(( لــعــبـة صــداقــه كـمـا الــبــالــوت ))

[منصور الرويلي]

شـاعـراً مابقى له غير مايرتجيه
... وش تبي في جنونه بالحكي تقهره

[منصور الرويلي]

ياسامع اللي بجوف الحوت = علاّم الاسرار سبحانه
صوتك يسابق فوات الفوت = تفرج لمن زادت أحزانه
لعبة صداقه كما البالوت = على الورق تسحر ألوانه
أحيان لعبي يجي كبوت = وأتعمد أخسر على شأنه
لعبي كذا والبيوت بيوت = وبيوت شعري لها خانه
ياهيه وانكان صمتك صوت = صوتي ترى تعّرف الحانه
صوتي أتعّـرفه ولو أتموت = ماتعرف السحر بأوزانه
ياهيه ماهي بلبس أبشوت = مادام للشعر شيطانه
جزل المعاني سحر هاروت = والا كما الورد باغصانه
من جرح وسط الحشا منحوت = يفيض من نزف شريانه
ياهيه خذها صريحة صوت = من أبدويً على حصانه
ترى الحصن لاصهلت للموت = ماتاسع الارض ميدانه
كم وافيً موقفه مثبوت = وأعيش باعماق وجدانه
وكم أخت يغري غنجها قوت = وأشوم عنها علشانه
وكم ليل فيه المساء عكروت = عزيت لؤله ومرجانه
أطلقت ماكان بي مكبوت = وكسـّرت بالصدر بيبانه
أضحك وانا في لذيذ الموت = والصدر ماثار بركانه
لكن أبجاه الذي مايموت = لا تبيع وجهك علشانه

.
.
.
.

[سفير المعاني]

الغالي
الشاعر
منصور الرويلي

الله يسعد كما تسعدنا بشعرك

فامامي قصيده لها صدى فعلي

بكل بيت من ابياتها الغنيه عن

التفسير فانت شاعر واضح ذيب

بمواجهاتك لمن تعرض لك انا

امام شاعر متمكن مهما اقول

اظل مقصر امام روعته وابداعه

وصح لسانك وعلا شانك يابو نايف



تقبل تحياتي

[مهدي بن مسفر الحبابي]

أخوي منصور الرويلي

صح لسانك واعتلا شانك

رايعه ووافيه من راس وافي

لك احترامي وتقديري

[محمد السويلم]

الاخ العزيز

الشاعر المبدع



منصور الرويلي



صح لسانك واعتلا شانك



حضور مميز لشاعر مميز



دمت ودام حضورك



تقبل مرور


ولك مني


تحية

بحجم

الكورة

الارضية

[شجون]

منصور الرويلي



صح لسانك واعتلا شانك

[رفيع النفس]

أخوي منصور الرويلي

صح لسانك واعتلا شانك

رايعه ووافيه من راس وافي

لك احترامي وتقديري

[منصور الرويلي]

الشامخ سفير المعاني

اشادتك واعجابك وسام فخر على صدر قصائدي

[احساس شاعر]

منصور الرويلي
صح لسانك
قصيده رائعه جدا ً
قرأتها اكثر من مره
وفي كل قراءه اقف عند ابياتها اعجابا ً
اشكرك على هذا الجمال
دمت بخير

[منصور الرويلي]

مهدي بن مسفر

تسلم على الاطراء الجميل

[منصور الرويلي]

محمد السويلم


تسلم على حضورك الكريم