اللي بعدي
المسافة


كل الحب

[خلف الشلهوب]

كيف اقرب هالمسافه
بيني وبين الحبيب
وكل خطوة باتجاهه
تبعده عني اثنتين

لو زهمت الصوت باسمه
ياترى هل من مجيب
ادري انه لو سمعني
مايرد بكلمتين
اعشقه
من كل
قلبي
والهوى
مافيه
عيب
والكرامة
و
المبدائ
بادئه في
الحالتين


كل الحب

[خلف الشلهوب]

نسيت اختار كلمة بالرد السابق
ابي اختار (شمس)

كافي قهر .. كافي سهر.. ياغايبة يكفي انتظار
يكفي سألت بعـالمك.. بالله ياشمس اطـلـعي

اللي بعدي (وصول)

كل الحب

[زايد الدغماني]

انتظاري تاه بين اربع فصول=ياصبر قلبي على طول انتظاري
مالقيت برحلة ادروبي وصول=يمكن اصل ساعة الموت احتضاري

الغالي خلف الشلهوب

اتصدق اني ماشفت ها الموضوع الا اليوم هههههه

والله انك راااائع ياخلف موضوع جميل جداجدا


(شف)

[خلف الشلهوب]

كل الشكر والتقدير اخي الغالي
زايد الدغماني
على حضورك الراقي والعذب
وحضورك الشعري العالي
الجمال لايكتمل الا بتواجدك

شف بالي من هبالي نلتقي عند الغدير
واثري اني من هبالي عايش بحلم الخيال

اللي بعد

كلمة (الخيال)

كل الحب

[خلف الشلهوب]

الخيال :

انتظرت اسبوع واكثر
أي زاير
للخيال
مالقيت انسان غيري
عايش(ن) واقع
خيالي
امتطيت الصبر وامرح

لآخر حدود
المجال

المصيبة لاتجاوز
كل حد(ن)
لأحتمالي

أسألك بالله قلي
يافدا قلبك
تعال
كيف اسعى
في وصالك
وانت ماتسعى
بوصالي

..
اللي بعدي كلمة

(اشوفك)

كل الحب

[تركي الرشيد]

فكره رائعة وجميلة اخوي خلف
عجزت اشوفك وانت اقرب من الرمش
........... ياسكنن بقصى الحشى ياحياتي

.
الكلمة ( الموق )

[خلف الشلهوب]

(الموق)

كل الشكر والتقدير اخوي تركي
على مشاركتك الرائعه والراقيه
اسعدك المولى ..
::
مشاركتي
:
يشدني منظر
جمال الطبيعة

لاشفت انا المنظر
تزايدبي الشوق

لأم العيون
الفاتنات
الوسيعة
اموت واحيا
بين الاهداب و
الموق

اختار لمن بعدي
(العيون)

كل الحب

[تركي الرشيد]

ابشر يالغلا والله انها عجبتني وراقت لي صراحه .. :) وانت رائع وما يجي منك الا الروعة والجمال ياغالي
العيون تهل دمعة من عناها
....... والصدر بالعبرات ضايق ومخنوق
ضاقت بي الدنياء وعالي سماها
........ ياويل قلبي من بلا فقد مخلوق
.
الكلمة (الأحساس )

[خلف الشلهوب]

الله يعطيك العافية اخوي تركي
ماقصرت بيض الله وجهك
وصح احساسك ولسانك
على هذا الابداع .
دمت مبدعاً

(الاحساس)

عذال درب الحب ماتترك ابليس
تتبع هواه ولاتحسب للأحساس

حاسو طريقي في رواغ وتداسيس
وضربتني ياشوق في مفرق الراس

اللي بعدي

(الطعنة)


كل الحب

[تركي الرشيد]

سيدي انا لست ممن يجارون جزالتك ولكنني اقتبس من نورك لآرسم لك شيئاً من انعكاس ضوءك ..
استلم ياغالي ..
الطعنة الي تذبحك ثم تنهيك
........ لاجت من يدين الحبيبة بظهرك
من عقب ماكانت تنور لياليك
........ وتفرح اذا شمت مع الريح عطرك

الكلمة ( الحنين)

[د سالم الفيفي]

