:: مسابقة ..التصوير الشعري ::

[شامان]

http://www.rhb-reema.com/vb/uploaded/810_1227095461.gif

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

الشعراء والشاعرات الكرام .. بمنتديات رهب
نرحب بكم معنا هنا .. في مسابقة التصوير الشعري
كفكره حبيت طرحها في هذا الوطن
والمسابقه مفتوحه لجميع الشعراء والشاعرات المتواجدين معنا ماعدا الطاقم الإداري ’’ والمشرفين على المسابقه ..

والمسابقه بإختصار ..
هو أن نطرح لكم تصوير عن حاله عاطفيه .. كقصه ,,
وما عليكم إلا كتابة 10 أبيات تتحدث عن الحدث ,,
يتقمص الشاعر شخصية بطل القصه ,, ومن ثم يعبر عن الحاله بأبيات شعريه ,,
ومن يفوز بالمسابقه يحصل على وسام الشاعر الذهبي
http://www.rhb-reema.com/vb/uploaded/810_1227096215.gif

شروط المسابقه ,,
- المشاركه لمره واحد لكل مشارك
- كتابة عشرة ابيات لاتزيد ولا تنقص (ابيات تصويريه )
- بالتأكيد اكتمال شروط القصيده ( المقفاه ) والمكونه من صدر وعجز
- لايقبل الشعر النثري
- تنتهي المسابقه في 30/12/1429 هــ
-----------------------------------------------
ومن ثم يتم إعلان الفائز ,,, بعد أن تدرس اللجنه كافة المشاركات

-----------------------------------
تأكدوا إنه هذه المسابقه ماوضعت إلا للتنافس على الإبداع والكتابه
كما أن هذا المنتدى موطن للإبداع وللإطلاع وحريصين على ان يكون في لقائنا فائده للجميع ,,, وجمعنا الله وإياكم على الخير

[شامان]

http://www.newmiracles.org/images/weeping747.jpg

(( القصه وهي من خيال الكاتب ))

بدر شاب يبلغ من العمر 24 أحب فتاة كحبه لنفسه وربما أكثر
وآراد ان يجتمع معها بالزواج وعلى سنة الله
فتقدم وخطبها من أهلها .. ومرت عليهم مرحله جميله جداً
وفجأه ... أنصدم بدر .. من طلب فسخ الخطوبه .. وطلبها وبكل إصرار ان يبتعد بدر عن حياتها ,, فتفاجأ بدر أن هناك من وشا فيه ودبر مكيده ,
ولكنه وبعزة النفس التي طغت على الحب في قلبه .. أصر ان يتقبل الأمر ويبتعد .. حيث انه قال في قرارة نفسه ( لو كانت تحبني مثل ما أحبها .. سألت أو تأكدت من هالشي ؟؟؟ .. قبل لاتصدر قرار .. يحطمني .. وهي تعرف تماما ماهو حجم حبي لها ؟؟؟ وإلى أي مدى ,,, ومرت اليام وبدر يعيش في حزن دفين ,,, وألم ... ولا زال يتسائل ؟؟ كيف يكون الحب عند بعض القلوب ,, كقناع تتقنع به ..
وبينما هو يفتش آدراجه بغرفته .. وجد رساله قديمه من خطيبته السابقه وهي أول رساله له منها ... وفيها اعتراف بحبها له ... وخصوصا وانه حاول ان يسمع كلمة أحبك منها ))
اختنق بدر بعبرته ,, وسرح بعيداً ليعيد كل ماحدث من البدايه حتى النهايه ... وطرح تساؤل .. هل يعود ليثبت لها ؟؟ انه مظلوم من المكيده التي دبرت له .. أم يعاند قلبه ؟؟ وربما يعيش حياة افضل وعالم ثاني



-------------------
بإنتظار المشاركات ,, هنا ,,
وآمل من الجميع الإلتزام بالقوانين
وتمنياتنا للجميع بالتوفيق

[رهب]

شامان ..
موضوع جميل والجميع بيشارك ..
اشكرك ..
تحياتي لك
رهب

[يفوق الوصف]

