متعب عقيل
11-24-2008, 01:37PM
اهداء لاحباب قلبي
غطرفي يا قوافي والمعي يـا سيـوف
افرحـي يـا بـوادي نجـد وتلالهـا
رش يا عيد عطرك من قزاز الحـروف
وانثره في بشـوت العيـد ورجالهـا
كل عام ٍ وعيني في غلاكـم تشـوف
فرحـة العيـد للـشـاري وكيّالـهـا
اقضي العيد قرب مخضبـات الكفـوف
والعيون النواعس حض مـن طالهـا
باشري يامعازف فن ضـرب الدفـوف
يا عسا روح روحـي ينشـرح بالهـا
اطرقي باب قلبي واقلطي يـا هنـوف
وادركي نفس محبوبـك بـرا حالهـا
زلزلي شاعر ٍ يطـرب لهـزّ الكتـوف
واصلـي ليلـة المسحـوب وهبالهـا
صفقي يا مشاعر وارقصي يا عطـوف
واسمعي يا عـراص الارض خلخالهـا
القوافي تغـرّد والمشاعـر ضيـوف
والحنايـا تغـازل فيـض زلزالـهـا
المدامـع تغنـي والمحاجـر كهـوف
والعبايـر تــرازم نــوّ همّالـهـا
تقهرين الجمال وعين ربعـه تشـوف
والمحاسن من اجلك خّلـت اشغالهـا
من زكاة المباسم وزّعـي للضعـوف
يغفر الطـرف للبسمـه مـن افعالهـا
نضرة العين تذبحني وتقتـل صفـوف
وغمزة الرمش تشرحلي عن احوالهـا
قام قاضي الدلع يشكي لشيخ الضروف
لكـن الحـرّ الأجـدل قبلهـم شالهـا
وصل قدره بقلبي لين حـدّ السّقـوف
يا مخازن خفوقـي رصّـي احمالهـا
المعاليق تبني من ضلوعـي رفـوف
والشراييـن تنشـز عـرش منزالهـا
لو بدا الغدر حربه واعلنه بالكشـوف
للوفـا فيـه حكمـه عندنـا قالـهـا
هالزمن عاد فيه الودّ عـدة صنـوف
والـردى والخيانـه غصـب نغتالهـا
من جليد العواطف سرت له فرو صوف
ومن هجير الصبابه عشـت بضلالهـا
ريحة المسك والعنبـر ونفحـات دوف
والمعتّق وريحـه فـاح مـن شالهـا
لو تجي منية المفتون حسب الشفـوف
كـان دينـار حبـي صـاب مثقالهـا
يوم جابت لي الذكرى حسين الوصوف
صاف قلبي وعصر العيـد غنّـا لهـا
غطرفي يا قوافي والمعي يـا سيـوف
افرحـي يـا بـوادي نجـد وتلالهـا
رش يا عيد عطرك من قزاز الحـروف
وانثره في بشـوت العيـد ورجالهـا
كل عام ٍ وعيني في غلاكـم تشـوف
فرحـة العيـد للـشـاري وكيّالـهـا
اقضي العيد قرب مخضبـات الكفـوف
والعيون النواعس حض مـن طالهـا
باشري يامعازف فن ضـرب الدفـوف
يا عسا روح روحـي ينشـرح بالهـا
اطرقي باب قلبي واقلطي يـا هنـوف
وادركي نفس محبوبـك بـرا حالهـا
زلزلي شاعر ٍ يطـرب لهـزّ الكتـوف
واصلـي ليلـة المسحـوب وهبالهـا
صفقي يا مشاعر وارقصي يا عطـوف
واسمعي يا عـراص الارض خلخالهـا
القوافي تغـرّد والمشاعـر ضيـوف
والحنايـا تغـازل فيـض زلزالـهـا
المدامـع تغنـي والمحاجـر كهـوف
والعبايـر تــرازم نــوّ همّالـهـا
تقهرين الجمال وعين ربعـه تشـوف
والمحاسن من اجلك خّلـت اشغالهـا
من زكاة المباسم وزّعـي للضعـوف
يغفر الطـرف للبسمـه مـن افعالهـا
نضرة العين تذبحني وتقتـل صفـوف
وغمزة الرمش تشرحلي عن احوالهـا
قام قاضي الدلع يشكي لشيخ الضروف
لكـن الحـرّ الأجـدل قبلهـم شالهـا
وصل قدره بقلبي لين حـدّ السّقـوف
يا مخازن خفوقـي رصّـي احمالهـا
المعاليق تبني من ضلوعـي رفـوف
والشراييـن تنشـز عـرش منزالهـا
لو بدا الغدر حربه واعلنه بالكشـوف
للوفـا فيـه حكمـه عندنـا قالـهـا
هالزمن عاد فيه الودّ عـدة صنـوف
والـردى والخيانـه غصـب نغتالهـا
من جليد العواطف سرت له فرو صوف
ومن هجير الصبابه عشـت بضلالهـا
ريحة المسك والعنبـر ونفحـات دوف
والمعتّق وريحـه فـاح مـن شالهـا
لو تجي منية المفتون حسب الشفـوف
كـان دينـار حبـي صـاب مثقالهـا
يوم جابت لي الذكرى حسين الوصوف
صاف قلبي وعصر العيـد غنّـا لهـا