الحنين

الحنين اللي تسلي فيه نفسك للحبيب
يا حسافة ما طرا في خاطري حتى أحن

كل ما طاف بحياتي يا حياتي من نصيب
ما رقا إحساسه بعض أبيات أو حتى لحن

ما مضى من قهر إجحافك هواجيسه تخيب
كيف تبغاني أحن لمعضلاتك والمحن

الزمن حرم حنينه والأمل أضحى غريب
والغريبة من يحن لخله أنتم أو نحن


المعنى القادم


الوله


كلمة المعنى للشاعر القادم

[خلف الشلهوب]

كل الشكر والتقدير د سالم
على اثراء المتصفح بنور قلمك

الوله

لامتى نخفي المشاعر يالهنوف
القلوب سنين تنبض بالـ وله
طال آسر شمسنا قيد الكسوف
الدهر خلى الموارد مقحله


(نسيم)


كل الحب

[عبدالكريم الضبيب]

يانسيم الصباح سلم على باهي الخد :)

:

عل يوصل سلامي يمكم للحجاز
منتشيبه غرامي مع هبوب النسيم

منهو اللي يحبك في شرف واعتزاز
بين كل الخلايق غير عبدالكريم .


(العنق)

[د سالم الفيفي]

كل الشكر والتقدير د سالم
على اثراء المتصفح بنور قلمك

الوله

لامتى نخفي المشاعر يالهنوف
القلوب سنين تنبض بالـ وله
طال آسر شمسنا قيد الكسوف
الدهر خلى الموارد مقحله


(نسيم)


كل الحب

الأخ الكريم

خلف الشلهوب

المنتدى والقوافي منيرة بوجودكم و جميع الأخوة الأعضاء ..

شكري و تقديري

الكلمة أو المعنى المطلوب العنق !!!!!! الله يعين !! ما حصلت غير العنق !!

اللهم أعتق أعناقنا من النار

أقول


يابنت لو حملك تسع (ت) اشهر , شوي !! = مو شغل تسعة , كل هذي العطايا !!


وان كان قالوا شي , شفناك كل شي = والبوح في غيرك ,, ذنوب و خطايا !!

العنق لفه عقد من أنجم و ظي = منه السما صارت لجيدك مرايا !!


حسنك أبد ما جف , بعروقه المي = يشبه نبع زمزم ,, جزيل الهدايا !!


رمشك يضللنا من الشمس بالفي = ظمي برمشك خافقي والحنايا !!


الكلمة القادمة

مرايا

[ريف النشاما]

ماشاء الله موضوع جدا جميل و يسعدني ان اشارك كبار الشعراء هذا الموضوع الجميل

المرايا

ماتت اللحظة عقب هجر المكان
,,,,,,,,,,,,,,,>>>> حتى صار الحزن يرتاد الزوايا
اسمع اصواته صدى تبغي حنان
,,,,,,,,,,,,,,,,>>>>>بعد موته كن تبكيه الـمرايا


الكلمة التاليه

الأطلال

[خلف الشلهوب]

كل الشكر للجميع



ماعاد باقي كود ذكرى للأطلال

اللي على باقي غرامك شهودي

الكلمة القادمة


((أمل))

[خلف الشلهوب]

عتدي أمل باللقاء لو طالت الغيبه
ياللي غيابك تعدى الحد وزياده

الكلمه القادمه



(اماني)

[ريف النشاما]

هد الحصون اللي تقف دون الامال
.......... و اكسر نظام العرف و اعرف مكاني
و اترك دموع العين لو دمعها سال
......... ما كــل دمـــعٍ تستصــــيغه امــاني

كلمة

( الحظ )

[عبدالله بن صبيح]

امس الهوى مكنون والقلب جــوفه ### واليوم ماتخفيه من حرقتي اعـــــذار

واليوم انا همي ظهربي واشـــوفه ### واشوف حظي مع هبوب الهوى طار

كلماتي

الشوق

[عنفوان صبا]

..


أرهق الشوق جفني
و محبوبي مادرى عني

/
\
/




حقيقة لا يمكن أن أجآري الشعرآء لكني أحببت أن اشآرك

فالموضوع أعجبني جدآ :)


لكم كل الشكر



/




الكلمة لمن بعدي


( عيونك )

..