أحسنت يا شامان بروعة خيالك

ودفء احاسيسك

والمسابقة رائعه بفكرتها وبطرحها وبكل جوانبها

وان شاء الله تقام على اكمل وجه


وجميع الشعراء بيرحبون بها ويشاركون


وتسلم على البادرة الجميله منك



تحياتي لشخصك الكريم

[يآســر]

مسابقة جميلة تشكرك عليها ياقدير
حيث من خلالها سنستمتع بأجمل الأبيات
ويتخللها روح المنافسة
كل الشكر لك ياعزيزي
:rhb:

[شامان]

رهب
الجمال في تواحد المبدعين وتواجدك لاعدمناك
والله لايحرمنا من حضورك

[شامان]

يفوق الوصف
مرحبا وحياك من ملفاك إلى ملقاك
وهذا المنتدى الراقي والنقي يستاهل مننا نقدم له كل ماهو مفيد ليكون في اللقاء ارتقاء نقاء
دمت ودام حضورك

[شموخ نجد]

تسلم يمينك اخوي شامان
والله يعطيك العافيه
على جهود ك القيمه ابداع حقيقي
و القصه رائعه تحاكي واقع كثيرمايحصل
كل امنياتي لشعراء بالفوز
تقبل مني خالص الشكروالعرفان
ودي وتقديري

دمت بخير

[خليف الوهيداني]

شامان

بيض الله وجهك

وقصه صراحه رائعه وانت اروع

جميل طرحك وموضوعك مميز صراحه

وتسلم وان شاءالله نشارك بموضوعك

مع زملانا الشعار

لك كل الود

[سلطان المشاعر]

اتمنا التوفيق للجميع

تحياتي

[احساس شاعر]

شامان
هل تُكتب القصيده في اخر لحظه يعني في اللحظه الاخيره
اللي هي تفكير بدر بالماضي وإعادة شريط الذاكره ؟

اشكرك على الفكره الرائعه
وبالتوفيق للجميع
دمتم بخير

[عبدالكريم الضبيب]

:

الأخ / شامان

الله يعطيك العافيه على هذه المبادره الملفته ..
بمسابقه تحمل طابع المنافسه شريفه ..

وتثبت لمن لديه القدره على تقمص الشخصيه
أن يتخيل ويبدع .

وتستحق من جميع الشعراء أن يشاركوا فيها .

والله يوفق الجميع من شعراء
ومن مشرفين على هذه المسابقه ..


تحياتي وتقديري

[شامان]

ياسر
دمت ودام حضورك ,, والجمال لايظهر هنا إلا بتواجدكم وعطائكم ,, والله يقدر الجميع على ان يكون هذا الوطن رائع وراقي ,, كإسمه

[شامان]

شموخ نجد
ويسلم حضورك وعطره
شكرا لتواجدك ولكلماتك ,,

[شامان]

خليف الوهبداني
ووجهك ابيض ولاهنت على حضورك وننتظر ابداعاتكم

[شامان]

الله يوفق لك ياسلطان
ولاهنت على حضورك

ولازلنا بانتظار المبدعين

[شامان]

احساس شاعر
مرحبا بك تراحيب المطر

اي نعم .. اخوي ..
لو الشاعر مكان بدر .. وبيرسم معاناته على ابيات شعريه .. من الالف الى الياء في عشر ابيات

بانتظار ابداعك

[النداء الأسير]

اخوي شامان
بيض الله وجهك فكره جميله
سوف تخرج لنا تصوير شعري اكثر من رائع
بالتوفيق للجميع

[سفير المعاني]

الغالي
الشاعر
شامان

الله يسعدك ويوفقك لكل خير

شكرا لك على موضوعك وفكرتك

واتمنى ان يتفاعل مع موضوعك

زملائك الشعار واشكر من تفاعل

بيض الله وجهك ووفقك لاهنت

تقبل تحياتي

[رفيع النفس]

ابشر ياخي شمان الي تبي بيصير بذن الله


معا النني هالايام مشغول ولكن بحاول

بالي يرضيك ويرضي اعضى هالمنتدى الرائع بوجود الجميع


تقبل تحياتي ,,,

[رَيًماْ اًلَبْراَهّـيًمَ]

يسلمووو شامان ويعطيك العافيه 000
مسابقه فريده من نوعها 000
تشاااو

[محمد الرياحي]

