لو تكرمتي دقيقه يالعنود .. مصافحه اولى

[سامي العنزي]

اشكر من دعاني لهذا الصرح الأدبي

واصافح قلوبكم بهذه الابيات




شاعرك ناداك باسمك يالعنود=اسمعيله لو تكرمتي دقيقه
المشاعر ماتبي اية شهود=والغلا ماله مع العالم وثيقه
الاحاسيس رسمت لوحة وجود=والاحساس اليانطق قال الحقيقه
في قصيد(ن)عذب ماله من حدود= كالعسل والشهد بعذوبة رحيقه
صادق(ن) مبداه وافي للعهود=في حياته ماتخلى عن رفيقه
والنسب اذا رجعتي للجدود=وايلي(ن) يفتخر بين الخليقه
جاوبيه انكان عندك له وجود=في حياتك بأي شكل وأي طريقه
لأن عينه ماتهنت بالرقود=اتقلّب الف مره بالدقيقه
تنتظر رجعتك ياظبي النفود=كأن بين رموشها شبت حريقه
صدقيه الياحلف لك يالعنود=ان بعدك صار شي(ن) مايطيقه




تحياتي وتقديري

[خلف الشلهوب]

هلا بالغالي سامي العنزي

حياك الله وبياك واسعدنا حضورك
كل الشكر والتقدير لك على قبول
دعوتي والمصافحه بهذا النص العذب

صح احساسك ولسانك ولاهنت



تحياتي لك وتقديري

[جايز الشمري]

صادق ٍ مبداه واافي للعهود
في حياته ماتخلى عن رفيقه


ساامي
صدقيـه لياحلف لك يالعنوود

أو بالأحرى
أصدقيه .. فبعدك اصبح لايطااق ..

بوح يمتزج بين سطوره كل حرف
بكتله من الاحاسيس
التي صاغت الكلمة تلو الكلمة
لتترجم لنا الصدق والوفا في اعماقك

صدقيه لياحلف لك يالعنود

االنسب اذا رجعتي للجدود
وايلي ٍ يفتخر بين الخليقه

والنعم فيك يابن وايل
وصح لساانك


لله درك على هذه اللوحه الأكثر من رائعه

كان لي شرف المصافحه







مع كل الود
جاايز

[رهب]

لأن عـيـنـه مـاتـهـنـت بـالـرقــود
اتـقـلّـب الــــف مــــره بالـدقـيـقـه
تنتـظـر رجعـتـك ياظـبـي النـفـود
كأن بيـن رموشهـا شبـت حريقـه



سامي صح لسانك واحساسك
قصيده رائعه ..
وحظورك اروع
تشرفت بالمرور وقراءتها
لا عدمتك
تحياتي لك
رهب

[عبدالكريم الضبيب]

في قصيد(ن)عذب ماله من حدود
كالعسـل والشهـد بعذوبـة رحيـقـه



وأنت والله عسل بهالقصيده
صح لسانك يالوايلي ..
أجدت وأبدعت .
وحياك الله ..
أسعدتنا بأنضمامك لهذا الصرح الثقافي الكبير .
والشكر موصول لمن قدملك الدعوه ..
تحياتي لك

[سفير المعاني]

الغالي
الشاعر
سامي العنزي

اسعد الله بجميع اوقات بالخير

قصيده جميله ورائعه بروعتك

بكلماتها ومعانيها فشكرا لك

والشكر موصول لخلف اللذي

دعاك وصح لسانك وعلا شانك

تقبل تحياتي

[سامي العنزي]

ابو سامي

مشكور على حفاوتك وان شاءالله نكون عند حسن الظن



تحياتي لك

[سامي العنزي]

صادق ٍ مبداه واافي للعهود
في حياته ماتخلى عن رفيقه


ساامي
صدقيـه لياحلف لك يالعنوود

أو بالأحرى
أصدقيه .. فبعدك اصبح لايطااق ..

بوح يمتزج بين سطوره كل حرف
بكتله من الاحاسيس
التي صاغت الكلمة تلو الكلمة
لتترجم لنا الصدق والوفا في اعماقك

صدقيه لياحلف لك يالعنود

االنسب اذا رجعتي للجدود
وايلي ٍ يفتخر بين الخليقه

والنعم فيك يابن وايل
وصح لساانك


لله درك على هذه اللوحه الأكثر من رائعه

كان لي شرف المصافحه







مع كل الود
جاايز
شكراً لك أخي
جايز الشمري
على مرورك وتعليقك الجميل

تحياتي لك

[عقاب]

سامي العنزي

وسبعة انعام بالاد وايل ولاتكفي

صح لسانك على هذه الرائعه


تحياتي

[أحمد المجلاد]

صح لسانك أخوي سامي العنزي

قصيدة رائعة ومعبرة

[العطاويه]

صح لسانك شاعرنا الرائع سامي
وحياك معانا
سعدنا بهه المصافحة الجزلة
وننتظر مزيدك بكل شوق

دمت بالخير


\
/
\


العطــــاويه