[خلف الشلهوب]

تكرم مدينه لخاطر عين

وانا ارخص الكون لعيونك


الكلمة القادمه

(سلامتك)

شكراً لكل من مر هنا

[خلف الشلهوب]

طفلٍ تعاقب ماارتكب ذنبٍ ولا عمره سرق
يحلم ويطمح للأمان في ظل أمه مسلمه

يؤسفني اني مالقيت راد بعد ردي
ورديت مره ثانيه

[عبدالكريم الضبيب]

طفلٍ تعاقب ماارتكب ذنبٍ ولا عمره سرق
يحلم ويطمح للأمان في ظل أمه مسلمه




مسلمه .. :)




يؤسفني اني مالقيت راد بعد ردي
ورديت مره ثانيه




أفا والله .. أبشر يابوسامي .
والكلمه المطلوبه (سلامتك)




سلامتك يامعرب الجد والساس
ياعزوتي من بد كل الخلايق




الكلمه المطلوبه ( خلف ) :r:

:)

[جايز الشمري]

تقووول الكلمه < خلف > !!!
طيب استلم /

خلف صديقي تحياااتي العطــرهـ
تااصل مع كــريّـم يوصلـهااااا

الكلمة المطلووووبه
,؛‘‘؛ يــدّرج ؛‘‘؛,

[ظنون]

^


^



^


الجاهل اللي يزعج الصوت ويغير


على حمـام مصفيـات ببيـري





والجاهل اللي يشعل النار وينيـر


ويبدل الحصن الرمك بالحميـري





والجاهل اللي يستعين بطوابيـر


متجاهـل قـدرة إلـهٍ بصيـري





والجاهل اللي باع دينـه دنانيـر


يلقاه في يوم حسابـه عسيـري





والجاهل يــدّرج الحـوم ويطيـر


وياقع على الجيفات وقع خطيري


بس اسفه مااعرف من الي كااتبهاا
الكلمه المطلوبه
{~ العهد ~}

[جايز الشمري]

الجاهل يــدّرج الحـوم ويطيـر ..!


8
8
8



والجااهل اللي خاين العــهـد للغــيـر ..
لا ماالقى له نااصحٍ له شــويري ..!



الكلمة المطلووبه
< الـعـقــل >

[ظنون]

^
^
^
ذو العقل يشقى في النعيم بعقله ,,وأخو الجهالة في الشقاوة ينعم

^
^
الشدايد

[مهند بن سمران]

الشدايد مالها غير الشديد ** والهوان اغلب اوقات العفون



العفون :d

[مقيم السبيعي]

‏^‏
‏^‏
‏^‏
‏^‏
كان تسمع مهند بالعفون
.....‏ عزك الله عالم ماله دوى
ياكلون ويشربون ويلعبون
.....‏ مستواهم مع بهايمنا سوى

الكلمه
ربان

[زمان العجايب]

،
،
،
،

لاتعرضنا للهبايب وانت ربان السفينه
وانت ربان السفينه لا تعرضنا للهبايب
الشتاءيطرق ضلوعي وانت ماتقدرتدينه
وانت خابركيف ضميتك من سموم اللهايب
والخفوق اللي لجالك بعد عزه لاتهينه
كيف ترضاله المذله من بعد ماجاك تايب
وكان ناويلي المذله وانت ربان السفينه
ثامن(ن)والله شموخي من بعد سبع العجايب


للشاعر محمد جلوي الظفيري

المطلوب

(( هجر)

[خلف العاطفي]

هجر مثلك يالمقفى بدون اسباب
يفيد القلوب اللى تمنى بس تغربلها
هجرتك ثم بدلت الحضور اغياب
وثيقه طردك من القلب يالمقفى وتقبلها

مطلوب عن ( الوفى)

[رووز]

من خان وده لاتعده وفا لك
لو هو يعرف الود ماخان وده

ومن ذلك بفرقاه شيم وصالك
واليا بلاك بصد بالك ترده

خله يروح بطيب علمك وفالك
مادمت ضايع بين هزله وجده





(( الدم ))

[مقيم السبيعي]