الله يحفظك

ياشامان


مسابقه


روعه



الى الامام

[بدر بن صقر العجالين]

:thumb:هذي قصتي بأسمي محد عارف لها غيري انا:thumb:

افا عاد انا شاري بشت جديد:nono: يعني مافيه عرس:(1

طيب انا اعلمها :d خلوها علي

استلموا يالربع:yasser:هذي ابيات على الطاير



رسالتك تطري علي الحناني=أيام اول يوم كنتوا تحبون
هذي نهاية حبنا والأماني؟=الله واكبر شغل الأيام وشلون!!
خليتني وحدي لحالي أعاني=بأسباب هرج الناس واللي يقولون
كنت أتحرى عرسنا والتهاني=لكن حلمي صار ذا اليوم مدفون!
خليت للكايد قرار ومكاني=يدخل مابين الحب عاذل وملعون
طعت العواذل يالغلا في ثواني!=نسيت حبن داخل الصدر مكنون
واللي يحب انسان ماطاع ثاني؟=حسب الأصول ان كان للحب قانون
دامك تبعت الناس مانيب عاني=لجلك ولا اتعنى على شان مجنون!!
قلبي عنيد وعن غرامك نهاني=قطعت عرقن في سما الحب مرهون
هدمت في قلبي لحبك مباني=وفيت ديني بعد ماكنت مديون

[منصور الرويلي]

http://www.newmiracles.org/images/weeping747.jpg

..

الــــدمــــعــــــة ؟

..




لا تسأليني عن الدمعه وغربالي = الصمت حكمه وصدري بوحه يتله
وكأنك غديتي سؤالي عند عذالي = فيني سؤالٍ ؟ جوابه مقدر أوصل له
وكان البشر في عيونك حالهم حالي =حـالة عــدوك وشفـت من العنا كله
لقيت دربي طويل وطال ترحالي = والحبر تدمع عيونه دم وتهله
أمشي ورمشي بدمع الهم يبرالي = حتى غدا نزف دمعي شعري وظله
ياجرحي اللي لقيتك تسرج أظلالي = ياليت يقـدر يساير شاعـرك ظـله
تعبت أواسـيـك والقى الحزن موالي = والحب لامن بغيته ماقدر أدله
ياعل شعرٍ يطــّول صبره أمثالي = ولاكل دربً آهيمه يوم وأمله !!
هذا هـو الشعـر عل البوح مدهالي = ياسيف صدري وبوحي كل ماسـلـّه
كيف أستظل أبغلاك وأشهب اللالي = وأنا التعب يستـثـيـر الـنـزف وأمهل له
ولو كل شيٍء تمنيته تـهـيالي = في ذمتي ماشكيت الحال من عـلـْه

[منصور الرويلي]

http://www.newmiracles.org/images/weeping747.jpg



(( الـسـهــر والــدمــع والــدرب الـطــويـل ))
..
..

..

السهر والدمع والدرب الطويل = والنهار اللي شكى همه وليله
كلبوها من سبب ذاك الرحيل = يوم عـّـزم بالجفا واعلن رحيله
كن في صدري من الفرقا فتيل = لاذكرته شب في قلبي فتيله
لاذكرت الزين نقاض الجديل = برْي حالي كل مايطرق جديله
وجد حالي كل ماهب العليل = يرسل النسمات بالروح العليله
صغت به قافي من الوزن الثقيل = والمعاني مايجي فيها هزيله
لو يغيب سنين ماغيره بديل = وحالفً بالله ما أدوّر بديله
الجميل ماعاد يجزا بالجميل = والخليل اليوم مايذكر خليله
الوفا بالوقت هذا مستحيل = والليالي في هداياها بخيله
أرتكي لهموم خلق الله وأشيل = وأنا حملي مالقيت اللي يشيله

[منصور الرويلي]

(( دمـــعــة نـــــــدم ))

.

دمعة ندم وآقـفـت على رمش الاحـلام = صملـه شجاعـه بخـوف نفـسٍ جفولـه

دمعه أمل جفت على ارض الاوهـام = جـفـت قـبـل كــف الـثـرى لاتطـولـه

دمعـة قهـر سالـت علـى خـد منـظـام = اصـدق مـن اللـي مايكــّــذب رسـولـه

جمرة سهر تـرمـد واذا جيـت آبنـام = شـبـت تـقـول الـويــل نـــوّخ ذلـولــه

قلت انطفي ماني علـى خبـرك العـام = اصعـب مـن اللـي مستحيلـه حلـولـه

واللى على خلقه فرض دين الاسـلام = ان الحـزن فـي داخلـي صـار دولــه

مـن يـوم ماتـت .. كـن ماقبلـي ايتـام = اشـوف حلمـي لكـن ازريـت أطولـه

اخطتـنـي اسـهـامٍ وصابتـنـي اسـهـام = قــــولٍ يـتـرجــم ماتـمـنـيـت قــولــه

هـذا أنـا مـيـت ظـمـا وانــزف هـيـام = ارقــى بحـلـمـي ويـتـــّعـثـر حـصـولـه

هذا أنـا رغـم احتظـاري مـن اعـوام = مـازلــت حـــيٍٍ يسـتـثـيـرك مـثـولــه


""""""""""
"""""
""


http://www.newmiracles.org/images/weeping747.jpg


""""""""
""""
""





**
*

الـدمـعـه اللي بعـثـرت لحظة البوح = هـدت معاها فرحتي حلم عمري
أهـرب من اللوعات ويلقاني النوح = وأرجع لدمع البوح والقاه جمري
من وين ماوجـهّـت ؟ ومـنـيـن ماروح = تجـفـاني الـوجـهـات وأحـتـار بأمــري
أقضى نهاري صمت والصوت مبحوح = والليل قضـّـيـتـه على ضوء سمري
الى متى ياغربة العمر والروح = لون الامل مابين داكن وخمري
ماعاد فيني قـلب يـتـحـّمـل جــروح = لازالت جروحي من أيـّديـك حِمْري
يامجدد آهاتي من القلب مسموح = الله يـبـيـحــك ياسبب كل دمــري
تحكي الدموع وتنخرس لحظة البوح = يا الـعــبـره اللي حـطـمـت حـلم عـمري

**
*









خيول فكري قيدهن حطمنه = وبين الامل واليأس حطمت قيده
خانن رموشً دمعهن وقفنه = ياصعب والله دمع خطو الوليده
رجيتهن مايرسلن وأرسلنه = حتى غرق خدي بنار الوقيده
حسبي عليهن بالعهد خوننه = وخانتني الدمعه وصارت أكيده
لمحتها من فوق رمشً بلنه = نظرات عبدً خان في عهد سيده
لاصار ماهدومك جسدك أسترنه = من عاد ترجي هم قلبك يفيده
عزاه من جور الليالي أبعــّدنه = يلين لو قلبه سوات الحديده
آهات صدري والجروح الاسنه = تزارقن صدري بغصت وريده
كلن على الثاني حسامه يسنه = ملعون راعي التفرقه والمكيده
الاسئله وحلولهن دوّرنه = وضاع الجواب بظل جمله مفيده
0

[ابراهيم اليحيا بن مريح]

يعطيك العافيه على الطرح المميز تحياتي

[عبدالله بن عريمة]

قلم جميل ياشامان،، وقصة رائعة بالفعل ابدعت ،،

وارغمتني بقلمك ،،ان اكتب عشر ابيات،، لامن اجل الفوزفحسب،،

وتضامنا مع بدر،، وفقده خطيبته،، التي احبها واحبته،،

ولكن كان الكيد بالمرصاد ،،، وفي العجلة الندامة ،،

وفي حسن الظن السلامه ،،

تقبل تحيااتي

[منصور الرويلي]