لو كان عندك دم ماكان صديت
‏ ‏_ _ _ الا اذا فالدم نوع تجاري

مقيم

‏ ^‏
‏ ‏^
‏ ‏^

الكلمه
(قنديل)

[جايز الشمري]

اكتب قـنــاديــل واسمعني 00 احذف ألف وانطق الكلمه ! <- ايواا ؟



الكلمه المطلوبه
( جــايـز )

[خلف العاطفي]

تحيه للجميع
ولك يالغالي جايز الشمري
جايز يجوز انحذف هالحرف ياجايز
.......ونوجز الموجز اللى انجازلك جزنا

الكلمه... ميناء

[الغناوي]

على ميناء بحر حبك رست كل البواخر شوق
تحرالك ليامن جيت للميناء تناديني

الطير

[خلف العاطفي]

ان كان تنشد يالهويدي عن الطير
.....فالطير والله يالهويدى غدالي

العيون

[جايز الشمري]

بيض العيوون وخبز مع كوب شااهي 00 وجبه لذيذهـ وانت جرّب وذقهاااااا !


الكلمه : طـي

[خلف العاطفي]

بيض العيوون وخبز مع كوب شااهي 00 وجبه لذيذهـ وانت جرّب وذقهاااااا !


الكلمه : طـي
بالعافيه ياجايز
طي حالى عقب مافارقت طي
......الكرم والجود منهم منبعه
7
7
7

الصيد

[رووز]

من خصايص عنود الصيد كثر الطواري
وعادة الظبي يجفل لاتحرك ظلاله




( الغبينه )

[خلف العاطفي]

انت لو بس تعرف منزلك في حشاي
كان جازيت قلبي بحب ماهو بضغينه

والصراحه لوقلتلك مدري وش خطاي
بس قلبي مسامح ما يشيل الغبينه


البعد

[رووز]

الا ياصدر لك حنه ؛؛ وإلا ياعين دمعك دمع
وإلا ياقلبي اللي طاري البعد هستر به



( الجفاف )

[خلف العاطفي]

طلو ع الشمس منا كل يومٍ
.....سيهدي سدره الوادي الجفافُ

الشِّعْر

[رووز]

ياشعر لو ما انت عندي مثل الأسطوره
ما اتعبت نفسي ولا غنت بك الحاني



( الأسطوره )

[خلف العاطفي]

الاسطوره اللى تميز رووز بسطوره
.......يقبل لها الشعروراسه لها حاني


.......وطن....

[رووز]

مرحبا بالحرف في حب الوطن
مرحبا واغلى تراحيب القصيد
يا بلاد في ذرى العليا سكن
منبع للنور والمجد التليد







( الفااااارس )

[مشاكس]

الفارس اللي في الميادين مقدام &&& يسوى قبايل وفخرت به قبايــــــل




الفقـــــــــــــــــــــــر

[رووز]

لولا الهرم والفقر والثالث الموت
يالأدمي بالكون ياكبر شانك

ولولا الثلاث وشان من دبر القوت
نفذت كل إللي يقوله لسانك


( الجمر )

[مشاكس]

واعذابي مااصعبه جمر الوداع &&& خص لا وادعت لك شخص ٍ عزيز



الدمووووع

[رووز]

من ذلك بفرقاه شيم وصالك
واليا بلاك بصد بالك ترده

خله يروح بطيب علمك وفالك
مادمت ضايع بين هزله وجده

وان عميت عيونك وطيفه قبالك
حاول تغمض لا تراعي لقده

ان جابته دنياه وإلا حكالك
خل الدموع الصامته مستعده



( العفو )

[الغناوي]

ياسيدي سلطان قومني واقوم
وارجو من الله ثم منك المغفره

انا عن الزلات ماني بمعصوم
والعفو ياكيلان عند المقدره

الخيل

[جايز الشمري]

العز ماهو بالغنى والمظاهر // والخيل تفرق بالسبق حين عدوهـ !!


إنتظااااااااااري

[سر دار]

كانت هنا\

واليوم ماعادة هنا\

وكانت لنا\واليوم ماعادة


لنا\

ولا\اقوله ياكود\غير

الله لنا

الله لنا

الله لنا

[سر دار]

ابسئلك جاكم

مطر؟

ابسئلك جاكم

برد\

مازلت انابذاك المكان

واروح لطلالك

وأرد\

ابسئلك\ولابلاش\

الجرح توه \\


مابرد\


.