http://www.newmiracles.org/images/weeping747.jpg






يادمعة الحرمان .. ياطيف الأحباب = ليـت المسافـه والقطاعـه نهاريـن

ان قلت مابه شـك والظـن ماخـاب = يقيـن والحجـه عليهـا براهـيـن

وان قلت هالمعنى لي أقـلام وكتـاب = في لـون واحـد ماتكوّنـت لونيـن

ماقلتها وأسمي لها حضور وغيـاب = شاعر ولاني عاشق اليـاس والبيـن

لي بالفرح والهـم موعـد ومرقـاب = ولي بالتعب والعشق دمعه وجرحيـن

أنسان بالدنيا لي حروف وحساب = وبالحظ والقسمه لي عيون وايدين

وبين المرايـا والملامـح والأسبـاب = ان جاد حظي كل واحـد لـه أثنيـن

الشوق غالي والأمل مهـر الأحبـاب = والحلـم واحـد والأمانـي ملاييـن

ان قلت أنا مثلي مثل كل الأصحـاب = أحب واكـره فـي حـدود وقوانيـن

أقولهـا صـادق ولانـي بـكـذاب = غير الـمـهـا ماعندي أحبـاب غاليـن

[ابراهيم صخري الغريب]

الحب غلطه والوفا فيه معدوم = وغلطة زماني عشتها في غرامه
اللي هجرني واودع القلب محروم = حتى العذر مايعتذر في كلامه
وقلبي من اسبابه غدا اليوم مهموم = ودرب الهوا والشوق يوحش ظلامه
خلا حياتي بين ظالم ومظلوم = وعلق على صدر الخيانه وسامه
واخلاص حبه والوفا صار مزعوم = دايم يجاملني ولا ادري علامه
لاشك ماني بالهوا فيه ملزوم = ماعاد لي رغبه ولو في سلامه
واللي مضى واللي جرا شي مقسوم = الله يساعدني وأنسى غرامه

[متعب عقيل]

لا شاعر ولا لي بالشـــــــعر حاجــــــه
اكتب حروف الصدق مشاعر و احساس

ابعد ادروبي عن درب الردى و السماجه
ماريد من العرب لاصيت ولا شرهه ولانومـاس

[عبدالله بن عريمة]

قالت وداع وسيف الاوجاع مسلول= فرقى جرت بين الخليل وخليله

وقفت وفكري شارد البال مذهول = بين الوصال وبين لوعة رحيله

واغضيت واغضت وازرق الدمع مرسول=واقفت تلاحظها الدموع الهميله

راحت ورى ليل.ن. من البعد مجهول =ومن بينا جرد الفجوج المهيله

اصفق على كفي بكفي ونااا قول = والله ،،مابيدي وبيديك حيله

عزيت حب.ن.فـ اول المهد مقتول = باول ربيعه ماجنينا حصيله

كيد الوشاه ومسرح القيل والقول = كم فرقوا وادموا قلوب.ن. عليله

والطيش وتئويل المسافيه مسؤل = والحلم راس المعرفه والدليله

ونا من عقول المهابيل معلول = اللي إلى اصغى قربعه هد خيله

واللي مايشري خوتي - سيف مصقول = يبيعني لاوحى الهروج الهزيله

[خليف الوهيداني]

ياوجودي وجـد مـن سجـن ظلـم وعذبـوه = مابه الظفـر فـي يديـه المحقـق ماشلعـه
او وجود اللي على شاطـي البحـر تركـوه= جاهل(ن)طب البحـر مـدرى عـن مصرعـه
مايعرف البحر واهله على الشاطي نسوه = وزلـت اقدامـه مـع البـحـر والـمـوج اقلـعـه
صاحـت امـه يــوم لــدم نظـرهـم مالـقـوه=كــل واحــد لــه تصـيـح وعـلـيـه تـفـزعـه
او وجودي وجد صدام يـوم بالعيداحكمـوه= بحكـم العـدام وجـودي وجـود اللـي مـعـه
اعدمـوه اعـدن قـبـل بالمـواجـه مـاقـدروه=وجوه بالحيـلات يـوم اعرفـوا ويـن اطمعـه
جـوه بالحيلـه وبالـلـي يـبـي وستـدرجـوه= ليـن كـل اللـي بـذل مـن جـهـوده ضيـعـه
او وجود اللـي قعـد لـه عـدوا بالعمـر ابـوه = وابغضـه والبغـض لـه مــع خـوانـه وزعــه
مــن حبيب(ن)مالكنـبـي غـلايــه كـلـبـوه = ثابت(ن)حـبـه بقـلـبـي ولاحـــدن يـنـزعـه
علـمـوه بحـبـه الـلــي ملـكـنـي عـلـمـوه = والله انـي ماقطـع الوصـل لوهـو يقطـعـه

[رايـــد الهـــذلـــي]

فجئه وجدت رسالة الحب بسمه=والدمع من عيني يبلل ورقها


كنه كما جمرن وفاالوجه بسمه=وصاح الورق ياشيخ ,,دمعك حرقها


واحرقت ماضينا وضيعت جسمه=نسيت رسماته وريحة عرقها


وصاح قلبي هذي جروح جسمه=ذكرتني بحلام حظي سرقها


وقلت ياقلبي تنهد بنسمه = نسمة حزن والشوق مبطي درقها


ياقلب لا تشره على من بناسمه=اشره على من ذل روحه غرقها


لكن هذي حكمة الله وقسمه =ناسٍ جمعها حب وناسٍ فرقها


مدري وش اللي في عروقي وقّ سمه=وخلاه في عيني سحابه برقها


مات الهواء واقفى وقفى وراسمه=والليل غيب شمسه اللي شرقها


وفجئه لقيت رسالة الحب رسمه= والدمع من عيني يبلل ورقها

[شامان]

الضبيب لاهنت ولا هان حضورك واشكرك على كلماتك الراقيه في ردك

[شامان]

إبن مريقب
حياك تراحيب الحيا واشكرك على اطلالتك

[شامان]

سفير المعاني
وبيض الله وجه من قام على المنتدى وبناه
ولاهنت على حضورك الي اسعدني
دمت حاضراً بأتم صحه وعافيه وفكر

[شامان]

رفيع النفس
هلا بك قالتها الفيافي للمطر
وبإنتظارك يا المبدع ,,,

[شامان]

ريما ومن قال يسلم
وشكرا لك على هالعطر الي فاح بحضورك

[شامان]

نمر
مرحبا بك وحياك

[شامان]

بدر بن صقر ,,
هلا بك ملايين ,, وحياك وحي ابياتك

مشاركه أولى ,, وبداية العطر جميله ومركزه

أشكرك وتما استقبالها ,,

كنت أتحرى عرسنا والتهاني=لكن حلمي صار ذا اليوم مدفون!
خليت للكايد قرار ومكاني=يدخل مابين الحب عاذل وملعون
طعت العواذل يالغلا في ثواني!=نسيت حبن داخل الصدر مكنون

[شامان]

منصور الرويلي


يامنصور ,,,


منصور ؟؟؟
كريم وأجودي وبيض الله وجهك

لكن اتمنى انك تقرا شروط المشاركات

منصور ؟؟؟


يامنصور ؟؟؟


والله قلنا وحده ,,

وبكذا ام اننا نزعلك ونقول .. اسمك تم اعفائه
او ترضينا وتختار مشاركه وحده .. من جملة مشاركاتك وتثبت عليها

[شامان]

ابراهي الغريب
حياك وحيا ابياتك

خلا حياتي بين ظالم ومظلوم = وعلق على صدر الخيانه وسامه
واخلاص حبه والوفا صار مزعوم = دايم يجاملني ولا ادري علامه

تسلم ويسلم راسك

[شامان]

ابراهيم اليحيا .. عبدالله بن عريمه

حياكم ومرحبا بكم .. وبحضوركم العاطر
وتسلمون على تواجدكم
وبلإنتظار روايعكم.. بشغف

[شامان]

عبدالله بن عريمه


واغضيت واغضت وازرق الدمع مرسول=واقفت تلاحظها الدموع الهميله

راحت ورى ليل.ن. من البعد مجهول =ومن بينا جرد الفجوج المهيله

اصفق على كفي بكفي ونااا قول = والله ،،مابيدي وبيديك حيله

عزيت حب.ن.فـ اول المهد مقتول = باول ربيعه ماجنينا حصيله



صح لسانك وأعتلى شانك
مشاركه ... تخوف

يعطيك العافيه

[شامان]

الوهبداني



ياوجودي وجـد مـن سجـن ظلـم وعذبـوه = مابه الظفـر فـي يديـه المحقـق ماشلعـه
او وجود اللي على شاطـي البحـر تركـوه= جاهل(ن)طب البحـر مـدرى عـن مصرعـه





صح لسانك واعتلى شانك
وبيض الله وجهك على كرم تواجدك ومشاركتك

وصلت

[منصور الرويلي]

http://www.newmiracles.org/images/weeping747.jpg




(( شامان هلابك هذي مشاركتي ))
..
..