.


.


سردااار

[الغلا كله]

==

==

[جايز الشمري]

أنتظاااااري طااال والمووعد بدى :yasser: يااصل آآخر مرحله قبل الوصوووول ّ!!



الكلمه / توهــّجي

[خلف العاطفي]

توهّجى توه يجي توهّجي
...ياحلا بيوت الشعر فزي له طرب

من منهجه ماهج عنه منهجي
...وصبيت له كاس الغلا بيدي وشرب
>>>
>>
>
الليل

[جايز الشمري]

لا الليل بهموومه سرى // ولا الصبح شمسه مشرقه !!
لي صاحبن كل ماطرى // دمعي لعيني يغرقه !!

الكلمه // تفـتـّـق !

[الإدمي]

المصاااحف تفتق بيدين قرائها والقدس تنهدم بيدين اليهوود




السنافيه

[خلف العاطفي]

حسّـنا بـاقي ٍ ياحسّنافيـه مخبلك يامدور بالسنافيه

تاهبي حظي وذي اقداري ضعت وضيعت السنافيه

المطلوب

الـ..صاحب

[زمان العجايب]

لي صاحب وان ما تخلى تخليت

لا بد ما نهدم .. ولا بد نبني

الكلمة

الرحول

[خلف العاطفي]

من حوادث ومن ساهر انا
....بعت سيارتي وابغي رحول

القسايم والحوادث والعنا
....كلها لاجات لاكنها زحول

>>>>
العطا

[سامي العنزي]

بقيت انا اعطي لين ماضل معي شين
ياخوي وآخرة العطا مانفعني

من شافني يقول عني مسيكين
ادناهم اللي من تلاتي صفعني



الاخ

[شموخ الشمال]

يآخۈي يآ عزۈتي [ يآضحڪتي ۈبڪآي ]
يآمــن علے فزعــتي يميـنه فـي يمنـــآي
من لي سۈآڪ آللي علے أڪتآفه أرتڪي
أنت آلعضيد آللي أشد فيڪ آلظهر- { يآاخۈي

صديـــــقي

[ريف النشاما]

صديق عمري حشى ما هو انسان
...................صديق عمري حرف يسمع و يحكي


الجرح ...

[النجلا]

وحشة غيآبك : دمرت شآعر الجرح
.................... الله يسآمح طول بعدك وفرقآك !!



ذكرى

[سر دار]

*·~-.¸¸,.-~*

الشعرمعه انتنفس باالمعاني

مدري يكتبنا الم مدري اماني

وكن انا بيني ونفسي شي اقرب مايكون

يكون حرب

ولاتعاني عش حياتك لاتعاني لاتعاني لاتعاني

...سامح الكل وكل الله

واعرف انه فوق رب

وكل ماسائك يسرك / واستخير.

ورم حزنك للمواني...

حاول اكثرقوم ياالله...ورسم لنفسك طريق / وشق درب

انحت بصدرالجبال وقوم ياالله

وانتبه تيأس وتصبح شخص ثاني..!

شخص ثاني شي مُزعج بوصلة دربه

تخونه بين شرق وبين غرب

لاتقول انك تعبت ومامداني ولتعلق فاالزمن

غلطة زماني..

وارفع عيونك لربك.

وادع ربك

واعرف انه فوق

رب...


*·~-.¸¸,.-~*




سردااار

[الإدمي]

اعرف انه فوق

رب


رب غفور رحيم

جيت اسلم وبارك بشهر الخير والمغفره

جاني رده صفعة الم

غيرووووك


واتمنى تسلم في دنياااك


واختفى مثل ماحظر ....وبقيت مثل ماانا في صدمة الم جرح وجع

من وكيف وشالي حصل
من غيروني مادريت وماعرفت


هي هذى حياته قربه راحه وبعده تعب

تعب ومالقى يوم راحه تعب من اصحابه وخلانه
وكل من حاله كذا الله يعينه علي نفسه






الكلمه
,,,,,,, عيونها