..

أرتكي لهموم خلق الله وأشيـل = وأنا حملي مالقيت اللي يشيلـه
الجميل ماعاد يجـزا بالجميـل = والخليل اليوم مايذكـر خليلـه
الوفا بالوقـت هـذا مستحيـل = والليالي فـي هداياهـا بخيلـه
السهر والدمع والدرب الطويـل = والنهار اللي شكى همه وليلـه
كلبوها من سبب ذاك الرحيـل = يوم عّزم بالجفا واعلن رحيلـه
كن في صدري من الفرقا فتيل = لاذكرته شب في قلبـي فتيلـه
لاذكرت الزين نقاض الجديـل = برْي حالي كل مايطرق جديلـه
وجد حالي كل ماهـب العليـل = يرسل النسمات بالروح العليلـه
صغت به قافي من الوزن الثقيل = والمعاني مايجي فيهـا هزيلـه
لو يغيب سنين ماغيـره بديـل = وحالفً بالله مـا أدوّر بديلـه

[الخرش]

شامان

فكره رائعه

واحساس يقض من جنابك الميمون


نأمل ان نرى المبدعين بمشاعرهم

هنا في هذه المسابقه

واحب ان اشيد بكل من شارك

ونثر اعذب الكلمات



دمت بهذا الجمال

مودتي للجميع

[براء الأحمد]

شااماان يالغالي

اذا ممكن استفسر لأن الفكرة أعجبتني

القصيده المطلوبه
عاديتكونشعر فصيح والا لازم تكون نبطي

ولكم جزيل الشكر وإنتظروني على الحالتين ...

أبو أحمد

[الشاعر برجس حامد العنزي]

بالعكس فكره حلوه

ويعطيك العافيه علي هذا الطرح


لكن في سؤال يدور بخاطري

هل من حق المتسابق يعرف من يقيم قصيدته ويختارون الافضل

واذا من حقه هل من الممكن نعرف اسمائهم ان امكن



يعطيك العافيه اخووووووووووووي

[الخـــيالة]

http://www.al7snaa.com/up/uploads/images/al7snaa.com0a01d053b6.gif


اوعدك ياهمومي

احبس الدمعه داخل عيوني

وامنيها بدمعة الافراحي

والهي النفس

وانتظر تراحيل الهمومي

ااااه اااااه ااااه

يا همومي مازلتي متمسكة بي

ثلاث سنين خيمتي بين ضلوعي

وتعذيبك يجول في صدري

متى سترحلي ؟؟؟

اوعدك ياهمومي

في رحيلك سأفرش لك الطريق ورداً

وفي طريق رحيلك سأجعلك مثل الورود

تجفي وتتفتفتي وتطيري

و سأبتسم لك ابتسامة راضية

مسامحة على كل قسوة قسوتيها

وسوف أمحيك من ذاكرتي بممحاة التناسي

ولن ابقي اثرا مرت بها خطوات نزف الجراحي

اااااه اااااه اااااه

نزف الجراح كادا ان يقتلني

اااااه اااااه اااااه

اودعك يامن حرقتي القلب بجمراً ملتهبي

وادعو ربي خالقي ان نلتقي

في يوم اراد بك ربي تطهيري و مسح ذنوبي

[الخـــيالة]

كتاب يروي قصتي بحرفين (اه)
http://www.al7snaa.com/up/uploads/images/al7snaa.com025b4d18b6.gif

[خلف المهيلان]

هذه مشاركتي بالمسابقه
وشكراًللاخ شامان على خلق روح
التنافس من خلال نفث هالابتكار
والتميزاتمنى لي ولزملاء التوفيق
والرقي لهذا الصرح الجميل بكم
وفي الرهب الموسس بروكتم
تحياتي خلف المهيلان

ماعليش انا غيرت اشطرالثاني
وبماان منصور حاط كذا نص ههه انا فقط غيرت
الشطر الثاني ارجو قبول هاذي اخر كلام وجواب
مع ودي واحترامي لكم لن الشطر الثاني
على الباء امرن شوي والطف وشكراًَ للطفكم
وجدانيتكم الي لفتت الانتباه لمثل هذا الموضوع

ذهول وفراق وقرار(ن)مفأجي
مايستساغ ويرفضه واقع الحب

ياشمس عمري صرت بعدك دياجي
من غيرعتمة غيبتك داخلي شب

حزنـ(ن) عجزيطفيه دمعي واناجي
همسـك وانا دمعي من عيوني يصب

كني بدونك وسط غربه ولاجي
ماله دفاء الا برد الا طلال لا هب


وأنااول احلم فيك واسعى وراجي
بخرت حلمي وانجرح داخلي لب


صدق الغلاالي عذب حول هماجي
باسباب ناسـ(ن)ماعرف دينهارب

يااللي سماك اول تحب إنعراجي
يوم انت عن حبي من خلاصك تذب


شلي تغيريوم تبغا خراجي
وإنت تعرف جرح المفارق ماله طب


ولني وفي صادق كتبت احتجاجي
باحساس يوسف والمفارق دجا جب

ماتت بي الفرحه ومات ابتهاجي
واعزايه اخر ماكتبتي عن الحب

[شامان]

مرحبا بكم تراحيب المطر من ملفاكم إلى ملقاكم هنا في منتدى رهب ,, أهني نفسي وأهني المنتدى بكم وبإبداعكم وبجمال حضوركم,, وبيض الله وجيهكم على التواجد ,, وجودكم في مشاعركم

بالنسبه للمسابقه ,, لاتقبل الا القصائد النبطيه اما الفصحى فلها شأن آخر واجواء أخرى بإذن الله سيكون لها نصيب ,,

أما بخصوص اللجنه التنظيميه للمسابقه فثقوا تمام الثقه بأنها ستكون منصفه بإذن الله ,,, ولن يرشح إلا من يستحق الترشيح بجداره وقصيدته هي التي ستجعله في الصداره
اما القواعد الأسايه كما تعلمون ( هو الوزن بالتأكيد وباقي شروط القصيده وهذه الأمور لاتخفى على أي شاعر )
بالإضافه وهذا هو الأهم .. هو مقدار تمكن الشاعر .. من الشعور بأجواء القصه وبطلها ... وإعطاء القصيده الإحساس الصادق ,,, حتى يشعر كل قارئ ومتذوق للشعر .. بشعور القصيده ويلامسه ,,,
نصيحتي لكم ,,, الاهتمام بشكل اكبر بأجواء القصيده ... ومفرداتها ومعانيها ,,,, ( بالعربي تخيلوا إنكم بدر )
--------------
تمنياتي بالتوفيق للجميع ,,,,

[طلال الدوسري]

فكرة عظيمة ياشامان

الحمد لله إني لحقت قبل نهاية المهلة

اعجبتني فكرتك ولي عودة أتمنى تكون قوية

انتظروني

[خلف المهيلان]

شامان لاتنسى التعديل
جعلك تسلم لنه تعديل فقط بالشطر الثاني

[عقاب صقر]

مشاركتي بمسابقة التصوير الشعري

سعى من هو سعى بيني وبينك =وعرَّضني وعرَّضك القطاعه
حرم عيني من مناجاة عينك=وفرّق شملنا عقب اجتماعه
بليّا ذنب شلت اليوم دينك =وانا اللي ما نسى حبك وباعه
والا يا صاحبي ويني ووينك=عسى لي فيك يالترف ارتجاعه
والا يا زين قلبي في يدينك=ترفَّق فيه يا سبة ضياعه
ظنيني لا توحَّى في ظنينك=وانا واياك من دون الجماعه
انا اللي حن يوم اوحى حنينك=وانا اللي عنك ما صدِّيت ساعه
وانا اللي بالهوى قلبي رهينك=وانا اللي خافقي عندك وداعه
وانا اللي وان حكوا بك حاسدينك=لحسَّادك فلا سمع ٍ وطاعه
وتطمن يا عسى تبطي سنينك=انا عن حب غيرك في مناعه